Jr NTR : తార‌క‌ర‌త్న క్రిటిక‌ల్ కండీష‌న్ నుండి బ‌య‌ట‌ప‌డలేదు.. పోరాడుతూనే ఉన్నారు : జూనియ‌ర్ ఎన్టీఆర్

Jr NTR : నంద‌మూరి హీరో తార‌క‌ర‌త్న గుండెపోటుతో బెంగళూరులోని ఆసుప‌త్రిలో చికిత్స పొందుతున్న విష‌యం తెలిసిందే. ఆయన హెల్త్ చాలా సీరియస్ గా ఉందని తెలియడంతో సినీ, రాజకీయ వర్గాలతో పాటు నందమూరి ఫ్యామిలీ తీవ్ర ఆందోళన చెందుతున్నారు. నందమూరి కుటుంబ సభ్యులు ఒక్కొక్కరుగా తారకరత్నను చూసేందుకు వస్తున్న నేప‌థ్యంలో ఈ రోజు ఉద‌యం జూనియ‌ర్ ఎన్టీఆర్, క‌ళ్యాణ్ రామ్ త‌మ ఫ్యామిలీతో క‌లిసి బెంగ‌ళూరుకి వెళ్లారు.తార‌కర‌త్న క్రిటిక‌ల్ కండీష‌న్ నుండి బ‌య‌ట‌ప‌డ్డార‌ని చెప్ప‌లేం. విష‌మంగా ఉన్న‌ప్ప‌టికీ వైద్యానికి స్పందిస్తూనే ఉన్నారు.మెరుగైన వైద్యం అందుతుంది.

ఆయ‌న త్వ‌ర‌గా కోలుకోవాల‌ని ప్రార్ధించాల‌ని ఎన్టీఆర్ కోరారు.వైద్యంతో పాటు,ఆత్మ బ‌లం, మ‌నోబ‌లం, తాత‌గారితో పాటు ఎంతో ఆశీర్వాదం మా అన్న‌కి ఉంది. ఇంత‌క‌ముందు మాదిరిగానే ఆయ‌న మాతో క‌లిసి తిరుగుతారు అని ఎన్టీఆర్ ఆశాభావం వ్యక్తం చేశారు. మ‌రి కొంత మంది డాక్టర్స్ కూడా ఈ ఆసుప‌త్రికి వ‌చ్చి ట్రీట్‌మెంట్ వ‌చ్చి వైద్యం అందించే ఛాన్స్ ఉంది అని ఎన్టీఆర్ అన్నారు. క‌ళ్యాణ్ రామ్ సైతం ఆయ‌న ఆరోగ్యం గురించి మాట్లాడుతూ.. ప్ర‌స్తుతం తార‌క‌ర‌త్న ప‌రిస్థితి నిల‌క‌డ‌గా ఉంద‌ని అన్నారు. ఇక బాల‌య్య అంత‌క‌ముందు మాట్లాడుతూ.. స్టెంట్ వేయ‌డం కుద‌ర‌లేదు, కోలుకోవ‌డానికి స‌మ‌యం ప‌డుతుంది.

Jr NTR : గెట్ వెల్ సూన్

ఈ రోజు ఉదయం ప్రత్యేక విమానంలో బెంగళూరులోని నారాయణ హృదయాలయ ఆస్పత్రికి వెళ్లారు ఎన్టీఆర్ క‌ళ్యాణ్ రామ్. ఐసీయూలో చికిత్స పొందుతున్న తారకరత్నను చూసి ఎన్టీఆర్ ఒక్కసారిగా తీవ్ర భావోద్వేగానికి లోనై కంటతడిపెట్టారు. ఆయన ఆరోగ్యపరిస్థితిపై కుటుంబ సభ్యులు, వైద్య బృందాన్ని అడిగి ఎన్టీఆర్ క‌నుకున్నారు. తారకరత్న సతీమణి అలేఖ్యరెడ్డి, పిల్లలకు ఎన్టీఆర్ సోదరులు ధైర్యం చెప్పారు. జూనియర్ వెంట ఆయన సతీమణి ప్రణతి కూడా ఉన్నారు. మరోవైపు.. ఇవాళే బాలయ్య సతీమణి వసుంధర , కుమార్తె బ్రహ్మణి కాసేపటి క్రితమే ఆస్పత్రికి చేరుకుని తారకరత్నను పరామర్శించారు.