Dhoni : ధోనిని చూడాల‌ని పిల్లల స్కూల్ ఫీజుతో ఐపీఎల్ టిక్కెట్ కొన్న వీరాభిమాని
Dhoni : మ‌హేంద్ర‌సింగ్ ధోని.. ఈ పేరు గురించి ప్రత్యేక ప‌రిచ‌యాలు అక్క‌ర్లేదు. క్రికెట్ చరిత్రలో భారత మాజీ కెప్టెన్ ఎంఎస్ ధోనికి ప్రత్యేక పేజీ లిఖించి ఉంటుంది. భారత క్రికెట్‌ను అత్యున్నత స్థాయి ప్రమాణాలతో తీర్చిదిద్దిన ధోని .. కెప్టెన్‌గా, వికెట్ కీపర్‌గా, బ్యాట్స్‌మెన్‌గా టీమిండియాకు ఎనలేని సేవలు అందించాడు. భారత్‌కు వన్డే, టీ-20 వరల్డ్‌కప్‌లను అందించి దిగ్గజ క్రికెటర్‌గా గుర్తింపు పొందాడు. ధోని అంతర్జాతీయ క్రికెట్‌కు గుడ్ బై చెప్పి ఏళ్లు గడుస్తున్నా, అతడి పాపులారిటీ ఏమాత్రం తగ్గలేదు. టీవీ యాడ్స్‌, ఎండార్స్‌మెంట్స్ ఆదాయంలో అతడు ప్రస్తుత క్రికెటర్ల క‌న్నా చాలా ముందు ఉన్నాడు. ప్రపంచ క్రికెట్‌లో సంపన్న ఆటగాళ్ల జాబితాలో ధోని ముందు వరుసలో ఉన్నాడు. ప్ర‌స్తుతం ధోని బిజినెస్ వ్య‌వ‌హారాలు చూసుకుంటూ ఐపీఎల్ ఆడుతున్నాడు.
Dhoni : ధోని అంటే ఇంత పిచ్చా..
గ‌త సీజ‌న్‌లో తన జ‌ట్టుని విజేత‌గా నిలిపిన ధోని ఈ సారి కూడా చెన్నై జ‌ట్టుకి కప్ అందించేలా చేసి ఐపీఎల్‌కి కూడా వీడ్కోలు ప‌లుకుతాడ‌ని అంటున్నారు.ఈ క్ర‌మంలో ధోని ఆడే ప్రతి మ్యాచ్‌కి మంచి రెస్పాన్స్ వ‌స్తుంది. ఆయ‌న బ్యాటింగ్‌కి వ‌చ్చిన, కీపింగ్ చేసే స‌మ‌యంలో అయిన ప్రేక్ష‌కులు అరుపుల‌తో స్టేడియం ద‌ద్ద‌రిల్లేలా చేశారు. రోజు రోజుకి ధోనికి అభిమానులు పెరుగుతున్నారే త‌ప్ప త‌గ్గ‌డం లేదు. తాజాగా ఓ వీరాభిమాని ధోని కోసం చేసిన పని చ‌ర్చ‌నీయాంశం అవుతుంది. దిగ్గజ క్రికెటర్‌ ధోనీ ఆటను ప్రత్యక్షంగా చూసేందుకు ఓ వీరాభిమాని తన పిల్లల స్కూల్ ఫీజును వాడాడు. అది కూడా బ్లాక్‌లో ఏకంగా 64,000 పెట్టి టికెట్లు కొని మరీ మ్యాచ్ చూశాడు.
Dhoni : ధోనిని చూడాల‌ని పిల్లల స్కూల్ ఫీజుతో ఐపీఎల్ టిక్కెట్ కొన్న వీరాభిమాని
కోల్‌కతా-చెన్నై మ్యాచ్ కోసం సదరు ఫ్యాన్ బ్లాక్‌లో టిక్కెట్ 64 వేల రూపాయ‌లు పెట్టి కొని అంద‌రిని ఆశ్చ‌ర్య‌ప‌రిచాడు. తన పిల్లల కోసం దాచిన డ‌బ్బుతో ఆయ‌న చేసిన ప‌నిని కొంద‌రు స‌మ‌ర్ధిస్తుండ‌గా, మరి కొంద‌రు మాత్రం ఆగ్ర‌హం వ్య‌క్తం చేస్తున్నారు. మ్యాచ్ ముగిసిన తర్వాత మీడియాతో మాట్లాడిన అత‌ను టికెట్ల కోసం ఇలా స్కూల్ ఫీజు వాడిన‌ట్టు చెప్ప‌డంతో ఇది వైర‌ల్‌గా మారింది. అయితే ధోనీ ఆటను స్టేడియంలో లైవ్‌ చూసేందుకు తాను ఇలా చేశానని తెలుసుకున్న తన ముగ్గురు పిల్లలు చాలా సంతోషించారని కూడా పేర్కొన్నాడు. పిల్లల భవిష్యత్ ప‌క్క‌న పెట్టి మ్యాచ్ కోసం ఇలా చేయడం పెద్ద పిచ్చి పని అని ప‌లువురు కామెంట్ చేస్తున్నారు.
Also read
