Realme P4 Power 5G: ప్రముఖ స్మార్ట్‌ఫోన్ తయారీ సంస్థ రియల్‌మీ (Realme) భారత మార్కెట్లోకి మరో శక్తివంతమైన స్మార్ట్‌ఫోన్‌ను విడుదల చేయడానికి సిద్ధమైంది. ‘రియల్‌మీ పీ4 పవర్ 5జీ’ (Realme P4 Power 5G) పేరుతో ఈ కొత్త ఫోన్ జనవరి 29న గురువారం మధ్యాహ్నం 12 గంటలకు భారత్‌లో లాంచ్ అయింది. ముఖ్యంగా బ్యాటరీ బ్యాకప్ కోరుకునే వారిని దృష్టిలో ఉంచుకుని ఈ ఫోన్‌ను డిజైన్ చేసినట్లు తెలుస్తోంది. ఇందులో అమర్చిన భారీ బ్యాటరీ, పవర్-ఫుల్ ప్రాసెసర్ వివరాలు టెక్ వర్గాల్లో ఆసక్తిని రేపుతున్నాయి.

Realme P4 Power 5G : ఒక్క సారి చార్జ్ చేస్తే.. 932 గంటల స్టాండ్‌బై టైమ్

10,001mAh బ్యాటరీ స్మార్ట్‌ఫోన్ చరిత్రలో ఇది ఒక సంచలనమని చెప్పవచ్చు. Realme P4 Power 5Gలో ఏకంగా 10,001mAh సిలికాన్ కార్బన్ టైటాన్ బ్యాటరీని (Silicon Carbon Titan Battery) అందిస్తున్నారు. ఈ బ్యాటరీని ఒక్కసారి ఛార్జ్ చేస్తే సుమారు 932.6 గంటల స్టాండ్‌బై టైమ్ వస్తుందని కంపెనీ క్లెయిమ్ చేస్తోంది. నిరంతరాయంగా 32.5 గంటల పాటు వీడియో ప్లేబ్యాక్ చూడవచ్చు. ఇంత పెద్ద బ్యాటరీని ఛార్జ్ చేయడానికి 80W వైర్డ్ ఫాస్ట్ ఛార్జింగ్ సపోర్ట్ ఉంది. అంతేకాకుండా, ఈ ఫోన్ ద్వారా వేరే డివైజ్‌లను ఛార్జ్ చేసుకునేలా 27W రివర్స్ ఛార్జింగ్ సదుపాయం కూడా ఉంది. డిస్‌ప్లే, డిజైన్ విజువల్ ఎక్స్-పీరియన్స్ కోసం ఈ ఫోన్లో 1.5K రిజల్యూషన్ కలిగిన 4D Curve+ HyperGlow డిస్‌ప్లేను ఏర్పాటు చేశారు. ఇది 144Hz రీఫ్రెష్ రేట్‌తో వస్తుంది, కాబట్టి గేమింగ్, స్క్రోలింగ్ చాలా స్మూత్‌గా ఉంటుంది. 6,500 నిట్స్ పీక్ బ్రైట్‌నెస్ ఉండటంతో ఎండలో కూడా స్క్రీన్ స్పష్టంగా కనిపిస్తుంది. ఈ ఫోన్ ట్రాన్స్-సిల్వర్, ట్రాన్స్-ఆరెంజ్, ట్రాన్స్-బ్లూ అనే మూడు విభిన్న రంగుల్లో లభిస్తుంది.

Realme P4 Power 5G : హైపర్‌విజన్ ప్లస్ ఏఐ చిప్

ప్రాసెసర్, సాఫ్ట్‌వేర్ పెర్ఫార్మెన్స్ విషయానికి వస్తే, ఇందులో మీడియాటెక్ డైమెన్సిటీ 7400 అల్ట్రా (MediaTek Dimensity 7400 Ultra) చిప్‌సెట్‌ను వాడారు. ఇది 4nm ప్రాసెస్‌పై నిర్మితమైంది. దీనికి అదనంగా HyperVision+ AI చిప్ కూడా ఉంది. ఈ డ్యూయల్ చిప్ డిజైన్ వల్ల ఫోన్ ఎనర్జీ ఎఫిషియెన్సీ 25 శాతం పెరుగుతుందని కంపెనీ తెలిపింది. సాఫ్ట్‌వేర్ పరంగా ఇది లేటెస్ట్ Android 16 ఆధారిత Realme UI 7.0 పై పని చేస్తుంది. రియల్‌మీ ఈ ఫోన్‌కు 3 ఏళ్ల పాటు OS అప్‌గ్రేడ్స్, 4 ఏళ్ల పాటు సెక్యూరిటీ అప్‌డేట్స్ ఇస్తామని హామీ ఇచ్చింది. కెమెరా వివరాలు ఫోటోగ్రఫీ కోసం వెనుక వైపు డ్యూయల్ కెమెరా సెటప్ ఉంది. 50-మెగాపిక్సెల్ Sony IMX882 సెన్సార్ ప్రధాన కెమెరాను ఇచ్చారు (OIS సపోర్ట్‌తో). దీంతో పాటు ఒక అల్ట్రా-వైడ్ కెమెరా కూడా ఉంది. ఈ కెమెరాతో 4K వీడియోలను రికార్డ్ చేయవచ్చు.

Realme P4 Power 5G : భారతదేశంలో ధర ఎంత ఉండొచ్చు? (Expected Price)

రియల్‌మీ పీ4 పవర్ 5జీ ధరను అధికారికంగా లాంచ్ ఈవెంట్‌లో ప్రకటించనున్నారు. అయితే ఆన్‌లైన్‌లో లీక్ అయిన సమాచారం ప్రకారం.. 12GB RAM + 256GB స్టోరేజ్ వేరియంట్ బాక్స్ ధర (MRP) రూ.37,999గా ఉంది. సాధారణంగా ఎంఆర్పీ కంటే సేల్ చేసేటప్పుడు ధర తక్కువగా ఉంటుంది కాబట్టి, ఇది సుమారు రూ.30,000 నుంచి రూ.34,000 మధ్యలో లాంచ్ అయ్యే అవకాశం ఉంది. ఈ ఫోన్ ప్రముఖ ఈ-కామర్స్ సైట్ Flipkart ద్వారా విక్రయానికి రానుంది. లాంచ్ ఆఫర్ కింద బ్యాంక్ డిస్కౌంట్లు కూడా లభించే అవకాశం ఉంది.