Janaki Kalaganaledu 22 June Today Episode : జానకి కలగనలేదు సీరియల్ లేటెస్ట్ ఎపిసోడ్ తాజాగా విడుదలైంది. ఈరోజు 22 జూన్ 2022, బుధవారం ఎపిసోడ్ 328 హైలైట్స్ ఏంటో ఇప్పుడు చూద్దాం. ఇంటర్వ్యూ అనే సరికి.. జ్ఞానాంబ కూడా కొంచెం టెన్షన్ పడుతుంది. ఇంతలో అక్కడికొచ్చిన జానకి.. మీరు భయపడటం ఏంటి అంటూ తనకు భరోసా ఇస్తుంది. మీరు ఎప్పటిలాగానే హుందాగా ఉండండి అంటుంది. మరోవైపు ఇంటర్వ్యూ అనేసరికి మల్లిక బాగా రెడీ అవుతుంది. తనను చూసి విష్ణు సెటైర్ వేస్తాడు. దీంతో తనకు కౌంటర్ ఇచ్చి అక్కడి నుంచి వెళ్లిపోతుంది మల్లిక. ఆ తర్వాత ఇంటర్వ్యూ స్టార్ట్ అవుతుంది. అత్తయ్య గారు మీరు కంగారు పడితే ఆయన కూడా కంగారు పడతారు. మీరు ధైర్యంగా ఉండండి అంటుంది జానకి. రామచంద్ర గారు ఇంటర్వ్యూ స్టార్ట్ చేద్దామా అని అంటుంది యాంకర్. దీంతో వన్ సెకండ్ అంటుంది మల్లిక. ఎవరండి మీరు అని అడుగుతుంది యాంకర్. దీంతో నేను పేరుకు చిన్నకోడులను.. కానీ ఈ ఇంటికి నేను అసలు సిసలు కోడలును అంటుంది.

janaki kalaganaledu 22 june 2022 full episode

ఆ తర్వాత ఇంటర్వ్యూ స్టార్ట్ అవుతుంది. మీ అమ్మ గారి దగ్గర మీరు నేర్చుకున్న వంటనే మీ గెలుపునకు కారణం అన్నారు కదా అని అడుగుతుంది. దీంతో రామా చెప్పబోయేలోపో మల్లిక మాట్లాడుతుంది. పోటీలకు వెళ్లే ముందు నేను బావ గారికి కొన్ని టిప్స్ ఇచ్చాను అంటుంది మల్లిక. ఆ తర్వాత మల్లిక నువ్వు నోరుమూసుకుంటావా అని జ్ఞానాంబ బెదిరిస్తుంది. మీరు చెప్పండి అంటుంది యాంకర్. దీంతో అవునండి.. మా అమ్మ నేర్పించిన వంటలే నన్ను ఈ పోటీల్లో గెలిపించాయి అంటాడు. మా అమ్మే లేకపోతే నాకు ఈ గెలుపే లేదు అంటాడు. తర్వాత జానకి గురించి చెబుతాడు. ఇంటర్వ్యూ పూర్తవుతుంది.

రామచంద్ర గారు.. ఈ ఇంటర్వ్యూ అంతా గమనించాక పర్సనల్ గా మీకు ఒక మాట చెప్పాలనుకుంటున్నాను.. ఒక తల్లిగా మీ అమ్మ ఎంత అండూ.. ఒక భార్యగా మీ భార్యగారు అంతే అండ అంటూ చెబుతుంది యాంకర్. సరే అంటాడు రామా. ఒక మాటలో చెప్పాలంటే తను మిమ్మల్ని ఒక శిల్పంలా మార్చింది. తను పక్కనుంటే మీరు ఇలాంటి విజయాలు ఎన్నైనా సాధిస్తారు అని చెప్పి అక్కడి నుంచి వెళ్లిపోతారు.

