Brahmamudi 2026 February 16th Episode: బ్రహ్మముడి 2026 ఫిబ్రవరి 16 ఎపిసోడ్: స్టార్ మాలో ప్రసారమవుతున్న టాప్ రేటెడ్ సీరియల్ ‘బ్రహ్మముడి’ రోజురోజుకు ఉత్కంఠభరితంగా సాగుతోంది. ఆస్తి గొడవలు, కిడ్నాప్ డ్రామాలతో ఈరోజు (ఫిబ్రవరి 16) సోమవారం ఎపిసోడ్ ప్రేక్షకులను ఉక్కిరిబిక్కిరి చేసింది.

Brahmamudi 2026 February 16th Episode : రుద్రాణి క్రూరమైన ప్లాన్..

పాప మీద దాడి చేసిన రౌడీలను పోలీసులు పట్టుకున్నారని తెలియగానే రుద్రాణి భయపడిపోతుంది. నిజం బయటపడితే తాను జైలుకు వెళ్లాల్సి వస్తుందని కంగారు పడుతుంది. ఇంతలో రాహుల్, రేఖలు వచ్చి అప్పు, కళ్యాణ్ లు ఆ రౌడీలను కలవడానికి వెళ్తున్నారని సమాచారం ఇస్తారు. దీంతో రుద్రాణి తనలోని క్రూరత్వాన్ని బయటపెడుతుంది. “వాళ్లు అక్కడికి చేరకూడదు.. అప్పు, కళ్యాణ్ లను కిడ్నాప్ చేసి చంపేయండి” అని రౌడీలకు ఫోన్ లో ఆర్డర్ ఇస్తుంది. రుద్రాణి మనుషులు అప్పు, కళ్యాణ్ ల కారును వెంబడించి నిర్మానుష్య ప్రదేశంలో అడ్డగిస్తారు. రౌడీ కత్తితో దాడి చేయడంతో కళ్యాణ్ కి గాయాలవుతాయి.

Brahmamudi 2026 February 16th Episode:ధాన్యలక్ష్మీ ఆరోపణలు.. రాజ్, కావ్య ఎమోషనల్

మరోవైపు దుగ్గిరాల ఇంట్లో ఆస్తి గొడవలు తారస్థాయికి చేరుకుంటాయి. రాజ్, కావ్యలు తమ వాటా ఆస్తిని ట్రస్ట్ కు రాస్తున్నారని తెలుసుకున్న ధాన్యలక్ష్మీ రగిలిపోతుంది. “మీరు నాటకాలు ఆడుతున్నారు.. ఆస్తి కోసం నా కొడుకును దూరం చేశారు” అంటూ తీవ్రంగా నిందిస్తుంది. అంతేకాకుండా, అప్పు-కళ్యాణ్ కిడ్నాప్ వెనుక రాజ్ హస్తం ఉందని ఆరోపిస్తూ ఒక వీడియో చూపిస్తుంది. అందులో రౌడీలు “రాజ్ సార్ చెప్పినట్టే చేశాం” అనడంతో అందరూ షాక్ అవుతారు.

ఇంటి నుంచి వెళ్లిపోయిన రాజ్, కావ్య

ధాన్యలక్ష్మీ మాటలకు బాధపడిన రాజ్, కావ్యలు ఇక ఆ ఇంట్లో ఉండలేమని నిర్ణయించుకుంటారు. తాము ఏ తప్పు చేయలేదని ప్రమాణం చేసినా ఎవరూ నమ్మకపోవడంతో, పాపను తీసుకుని ఇంటి నుంచి బయటకు వచ్చేస్తారు. వారు నేరుగా రాజ్ అక్క రేవతి ఇంటికి వెళ్తారు.

తదుపరి ట్విస్ట్ ఏంటి?

కళ్యాణ్, అప్పులను రౌడీల నుంచి ఎవరు కాపాడతారు? రాజ్ మీద పడిన నింద ఎలా తొలగుతుంది? రుద్రాణి కుట్రలు ఎప్పుడు బయటపడతాయి? అనేది రేపటి ఎపిసోడ్ లో తెలియనుంది.