Chiranjeevi: నాగబాబు నేను అడ్డంగా దొరికిపోయాం.. కొబ్బరి మట్టతో చితకబాదారన్న చిరంజీవి
Authored By Sam C
| The Telugu News |
Published on: September 1, 2022, 8:30 pm
Chiranjeevi : మెగాస్టార్ చిరంజీవి పలు సందర్భాలలో అనేక ఆసక్తికర విషయాలు తెలియజేస్తూ అభిమానులని ఫుల్గా ఆనందింపజేస్తుంటారు. చిన్ననాటి సంగతులని కూడా అప్పుడప్పుడు పలు ఈవెంట్స్లో ప్రస్తావిస్తుంటారు. తాజాగా చిరంజీవి దివంగత ప్రొడ్యూసర్ ఏడిద నాగేశ్వరరావు మానవరాలైన శ్రీజ నిర్మాతగా తెరకెక్కిన ‘ఫస్ట్ డే ఫస్ట్ షో’ మూవీ ప్రీ రిలీజ్ వేడుకకు ముఖ్య అతిథిగా హాజరయ్యారు. ఈ సందర్భంగా ఏడిద నాగేశ్వరరావు గారి కుటుంబంతో గల అనుభవాన్ని ఆయన గుర్తు చేసుకున్నారు. నిర్మాత శ్రీజ గురించి ఆయన ప్రత్యేకంగా మాట్లాడారు. పరిశ్రమకు అమ్మాయిలు రావాలి, మా ఫ్యామిలీ నుండి నిహారిక, సుస్మిత వచ్చారు. వాళ్ళకు ప్రోత్సాహం ఇచ్చామని ఆయన తెలియజేశారు.
Chiranjeevi : సరదా వ్యాఖ్యలు..
మీ జీవితంలో ‘ఫస్ట్ డే ఫస్ట్ షో’ అనుభవం గురించి చెప్పాలని యాంకర్ సుమ అడగ్గా.. చిరంజీవి ఆసక్తికర సన్నివేశం గుర్తుచేసుకున్నారు. తన జీవితంలో ఫస్ట్ డే ఫస్ట్ షో అనుభవం చాలా దారుణంగా ఉందని చెప్పారు. పరువు పోతుందని ఇప్పటివరకు ఈ సంగతి ఎవ్వరికీ చెప్పలేదన్నారు.సంవత్సరం గుర్తు లేదు కానీ.. ఎన్టీఆర్ గారి రాము సినిమా ఫస్ట్ షో చూడాలని వెళ్లి దెబ్బలు తిన్నట్లు తెలియజేశారు. మేము నెల్లూరులో ఉన్నరోజుల్లో మా చుట్టాలబ్బాయి పూర్ణ అని ఒకడు ఉండేవాడు. వాడు ఎన్టీఆర్ కి వీరాభిమాని. రాము సినిమా చూడాలని నన్ను, నాగబాబును థియేటర్ కి తీసుకెళ్లాడు.
Chiranjeevi Comments about Nagababu and him beaten
వాడు నేల టికెట్ కొని సినిమాలు చూసేవాడు. నాన్నగారు మమ్మల్ని మాత్రం కుర్చీకి మాత్రమే తీసుకెళ్లేవారు. టికెట్స్ తీసుకొని నేల వైపుకు వెళుతుంటే, అటూ ఇటూ గోడలు చీకటి, మధ్యలో క్యూ ఆగిపోయింది. మాకు ఊపిరి ఆడలేదు. లాభం లేదని బయటికి రాగానే, మా నాన్నగారు అమ్మతో పాటు సినిమా చూసి బయటికి వచ్చారు. అమ్మ వెనకలా ఉంది. వాళ్లను చూసి మా వాడు (నాగబాబు) వెర్రిమొఖం వేశాడు. మా నాన్న కొబ్బరి మట్ట తీసుకున్నారు. ఎందుకు వచ్చారని అని అడిగారు. సినిమా చూద్దామని చెప్పాను. అయితే నేలలో చూస్తారా..? వాడు చచ్చిపోతే.. అంటూ చితకొట్టారు. ఆ రోజు నుంచి ఏవీఎమ్ రాము అంటే నాకు చిన్న షివరింగ్ వస్తాది. మా నాన్నకు ఆవేశం వస్తే ఆగదు. ఇదే నా ఫస్ట్ డే ఫస్ట్ షో ఎక్స్పిరీయన్స్. ఇది చెబుతుంటే నాకు చెమటలు పడుతున్నాయి..’ అంటూ చిరంజీవిగా సరదాగా చెప్పుకొచ్చారు.
Also read