Janaki Kalaganaledu 22 June Today Episode : సంతోషంలో రామా, జానకి

మరోవైపు రాత్రి అవుతుంది. జానకి చాలా సంతోషంగా ఉంటుంది. ఇంతలో రామా వస్తాడు. ఏంటండి ఆలోచిస్తున్నారు అని అడుగుతాడు రామా. దీంతో మీ గురించే అంటుంది జానకి. మీ గురించి నాకు ఇప్పుడు చాలా సంతోషం వేస్తోంది. మీ గెలుపును చూసి మామయ్య గారు కూడా గర్వంతో పొంగిపోతున్నారు. ఆ కన్నబాబు కుట్రకు మన స్వీటు షాపు చేజారిపోకుండా కాపాడుకున్నాం అంటుంది జానకి.

దీంతో ఇది నాది కాదండి.. ఇది మనందరి గెలుపు అంటాడు రామా. ఏదో ఒక విధంగా అమ్మను ఒప్పించడం కోసం మీరు ప్రయత్నాలు చేశారు. మీరు లేకపోతే నేను ఆ వంటల పోటీలకు వెళ్లి ఉండేవాడినే కాదు. ఇలా గెలిచి అమ్మ వాళ్ల సంతోషాన్ని చూసి ఉండేవాడిని కాదు అంటాడు రామా.

జానకి గారు.. నా గెలుపు కోసం కంగారు పడి మీ చదువును పక్కన పెట్టారు.. అని బుక్స్ ను తన చేతుల్లో పెడతాడు. దీంతో ఈరోజు మీ గెలుపునే పంచుకుందాం. రేపటి నుంచి చదువు కొనసాగిస్తా అంటుంది జానకి. తర్వాత మంచం మీద ఇద్దరూ సరదాగా కాసేపు గడుపుతారు.

తర్వాత రామా ఒడిలో హాయిగా నిద్రపోతుంది జానకి. కట్ చేస్తే తెల్లవారుతుంది. జ్ఞానాంబ ఫ్యామిలీ గుడికి వెళ్తుంది. గుడిలో అందరూ చూసి మిమ్మల్ని టీవీలో చూశాం.. అంటారు. రామచంద్రా టీవీలో నువ్వు మాట్లాడుతుంటే నాకు చాలా ఆశ్చర్యం వేసింది అంటుంది ఓ ఆవిడ.

నీకు మహా సిగ్గు కదా. ఎవరైనా మాట్లాడితే నేల చూపులు చూస్తుంటావు కదా.. టీవీలో మాత్రం చాలా ధైర్యంగా మాట్లాడావు అంటారు. దీంతో దానికి కారణం మా వదినే అంటారు అఖిల్, వెన్నెల. జ్ఞానాంబ గారు కోడలు అంటే మీ కోడలు జానకిలా ఉండాలి అని అందరూ మెచ్చుకుంటారు.

ఇవాళ రేపు కోడళ్లు అందరూ భర్తలను తీసుకెళ్లి వేరే కాపురం పెట్టాలనుకుంటున్నారు.. అంటారు. మీ కోడలు మాత్రం కుటుంబ గౌరవం కోసమే పాటుపడుతోంది అంటారు. తర్వాత పూజలో పాల్గొంటారు. పూజ కోసం డబ్బులు ఇవ్వబోతుండగా జ్ఞానాంబను వద్దు అంటాడు పూజారి.

త్వరలో జరగబోయే ధ్వజస్తంభ అధిరోహణ కోసం మీ కోడలు గారు కొంత విరాళం ఇచ్చారు అని చెబుతాడు పూజారి. ఆ స్వామి వారి ఆశీస్సులతో మీకుటుంబంలో ఎటువంటి సమస్యలు లేకుండా ఉంటారు అని చెబుతాడు పూజారి. మెట్టినింటిని కూడా పుట్టినింటిలా భావించే అలాంటి కోడలు రావడం మీ అదృష్టం అంటాడు పూజారి. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.

Follow Us

gatla

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది