America Pakistan : ఉగ్రఘటన పై పాక్ కు షాక్ ఇచ్చిన అమెరికా..!
Authored By Ramu Tandu Ramalingaiah
| The Telugu News | Updated on :
1 May 2025,
2:10 pm 
America Pakistan : ఉగ్రఘటన పై పాక్ కు షాక్ ఇచ్చిన అమెరికా..!
America Pakistan : జమ్మూ కశ్మీర్లోని పహాల్గమ్ వద్ద ఇటీవల జరిగిన ఉగ్రదాడిపై అంతర్జాతీయ స్థాయిలో తీవ్ర ఆగ్రహం వ్యక్తమవుతోంది. 26 మంది అమాయక పౌరుల ప్రాణాలను బలిగొన్న ఈ దాడిని అమెరికా తీవ్రంగా ఖండించింది. ఈ దాడిపై స్పందించిన అమెరికా విదేశాంగ శాఖ, ఇది మానవత్వానికి విరుద్ధమైన, మతిలేని చర్యగా పేర్కొంది. ఉగ్రవాదాన్ని ఎట్టి పరిస్థితుల్లోనూ సమర్థించరాదని, ఇలాంటి ఘటనలకు మద్దతుగా నిలబడటం ప్రమాదకరమని పాక్ను హెచ్చరించింది.
America Pakistan : ఉగ్రఘటన పై పాక్ కు షాక్ ఇచ్చిన అమెరికా..!
America Pakistan బుర్ర ఉందా..? అంటూ పాక్ ప్రధానిపై అమెరికా విదేశాంగ మంత్రి ఆగ్రహం
ఈ ఘటన నేపథ్యంలో అమెరికా విదేశాంగ మంత్రి ఆంటొని బ్లింకెన్, పాకిస్తాన్ ప్రధానమంత్రి షెహబాజ్ షరీఫ్తో టెలిఫోన్ ద్వారా మాట్లాడారు. పహాల్గమ్ దాడి నేపథ్యాన్ని వివరించి, ఇలాంటి మానవతా విరుద్ధ చర్యలను ఖండించాలంటూ సూచించారు. ఉగ్రవాద సంస్థలకు నిలయం కల్పించడం వల్ల అంతర్జాతీయ స్థాయిలో తీవ్ర పరిణామాలు ఏర్పడతాయని స్పష్టం చేశారు. అమెరికా ఎప్పటినుంచో ఉగ్రవాదంపై ‘జీరో టోలరెన్స్’ విధానాన్ని పాటిస్తోందని, అంతర్జాతీయ సమాజం కూడా ఇదే విధంగా వ్యవహరించాలని పాక్ను హెచ్చరించింది.
ఇక సరిహద్దుల్లో ఉద్రిక్తతలు పెరగకుండా చర్యలు తీసుకోవాలని పాక్ను అమెరికా కోరింది. భారతదేశంతో సంబంధాలను శాంతియుతంగా కొనసాగించే దిశగా ప్రయత్నించాలని సూచించింది. పాక్లో ఉగ్రవాద శిబిరాలు, మద్దతుదారులపై చర్యలు తీసుకోవడమే కాకుండా, ఉగ్రవాదాన్ని సమూలంగా నిర్మూలించేందుకు చర్యలు తీసుకోవాలని అమెరికా తీవ్రంగా క్లాస్ పీకింది. ఈ పరిణామాలతో పాక్ పట్ల అంతర్జాతీయ ఒత్తిడి మరింత పెరిగే అవకాశముంది.
Also read
