Anchor Ravi : ప్రస్తుతం స్కూల్ సీజన్ మొదలైంది. పాఠశాలలు ఓపెన్ అవుతున్నాయి. పిల్లలు స్కూల్‌కు రెడీ అవుతుంటారు. కొందరేమో స్కూల్‌కు వెళ్లేందుకు ఎంతో ఉత్సాహాన్ని ప్రదర్శిస్తుంటారు. ఇంకొందరు స్కూల్‌కు వెళ్లనంటూ మారాం చేస్తుంటారు. ఇక తల్లిదండ్రులు అయితే పిల్లల స్కూల్ కోసం అన్నీ రెడీ చేస్తుంటారు. పుస్తకాలు, యూనిఫామ్స్ అంటూ షాపింగ్‌లతో బిజీగా మారుతుంటారు. అలా ఏ తండ్రైనా కూడా ఈ సీజన్‌లో మాత్రం తమ పిల్లల కోసం ఇలానే తిరుగుతుంటారు. కష్టపడుతుంటారు. తాజాగా యాంకర్ రవి సైతం ఇలాంటి పనుల్లోనే బిజీగా మారిపోయాడు.

తాను ఎంత పెద్ద యాంకర్ అయినా, ఎంత బిజీగా ఉన్నా కూడా కూతురికి మాత్రం తండ్రే. తన పాప వియా కోసం రవి ఇప్పుడు సాధారణ తండ్రిలా మారిపోయాడు. పుస్తకాలకు అట్టలు వేస్తూ ఎంతో జాగ్రత్తగా రెడీ చేస్తున్నాడు. చిన్నతనంలో ఇలాంటివి అందరికీ గుర్తుండే ఉంటాయి. అందుకే తన పాప కోసం రవి.. ఇప్పుడు ఇలా మారిపోయాడు. పుస్తకాలకు అట్టలు వేస్తుంటే.. వియా ఆ వీడియోను నెట్టింట్లో షేర్ చేసింది. మొత్తానికి రవి మాత్రం మొన్నటి వరకు న్యూ యార్క్‌లో బాగానే ఎంజాయ్ చేసి వచ్చాడు. తన ఫ్యామిలీతో కలిసి అక్కడ హంగామా చేసి వచ్చాడు. అసలే అది ప్రొఫెషనల్ టూర్. అయినా కూడా దాన్ని ఫ్యామిలీ వెకేషన్‌గా మార్చుకున్నాడు.

Anchor Ravi preparation for viya school openings

నాటా వారు యాంకర్ రవి, సుమలతో ఓ ప్రోగ్రాం చేయడం.. అక్కడే వారిని సన్మానించడం అందరికీ తెలిసిందే. అలా న్యూయార్క్‌లో ఓ వారం ఉండి వచ్చారు. ఫ్యామిలీ మొత్తం అక్కడ బాగానే ఎంజాయ్ చేసింది. ఇక ఇక్కడకు వచ్చీ రాగానే ఇలా తండ్రి పాత్రలో ఒదిగిపోయాడు. రవి ఈ వీకెండ్‌లో తన ఫ్యాన్స్‌తో చిట్ చాట్ చేసిన సంగతి తెలిసిందే. అందులో ఎక్కువగా ఈ న్యూయార్క్ ట్రిప్, వాటికి సంబంధించిన విషయాల గురించే ప్రశ్నలు అడిగారు. అక్కడ దిగిన ఫోటోలను షేర్ చేస్తూ అభిమానులను అలరించేశాడు యాంకర్ రవి.

Anchor Ravi preparation for viya school openings

Follow Us

prabhas

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది