Irumudi Movie : ఇరుముడి సక్సెస్.. రవితేజ కథ ముందుగా ఆ స్టార్ హీరోకే చెప్పారట..!
Authored By Ramu Tandu Ramalingaiah
| The Telugu News |
Updated on: September 16, 2026, 12:58 pm
Irumudi Movi మాస్ మహారాజ రవితేజ కెరీర్‌లో చాలాకాలం తర్వాత మరోసారి జోష్ నింపిన చిత్రం ‘ఇరుముడి’. ఆగస్టు 21న ప్రపంచవ్యాప్తంగా ప్రేక్షకుల ముందుకు వచ్చిన ఈ మూవీకి తొలిరోజు నుంచే పాజిటివ్ టాక్ రావడంతో
Irumudi Movi : మాస్ మహారాజ రవితేజ కెరీర్‌లో చాలాకాలం తర్వాత మరోసారి జోష్ నింపిన చిత్రం ‘ఇరుముడి’. ఆగస్టు 21న ప్రపంచవ్యాప్తంగా ప్రేక్షకుల ముందుకు వచ్చిన ఈ మూవీకి తొలిరోజు నుంచే పాజిటివ్ టాక్ రావడంతో బాక్సాఫీస్ వద్ద దూకుడు చూపిస్తోంది. కొంతకాలంగా రవితేజ నటించిన సినిమాలు ఆశించిన స్థాయిలో విజయాలు అందుకోకపోవడంతో ఆయన అభిమానులు కాస్త నిరాశలో ఉన్నారు. ముఖ్యంగా ‘భర్త మహాశయులకు విజ్ఞప్తి’, ‘మాస్ జాతర’, ‘ఈగల్’ వంటి చిత్రాలు బాక్సాఫీస్ వద్ద అనుకున్న స్థాయిలో ప్రభావం చూపించలేకపోయాయి.ఈ నేపథ్యంలో ఈసారి ఎలాగైనా మంచి హిట్ అందుకోవాలనే పట్టుదలతో రవితేజ ‘ఇరుముడి’పై నమ్మకం పెట్టుకున్నారు. కేవలం తన ఇమేజ్‌ను నమ్ముకోకుండా, కథకు ప్రాధాన్యత ఇస్తూ ఈ సినిమాను చేశారు. అంతేకాదు, తనకు ఉన్న మాస్ మహారాజ అనే ట్యాగ్‌ను పక్కనపెట్టి కంటెంట్‌నే ప్రధాన బలంగా తీసుకుని ప్రేక్షకుల ముందుకు వచ్చారు. తండ్రీకూతుళ్ల అనుబంధం, భావోద్వేగాలు, డివోషనల్ టచ్‌ను కలిపి దర్శకుడు శివ నిర్వాణ ఈ చిత్రాన్ని తెరకెక్కించినట్లు తెలుస్తోంది. ఫస్ట్ షో నుంచే వచ్చిన పాజిటివ్ రెస్పాన్స్‌తో రవితేజ అభిమానుల్లోనూ కొత్త ఉత్సాహం కనిపిస్తోంది.
Irumudi Movie : ఇరుముడి సక్సెస్.. రవితేజ కథ ముందుగా ఆ స్టార్ హీరోకే చెప్పారట..!
Irumudi Movi తొలిరోజే అదిరిపోయిన కలెక్షన్స్.. రికార్డు స్థాయిలో టికెట్ బుకింగ్స్
ఇక ‘ఇరుముడి’ ఫస్ట్ డే కలెక్షన్స్ విషయానికి వస్తే.. ఈ సినిమా దేశవ్యాప్తంగా తొలిరోజు రూ.14.80 కోట్లకు పైగా నెట్ కలెక్షన్స్ రాబట్టినట్లు సమాచారం. గ్రాస్ కలెక్షన్స్ పరంగా చూస్తే సుమారు రూ.17.20 కోట్లు వసూలు చేసినట్లు తెలుస్తోంది. మరోవైపు ఓవర్సీస్ మార్కెట్‌లోనూ ‘ఇరుముడి’ మంచి జోరు చూపించింది. అక్కడ దాదాపు రూ.7 కోట్ల కలెక్షన్స్ సాధించినట్లు సమాచారం.దీంతో ప్రపంచవ్యాప్తంగా తొలిరోజే ‘ఇరుముడి’ రూ.24.20 కోట్ల గ్రాస్ కలెక్షన్స్ నమోదు చేసినట్లు తెలుస్తోంది. రవితేజ గత చిత్రాలతో పోలిస్తే ఈ ఓపెనింగ్స్ ఆయనకు మంచి ఊరటనిచ్చేలా ఉన్నాయి. ముఖ్యంగా ఫస్ట్ షో నుంచే వచ్చిన పాజిటివ్ టాక్‌కు తోడు టికెట్ బుకింగ్స్ కూడా భారీగా కొనసాగుతుండటం సినిమాపై ప్రేక్షకుల్లో ఉన్న ఆసక్తిని తెలియజేస్తోంది.బుక్‌మైషో, డిస్ట్రిక్ట్ వంటి టికెట్ బుకింగ్ యాప్స్‌లో కలిపి ఇప్పటికే 10 లక్షల టికెట్ల విక్రయాలు జరిగినట్లు మూవీ నిర్మాణ సంస్థ అధికారికంగా ప్రకటించింది. గంటకు సగటున 32 వేలకు పైగా టికెట్లు బుక్ అవుతున్నట్లు వెల్లడించింది. దీంతో శనివారం, ఆదివారం కూడా థియేటర్ల వద్ద రవితేజ మాస్ జాతర కొనసాగే అవకాశం కనిపిస్తోంది. వీకెండ్‌లో మరింత భారీ వసూళ్లు నమోదవుతాయనే అంచనాలు వ్యక్తమవుతున్నాయి.
Irumudi Movi ఇరుముడి కథ ముందుగా రవితేజకు రాలేదట.. ఆ స్టార్ హీరో మిస్ చేసుకున్నాడా?
‘ఇరుముడి’ విజయంతో మూవీ టీమ్ ప్రస్తుతం సంబరాల్లో ఉంది. అయితే ఈ సినిమా కథ మొదట రవితేజ దగ్గరకు వెళ్లలేదనే ఆసక్తికర విషయం ఇప్పుడు చర్చనీయాంశంగా మారింది. ఈ కథను దర్శకుడు శివ నిర్వాణ ముందుగా కింగ్ నాగార్జునకు వినిపించినట్లు సమాచారం.కథ విన్న నాగార్జునకు సినిమా కాన్సెప్ట్ నచ్చినప్పటికీ, తన డేట్స్ సర్దుబాటు కాకపోవడంతో ఈ ప్రాజెక్ట్ చేయలేకపోయినట్లు తెలుస్తోంది. ఆ తర్వాత ఈ కథ రవితేజ వద్దకు వెళ్లడం, ఆయన కంటెంట్‌ను నమ్మి సినిమాకు ఓకే చెప్పడం జరిగిందని సమాచారం. ఇప్పుడు సినిమా బ్లాక్‌బస్టర్ టాక్‌తో దూసుకెళ్తుండటంతో ఈ విషయం మరోసారి సోషల్ మీడియాలో వైరల్ అవుతోంది.‘ఇరుముడి’ను నాగార్జున చేసి ఉంటే ఎలా ఉండేదో అంటూ ఆయన అభిమానులు, రవితేజ అభిమానులు సోషల్ మీడియాలో ఆసక్తికరమైన కామెంట్లు చేస్తున్నారు. నాగార్జున చేసినా ఈ కథకు మంచి ఫలితం వచ్చేదని కొందరు అభిప్రాయపడుతుండగా.. రవితేజ మాస్ ఇమేజ్, ఎమోషనల్ పెర్ఫార్మెన్స్ ఈ కథకు బాగా సరిపోయాయని మరికొందరు అంటున్నారు. ఏదేమైనా ఈ చర్చ కంటే ముఖ్యంగా వరుస పరాజయాలతో కాస్త వెనుకబడిన రవితేజకు ‘ఇరుముడి’ రూపంలో మంచి కమ్‌బ్యాక్ దొరకడం అభిమానులకు పెద్ద రిలీఫ్‌గా మారింది.
రవితేజతో పాటు భారీ తారాగణం.. టెక్నికల్ టీమ్ ఇదే
‘ఇరుముడి’ సినిమాలో రవితేజతో పాటు ప్రియా భవానీ శంకర్, సాయికుమార్, బేబీ నక్షత్ర, అజయ్ ఘోష్ తదితరులు కీలక పాత్రల్లో నటించారు. తండ్రీకూతుళ్ల సెంటిమెంట్‌తో పాటు డివోషనల్ అంశాలను కథలో మిళితం చేస్తూ దర్శకుడు శివ నిర్వాణ ఈ చిత్రాన్ని తెరకెక్కించారు.ఈ సినిమాకు జీవీ ప్రకాశ్ కుమార్ సంగీతం అందించారు. భారీ అంచనాలతో రూపొందిన ఈ చిత్రాన్ని ప్రముఖ నిర్మాణ సంస్థ మైత్రి మూవీ మేకర్స్ ప్రతిష్టాత్మకంగా నిర్మించింది. ప్రస్తుతం పాజిటివ్ టాక్‌తో థియేటర్లలో కొనసాగుతున్న ‘ఇరుముడి’.. రాబోయే రోజుల్లో ఎలాంటి వసూళ్లు సాధిస్తుందో చూడాలి. మొత్తానికి రవితేజ అభిమానులు ఎదురుచూస్తున్న సాలిడ్ కమ్‌బ్యాక్‌ను ఈ సినిమా అందించినట్లే కనిపిస్తోంది.
Also read
