Daughter  : తెలంగాణ రాష్ట్రంలో మరో దారుణమైన హత్య సంచలనంగా మారింది. చాకలి ఐలమ్మ ముని మనవరాలు, ప్రజా ఉద్యమ గాయిని మరియు ఫోక్ సింగర్ అయిన అంజలి, తన సొంత కుమార్తె చేతిలోనే దారుణంగా హత్యకు గురైంది. హైదరాబాద్‌ జీడిమెట్లలో నివాసం ఉంటున్న అంజలి, తన కూతురు శ్రీతేజ..కొద్దీ రోజులుగా ఓ యువకుడితో తరుచు ఫోన్లో మాట్లాడుతుంది. దీంతో ఆమెను తల్లి మందలించింది. తనను మందలించిందనే కోపం తో శ్రీతేజ, తమ్ముడు యశ్వంత్ మరియు తన ఇన్‌స్టాగ్రామ్ ప్రేమికుడు శివల సహకారంతో తల్లిని దారుణంగా హత్య చేసింది.

Daughter : చాకలి ఐలమ్మ పరువు తీసిన ఆమె ముని మనమరాలు

పదో తరగతి చదువుతున్న శ్రీతేజ‌కు, సోషల్ మీడియా ద్వారా ఆరు నెలల క్రితం శివ అనే యువకుడితో పరిచయం ఏర్పడింది. ఇది కాస్త వారి మధ్య ప్రేమగా మారింది. ఈ సంబంధాన్ని అంగీకరించని తల్లి అంజలి పలుమార్లు కుమార్తెను మందలించింది. ప్రేమలో మునిగిపోయిన తేజ, తల్లిని అడ్డంగా భావించి చంపాలని నిర్ణయించుకుంది. తమ్ముడు యశ్వంత్ మరియు శివ సహకారంతో, అంజలి తలపై బలంగా కొట్టి, తర్వాత గొంతు నులిమి హత్యకు పాల్పడింది.

ఈ దారుణ ఘటనపై జీడిమెట్ల పోలీసులు కేసు నమోదు చేసి, విచారణ ప్రారంభించారు. మైనర్ అయిన తేజశ్రీ, ఆమె తమ్ముడు యశ్వంత్, మరియు శివను అరెస్టు చేశారు. ఈ ముగ్గురిపై హత్య కేసు నమోదు చేయడం జరిగింది. చాకలి ఐలమ్మ వారసురాలు, ప్రజా ఉద్యమానికి కీర్తిని తెచ్చిన అంజలిని తన బిడ్డలే హత్య చేయడం స్థానికులను తీవ్ర దిగ్భ్రాంతికి గురి చేసింది. ఈ ఘటన నేటి యువతలో సోషల్ మీడియా ప్రభావాన్ని, తల్లిదండ్రులపై పెరుగుతున్న వ్యతిరేకతను వెలుగులోకి తీసుకువచ్చింది.