UPI : ఏప్రిల్ 1 నుండి ఆ మొబైల్ నెంబ‌ర్స్‌లో ఈ యాప్స్ ప‌ని చేయ‌వు..!

UPI  : ఈ రోజుల్లో Google Pay, PhonePe లేదా Paytm వాడ‌ని వారు లేరు. అయితే ఏప్రిల్ 1, 2025 నుంచి, కొన్ని మొబైల్ నంబర్లలో ఈ యాప్‌లు పనిచేయకపోవచ్చు. ఎన్‌పీసీఐ (నేషనల్ పేమెంట్స్ కార్పొరేషన్ ఆఫ్ ఇండియా) తాజా మార్గదర్శకాలు, భద్రతా కారణాల వల్ల ఈ మార్పులు అమలులోకి వస్తున్నాయి.

UPI : ఏప్రిల్ 1 నుండి ఆ మొబైల్ నెంబ‌ర్స్‌లో ఈ యాప్స్ ప‌ని చేయ‌వు..!

UPI  ఇది గుర్తు పెట్టుకోండి..

ఏప్రిల్ 1 నుంచి బ్యాంక్ ఖాతాకు లింక్ చేయని లేదా మార్చబడిన మొబైల్ నంబర్లతో యూపీఐ సేవలు పనిచేయడం ఆగిపోతుంది.యూపీఐ సేవలను మీరు కొనసాగించాలనుకుంటే మీ బ్యాంక్ ఖాతాకు లింక్ చేసిన మొబైల్ నంబర్ పనిచేస్తుందో లేదో చూసుకోండి. మీ టెలికాం కంపెనీకి కాల్ చేసి, మీ నంబర్ స్టేటస్ తెలుసుకోండి. చాలా కాలంగా రీఛార్జ్ చేయకుండా లేదా వాడకుండా ఉంటే వెంటనే రీఛార్జ్ చేసి వాడుకలోకి తీసుకురండి.

లేదా మీ బ్యాంక్ ఖాతాలో కొత్త మొబైల్ నంబర్ లింక్ చేయండి. దీని ద్వారా సైబర్ నేరాలకు అడ్డుకట్ట వేయడానికి అవకాశం లభిస్తుంది. పనిచేయని మొబైల్ నంబర్ల రికార్డులను వారానికి ఒకసారి చెక్ చేయమని బ్యాంకులకు, యూపీఐ యాప్‌లకు ఇప్పటికే NPCI ఆర్డర్ వేసింది. దీనివల్ల వాడుకలో ఉన్న నంబర్లు మాత్రమే బ్యాంక్ ఖాతాలకు లింక్ అయి ఉంటాయి. దీనివల్ల సైబర్ నేరాలు, టెక్నికల్ సమస్యలు తగ్గుతాయని అధికారులు అనుకుంటున్నారు.ఇలా చేస్తే, ఏవైనా సమస్యలు లేకుండా మీ లావాదేవీలు నిరంతరాయంగా సాగుతాయి!