Allu Sneha Reddy : అల్లు వారింట్లో పెళ్లి సందడి మొదలైంది. మెగా హీరో అల్లు శిరీష్ తన ప్రియురాలు నాయనిక రెడ్డితో ఏడడుగులు వేసేందుకు సిద్ధమవుతున్నారు. మార్చి 6న జరగనున్న ఈ వివాహ వేడుకకు సంబంధించి ఇప్పటికే ప్రీ-వెడ్డింగ్ వేడుకలు అట్టహాసంగా ప్రారంభమయ్యాయి. ఈ క్రమంలో అల్లు అర్జున్ సతీమణి అల్లు స్నేహా రెడ్డి సోషల్ మీడియాలో షేర్ చేసిన ఫోటోలు ప్రస్తుతం నెట్టింట వైరల్ అవుతున్నాయి. ముఖ్యంగా ఇటీవల అల్లు అర్జున్, స్నేహా రెడ్డి తమ ఫామ్‌హౌస్‌లో శిరీష్-నాయనికల కోసం ఏర్పాటు చేసిన గ్రాండ్ ప్రీ-వెడ్డింగ్ పార్టీ నెటిజన్లను అమితంగా ఆకట్టుకుంటోంది.

ఈ వేడుకలో అల్లు స్నేహా రెడ్డి తన స్టైలిష్ లుక్స్‌తో ప్రత్యేక ఆకర్షణగా నిలిచారు. వైల్డ్ లైఫ్ థీమ్‌తో జరిగిన ఈ పార్టీలో ఆమె ఒక పొట్టి డ్రెస్‌లో మెరిసిపోయారు. దీనికి సంబంధించిన ఫోటోలను ఆమె తన ఇన్‌స్టాగ్రామ్ ఖాతాలో పంచుకోవడంతో, అభిమానులు ఆమె ఫ్యాషన్ సెన్స్‌ను ప్రశంసిస్తున్నారు.

కేవలం స్నేహా రెడ్డి మాత్రమే కాదు, మెగా పవర్ స్టార్ రామ్ చరణ్ మరియు ఉపాసన దంపతులు కూడా ఈ పార్టీలో పాల్గొని సందడి చేశారు. అల్లు అర్జున్ స్వయంగా తన సోదరుడి కోసం ఈ పార్టీని హోస్ట్ చేయడం, అక్కడ అందరూ కలిసి దిగిన ఫోటోలు సోషల్ మీడియాలో ట్రెండింగ్‌లో ఉన్నాయి.మరోవైపు, అల్లు వారి ఇంట్లో జరిగిన ‘పసుపు కొట్టే’ కార్యక్రమం ఫోటోలను కూడా స్నేహా రెడ్డి షేర్ చేశారు. ఈ సాంప్రదాయ వేడుకలో కుటుంబ సభ్యులందరూ కలిసి సరదాగా గడిపారు.

అల్లు శిరీష్ పెళ్లి పత్రికను చిరంజీవి దంపతులకు అందించి ఆశీర్వాదం తీసుకున్న సంగతి తెలిసిందే. దుబాయ్‌లో జరిగిన యాచ్ పార్టీ నుంచి హైదరాబాద్‌లోని సాంప్రదాయ వేడుకల వరకు ప్రతి క్షణాన్ని స్నేహా రెడ్డి తన కెమెరాలో బంధించి అభిమానులతో పంచుకుంటున్నారు. శిరీష్ పెళ్లి రోజు అల్లు అర్జున్-స్నేహల వివాహ వార్షికోత్సవం కావడం ఈ వేడుకకు మరింత ప్రత్యేకతను చేకూర్చింది.