KTR : కాంగ్రెస్ తెలివిత‌క్కువ విధానాల వల్లే తెలంగాణలో కుప్ప‌కూలిన రియల్ ఎస్టేట్ : కేటీఆర్
KTR : కాంగ్రెస్ ప్రభుత్వం తీసుకున్న తెలివి త‌క్కువ నిర్ణయాల వల్ల తెలంగాణలో ఆదాయ క్షీణత, రియల్ ఎస్టేట్ మార్కెట్ కుప్పకూలిందని బీఆర్ఎస్ వర్కింగ్ ప్రెసిడెంట్ కెటి రామారావు అన్నారు. రాజకీయ, ధన లాభాల కోసం ముఖ్యమంత్రి ఎ రేవంత్ రెడ్డి హైడ్రాను దుర్వినియోగం చేశారని ఆరోపించారు. మంగళవారం హైద‌రాబాద్ శ్రీనగర్ కాలనీలోని సత్యసాయి నిగమాగమం వద్ద తెలంగాణ రియల్టర్ల ఫోరం సభ్యులను ఉద్దేశించి కేటీఆర్ మాట్లాడారు. బిల్డర్లు మరియు వ్యక్తులను బెదిరించి డబ్బు వసూలు చేయడానికి […]
ప్రధానాంశాలు:
KTR : కాంగ్రెస్ తెలివిత‌క్కువ విధానాల వల్లే తెలంగాణలో కుప్ప‌కూలిన రియల్ ఎస్టేట్ : కేటీఆర్
KTR : కాంగ్రెస్ ప్రభుత్వం తీసుకున్న తెలివి త‌క్కువ నిర్ణయాల వల్ల తెలంగాణలో ఆదాయ క్షీణత, రియల్ ఎస్టేట్ మార్కెట్ కుప్పకూలిందని బీఆర్ఎస్ వర్కింగ్ ప్రెసిడెంట్ కెటి రామారావు అన్నారు. రాజకీయ, ధన లాభాల కోసం ముఖ్యమంత్రి ఎ రేవంత్ రెడ్డి హైడ్రాను దుర్వినియోగం చేశారని ఆరోపించారు. మంగళవారం హైద‌రాబాద్ శ్రీనగర్ కాలనీలోని సత్యసాయి నిగమాగమం వద్ద తెలంగాణ రియల్టర్ల ఫోరం సభ్యులను ఉద్దేశించి కేటీఆర్ మాట్లాడారు. బిల్డర్లు మరియు వ్యక్తులను బెదిరించి డబ్బు వసూలు చేయడానికి హైడ్రాను ఉపయోగించారని రేవంత్ రెడ్డిపై మండిపడ్డారు. తెలంగాణ ఆర్థిక వ్యవస్థను స్థిరీకరించడం కంటే డబ్బు సంచులను ఢిల్లీకి పంపడానికే ప్రభుత్వం ప్రాధాన్యతనిస్తోందని దుయ్య‌బ‌ట్టారు.
కాంగ్రెస్ ప్రభుత్వ చర్యలు మార్కెట్‌లో డబ్బు ప్రవాహాన్ని పరిమితం చేశాయ‌ని, అది రాష్ట్ర ఆర్థిక ఆరోగ్యంపై ప్రతికూల ప్రభావం చూపిందని తెలిపారు. ప్రస్తుతం కొనసాగుతున్న రియల్ ఎస్టేట్ ప్రాజెక్టులు రద్దవుతుండగా, కొత్త వాటిని ప్రారంభించేందుకు ఎవరూ ఇష్టపడడం లేదు’ అని ఆయన అన్నారు. ప్రజలను ఆర్థికంగా, మానసికంగా ఇబ్బందులకు గురిచేసిన హైడ్రా కూల్చివేతలకు బాధ్యులెవరో చెప్పాలని డిమాండ్‌ చేశారు. బిల్డర్లు తమ ప్రాజెక్టులకు లేక్ వ్యూ అని పేరు పెట్టడానికి భయపడుతున్నారు. ఇది రియల్టర్లకు గుదిబండగా మారిందన్నారు.
దశాబ్ద కాలం నాటి బీఆర్ఎస్ పాలనను గుర్తుచేస్తూ రైతులు, భూ యజమానులు, డెవలపర్లు వృద్ధి, స్థిరత్వాన్ని అనుభవించారని కేటీఆర్ అన్నారు. 2014కి ముందు రాష్ట్రంలో భూమి విలువ చాలా తక్కువగా ఉందని, నీటిపారుదల కొరత ఉందని ఆయన పేర్కొన్నారు. కానీ కె చంద్రశేఖర్ రావు హయాంలో, బీఆర్ఎస్ ప్రభుత్వం నిరంతర విద్యుత్ సరఫరాను అందించడమే కాకుండా, సంపద సృష్టికి దారితీసిన నీటిపారుదల ప్రాజెక్టులతో రాష్ట్ర మౌలిక సదుపాయాలను కూడా మార్చిందన్నారు.
KTR : కాంగ్రెస్ తెలివిత‌క్కువ విధానాల వల్లే తెలంగాణలో కుప్ప‌కూలిన రియల్ ఎస్టేట్ : కేటీఆర్
కాంగ్రెస్ ప్రభుత్వం హైడ్రా చర్యల ద్వారా ప్రజలను లక్ష్యంగా చేసుకుంటోందని, ఇది తెలంగాణ రియల్ ఎస్టేట్ రంగాన్ని అస్థిరపరిచి పెట్టుబడిదారుల విశ్వాసాన్ని దెబ్బతీస్తోందని ఆయన విమర్శించారు. రాష్ట్రంలోని వివిధ ప్రాంతాల ప్రజలు, ప్రజావ్యతిరేక నిర్ణయాల వల్ల కాంగ్రెస్‌కు ఓటు వేసినందుకు చింతిస్తున్న‌ట్లు ఆయన పేర్కొన్నారు.
Also read
