School Holidays : విద్యార్ధులకు గుడ్ న్యూస్ … స్కూల్ హాలిడేస్ … మీ జిల్లా ఉందా చెక్ చేసుకోండి..!
Authored By Ramu Tandu Ramalingaiah
| The Telugu News | Updated on :
30 July 2026,
5:53 pm 
School Holidays : తెలంగాణలో భారీ వర్షాల కారణంగా పలు జిల్లాల్లో పాఠశాలలకు సెలవులు ప్రకటించారు. ఏ జిల్లాల్లో హాలిడే ఇచ్చారు? వాతావరణ శాఖ హెచ్చరికలు, తాజా వివరాలు తెలుసుకోండి.
School Holidays : తెలంగాణలో కురుస్తున్న భారీ వర్షాలు Rains సాధారణ జనజీవనంపై తీవ్ర ప్రభావం చూపుతున్నాయి. రాష్ట్రంలోని పలు ప్రాంతాల్లో గత రెండు రోజులుగా ఎడతెరిపి లేకుండా వర్షాలు కురుస్తుండటంతో వాగులు, వంకలు పొంగిపొర్లుతున్నాయి. ఈ పరిస్థితులను దృష్టిలో ఉంచుకుని పలు జిల్లాల కలెక్టర్లు విద్యార్థుల భద్రతకు ప్రాధాన్యం ఇస్తూ ప్రభుత్వ, ప్రైవేట్ పాఠశాలలకు సెలవులు ప్రకటించారు. వాయువ్య బంగాళాఖాతంలో ఏర్పడిన తీవ్ర వాయుగుండం ప్రభావంతో ఉత్తర తెలంగాణ జిల్లాల్లో భారీ నుంచి అతి భారీ వర్షాలు కురిసే అవకాశం ఉందని హైదరాబాద్ వాతావరణ కేంద్రం హెచ్చరించింది. ఈ నేపథ్యంలో భారత వాతావరణ శాఖ (IMD) తొమ్మిది జిల్లాలకు ఆరెంజ్ అలర్ట్, మరో ఆరు జిల్లాలకు ఎల్లో అలర్ట్ జారీ చేసింది. దీంతో జిల్లా యంత్రాంగాలు అప్రమత్తమై ముందస్తు చర్యలు చేపడుతున్నాయి.
School Holidays : విద్యార్ధులకు గుడ్ న్యూస్ … స్కూల్ హాలిడేస్ … మీ జిల్లా ఉందా చెక్ చేసుకోండి..!
School Holidays ఈ జిల్లాల్లో స్కూళ్లకు సెలవు.. ఆగస్టు 8న వర్కింగ్ డే
తాజా పరిస్థితుల నేపథ్యంలో జగిత్యాల, కొమురం భీం ఆసిఫాబాద్, నిర్మల్, నిజామాబాద్, పెద్దపల్లి జిల్లాల్లో గురువారం అన్ని ప్రభుత్వ, ప్రైవేట్ పాఠశాలలు, విద్యాసంస్థలకు సెలవు ప్రకటించారు. విద్యార్థులు, ఉపాధ్యాయులు అనవసరంగా ప్రయాణాలు చేయకుండా ఉండేందుకు ఈ నిర్ణయం తీసుకున్నట్లు అధికారులు తెలిపారు. సెలవుకు బదులుగా ఆగస్టు 8న రెండో శనివారాన్ని వర్కింగ్ డేగా నిర్వహిస్తామని జిల్లా అధికారులు స్పష్టం చేశారు. తల్లిదండ్రులు పిల్లలను అవసరం లేకుండా బయటకు పంపవద్దని, వర్షాల తీవ్రత తగ్గే వరకు జాగ్రత్తలు పాటించాలని సూచించారు. ఇక హైదరాబాద్ వాతావరణ కేంద్రం వెల్లడించిన వివరాల ప్రకారం ఉమ్మడి ఆదిలాబాద్, నిజామాబాద్, మెదక్, సంగారెడ్డి, వికారాబాద్ జిల్లాల్లో అతి భారీ వర్షాలు కురిసే అవకాశం ఉంది. అలాగే ఉమ్మడి కరీంనగర్, భూపాలపల్లి, ములుగు ప్రాంతాల్లో కూడా భారీ వర్షాలు కొనసాగే అవకాశముందని హెచ్చరించింది.
వరద పరిస్థితులతో అప్రమత్తమైన అధికారులు.. ప్రజలకు కీలక సూచనలు
కొమురం భీం జిల్లాలో భారీ వర్షాలతో వాగులు, వంకలు, ఒర్రెలు ఉప్పొంగి ప్రవహిస్తున్నాయి. దీంతో పలు గ్రామాలకు రాకపోకలు నిలిచిపోయి ప్రజలు ఇబ్బందులు ఎదుర్కొంటున్నారు. పరిస్థితిని ఎప్పటికప్పుడు అధికారులు పర్యవేక్షిస్తూ సహాయక చర్యలు చేపడుతున్నారు. అత్యవసరం లేకుండా ప్రజలు బయటకు రావద్దని జిల్లా యంత్రాంగం సూచించింది. ముఖ్యంగా తల్లిదండ్రులు చిన్నారులను వర్షాల్లో బయటకు పంపకుండా జాగ్రత్తలు తీసుకోవాలని కోరింది. అత్యవసర పరిస్థితులు ఎదురైతే వెంటనే స్థానిక అధికారులకు సమాచారం ఇవ్వాలని విజ్ఞప్తి చేసింది.
మరోవైపు రాష్ట్రంలోని ప్రధాన జలాశయాలకు వరద ప్రవాహం పెరుగుతోంది. మేడిగడ్డ బ్యారేజ్కు భారీగా వరద నీరు చేరడంతో అధికారులు 85 గేట్లను ఎత్తి దిగువకు నీటిని విడుదల చేస్తున్నారు. అలాగే ఈ వర్షాకాలంలో తొలిసారిగా జూరాల ప్రాజెక్టు గేట్లను కూడా ఎత్తి నీటిని దిగువ ప్రాంతాలకు విడుదల చేశారు. వాతావరణ శాఖ అంచనాల ప్రకారం రానున్న మూడు రోజుల పాటు తెలంగాణలో చాలా ప్రాంతాల్లో భారీ నుంచి అతి భారీ వర్షాలు కురిసే అవకాశం ఉంది. ఈ నేపథ్యంలో జిల్లా యంత్రాంగాలు పూర్తిస్థాయిలో అప్రమత్తంగా ఉండాలని ప్రభుత్వం ఆదేశించింది. ప్రజలు అధికారిక వాతావరణ హెచ్చరికలను ఎప్పటికప్పుడు గమనిస్తూ అవసరమైన జాగ్రత్తలు పాటించాలని అధికారులు సూచిస్తున్నారు. Telangana School Holidays, Heavy Rain Telangana, Telangana Weather, Orange Alert, Yellow Alert, IMD Telangana, School Holiday Today, Jagityal Schools, Nizamabad Rain, Telangana Rain Alert , తెలంగాణ పాఠశాలలకు సెలవులు, తెలంగాణ భారీ వర్షాలు, స్కూల్ హాలిడే తెలంగాణ, వాతావరణ హెచ్చరిక, ఆరెంజ్ అలర్ట్, ఎల్లో అలర్ట్, జగిత్యాల స్కూల్ హాలిడే, నిజామాబాద్ వర్షాలు, కొమురం భీం జిల్లా, తెలంగాణ వాతావరణం
Also read
