Pushpa 2 : పుష్ప‌ 2 కోసం రంగంలోకి ఉప్పెన డైరెక్ట‌ర్.. సుకుమార్ ఏమ‌య్యాడు..!

Pushpa 2 : గ‌త ఏడాది డిసెంబ‌ర్‌లో విడుద‌లైన పుష్ప చిత్రం ఎంత పెద్ద హిట్ అయిందో ప్ర‌త్యేకంగా చెప్ప‌న‌క్క‌ర్లేదు. ఈ సినిమా ఇంటా బ‌య‌టా నానా ర‌చ్చ చేస్తుంది. ఇప్ప‌టికీ ఈ సినిమా రికార్డులు క్రియేట్ చేస్తుంది. పుష్ప సినిమాతో సూపర్ సక్సెస్ అందుకున్న బన్నీ.. ఇప్పుడు పాన్ ఇండియా స్టార్ అయ్యారు. సుకుమార్ దర్శకత్వంలో తెరకెక్కిన పుష్ప- 1 సినిమా బాక్సాఫీస్ వద్ద కలెక్షన్ల వర్షం కురిపించింది. ఈ సినిమాతో బీ టౌన్‌లో కూడా క్రేజ్ కొట్టేశారు అల్లు అర్జున్. ప్రస్తుతం రెండో పార్ట్ కోసం ప్రిపేర్ అవుతున్నారు. ఈ నేపథ్యంలో ఆయన లుక్ మొత్తం చేంజ్ చేసినట్లు తెలుస్తోంది.

‘పుష్ప2’ కథా చర్చలకు సంబంధించిన విషయాల్లో సుకుమార్ తో పాటు బుచ్చిబాబు కూడా పాలుపంచుకుంటున్నాడు. ‘పుష్ప 2’ పాన్ ఇండియా సినిమా కావడం వలన , సహజంగానే సుకుమార్ కి టెన్షన్స్ ఎక్కువగా ఉంటాయి. అన్నీ తెలిసిన ఇలాంటి ఒక శిష్యుడు అవసరమని భావించే ఆయన పిలిపించాడని అంటున్నారు. ఈ ప్రాజెక్టు తరువాతనే ఎన్టీఆర్ తో బుచ్చిబాబు సినిమా ఉంటుందని అనుకోవచ్చు.సుకుమార్ దగ్గర దర్శకత్వ విభాగంలో పనిచేసిన బుచ్చిబాబు, ఆయన ప్రోత్సాహంతోనే ‘ఉప్పెన’ సినిమా చేశాడు. ఈ సినిమా బ్లాక్ బస్టర్ విజయాన్ని అందుకుంది.

buchi babu joins in pushpa 2 work

Pushpa 2 : శిష్యుడి సాయం..

ఆ తరువాత సినిమాను ఎన్టీఆర్ తో చేయనున్నట్టుగా బుచ్చిబాబు చెప్పాడు పుష్ప తొలి భాగం సూపర్ సక్సెస్ కావడంతో ఈ రెండో భాగంపై ప్రతి ఒక్కరి చూపు పడింది. ఈ సినిమా షూటింగ్ ఎప్పుడెప్పుడు మొదలవుతుందా అని ఆసక్తిగా ఎదురు చూస్తున్నారు ప్రేక్షకులు.ఎప్పటికప్పుడు సరికొత్తగా ఆలోచిస్తూ పుష్ప సినిమాను మించేలా తదుపరి భాగాలు ఉండాలని ప్లాన్ చేస్తున్నారట. త్వ‌ర‌లోనే ఈ పుష్ప 2 సెట్స్ మీదకు రానున్న నేపథ్యంలో ఇప్పుడు పుష్ప 3 గురించిన వార్తలు వస్తుండటం జనాల్లో ఆసక్తిని ఇంకాస్త పెంచేసింది. దానికి కూడా సుకుమార్ త్వ‌ర‌లోనే ముహూర్తం పెట్ట‌నున్న‌ట్టు స‌మాచారం.