MAA Election : వీడిన ఉత్కంఠ.. మా అధ్యక్షుడిగా మంచు విష్ణు విజయం

MAA Election : మూవీ ఆర్టిస్ట్ అసోసియేషన్ (మా) ఎన్నికల యుద్ధం ముగిసింది. మా అధ్యక్ష పదవికి హీరో మంచు విష్ణు, విలక్షణ నటుడుప్రకాశ్ రాజ్ పోటీ పడగా, ఈ పోటీలో మంచు విష్ణు నెగ్గాడు. గతంలో ఎన్నడు లేని విధంగా ఈ సారి మా ఎన్నికలు రసవత్తరంగా జరిగాయి. లోకల్, నాన్ లోకల్ అనే అంశంతో పాటు మా సభ్యుల సంక్షేమం, మా భవనం ఇంకా పలు అంశాలు ఈ ఎన్నికల సందర్భంగా తెరమీదకు వచ్చాయి.

Finally MAA Elections are came out

ఇకపోతే మంచు విష్ణు, ప్రకాశ్ రాజ్ ప్యానెల్ సభ్యుల ఒకరిపై మరొకరు వ్యక్తిగత దూషణలకు కూడా దిగారు. ఫైనల్‌గా మంచు విష్ణు ప్యానెల్ ఈ ఎన్నికల్లో విజయం సాధించింది. విష్ణు ప్యానెల్ కు చెందిన ఎనిమిది మంది ఆల్రెడీ విజయం సాధించగా, ఫైనల్‌గా అధ్యక్షుడిగా విష్ణు ఎన్నికయ్యారు. ఇందుకు సంబంధించిన అధికారిక ప్రకటన మరి కాసేపట్లో రానుంది. ఈ సారి మా ఎన్నికల్లో గతంలో లేనంత రికార్డు స్థాయిలో పోలింగ్ జరిగింది. ఆదివారం ఉదయం నుంచి సినీ ప్రముఖులతో పాటు ఆర్టిస్టులు ఓటు హక్కును వినియోగించుకున్నారు.

Finally MAA Elections are came out