Hyper aadi : పోలీస్ స్టేషన్ మెట్లెక్కిన హైపర్ ఆది.. ఆ ట్వీట్‌లతో కమెడియన్‌కు కష్టాలు

Hyper aadi : హైపర్ ఆది సోషల్ మీడియాలో అంత యాక్టివ్‌గా ఉండడు. ఏదైనా ఉంటే ఆయన తన ఫేస్ బుక్ ఖాతాలో అప్పుడప్పుడు స్పందిస్తుంటాడు. ఆయనకు ట్విట్టర్ ఖాతా లేదు. కానీ ఆయన పేరుతో ఓ ట్విట్టర్ అకౌంట్ తెగ హల్చల్ చేస్తుంటుంది. పవన్ కళ్యాణ్ పోసానీ కృష్ణ మురళీ ఇష్యూను ఉద్దేశించి హైపర్ ఆది పేరుతో ఓ ట్విట్టర్ అకౌంట్ నుంచి ఓ దారుణమైన ట్వీట్ బయటకు వచ్చింది. అది నిజంగానే హైపర్ ఆది వేశారనుకోవడంతో నానా రచ్చ జరిగింది.

ఇంతకీ ఆ ట్వీట్‌లో ఏముందంటే.. ‘పవన్ కళ్యాణ్ తప్పుచేశాడని ఏ ఒక్కడు నిరూపించిన మళ్లీ బతికిఉండగా ఆయన పేరు ఎత్తను.. మీకే సపోర్ట్ చేస్తా.. అధికారం మీది మీరు మగాళ్లు అయితే ఒక అమ్మాకి అబ్బకి పుట్టుంటే నిరూపించండి’, ‘చెప్పుతో కొట్టాలి ఈ లేబర్ ముండా కొడుకు పోసాని క్రిష్ణమురళిని. వాడు మాట్లాడేది వాడికే అర్థం కాదు. పవన్ కళ్యాణ్‌కి నీతులు చెప్తున్నాడు’ అంటూ హైపర్ ఆది పేరుతో ఉన్న ఆ ట్విట్టర్ ఖాతా నుంచి ట్వీట్ పడింది.

Hyper aadi : ట్విట్టర్ అకౌంట్ లేదన్న ఆది..

అయితే దానిపై హైపర్ ఆది క్లారిటీ ఇచ్చాడు. ఫేస్ బుక్ వేదికగా ఓ వీడియోను వదిలాడు.‘నాకు ఎటువంటి ట్విట్టర్ అకౌంట్ లేదు.. నా పేరుతో ఫేక్ అకౌంట్లు క్రియేట్ చేసి పోస్ట్‌లు పెడుతున్నారు. ఆ పోస్ట్ చూసి నాకు కొంతమంది రిలేటెడ్‌గా కామెంట్స్ పెడుతున్నారు.

నాకు ఎటువంటి ట్విట్టర్ అకౌంట్ లేదు. ఈ విషయంపై సైబర్ క్రైమ్‌కి ఫిర్యాదు చేస్తున్నాను. ఎవరూ కూడా ఆ ఫేక్ అకౌంట్‌ని నమ్మొద్దు.. నా పేరుతో అఫీషియల్‌గా ఫేస్ బుక్ అకౌంట్ మాత్రమే ఉంది. ఏదైనా ఉంటే లైవ్‌కి వచ్చి మాట్లాడతా తప్ప ఇలాంటి పోస్ట్‌లు పెట్టను.. నాకు ఎటువంటి అకౌంట్‌లు లేవు. దయచేసి ఎవరూ రెస్పాండ్ కాకండి’ అని వేడుకున్నాడు.