Karthika Deepam 15 Feb Today Episode : కార్తీక దీపం సీరియల్ లేటెస్ట్ ఎపిసోడ్ తాజాగా విడుదలైంది. ఈరోజు 15 ఫిబ్రవరి 2022, మంగళవారం ఎపిసోడ్ 1276 హైలైట్స్ ఏంటో ఇప్పుడు చూద్దాం. అన్ని దారులు మూసుకుపోయాక మరో కొత్త నాటకం మొదలైందా రవి గారు అంటుంది దీప. నేను నిజాయితీగా కార్తీక్ మంచి కోసమే కష్టపడ్డాను అంటుంది మోనిత. దీంతో క్రూర మృగం అహింస గురుంచి చెబుతున్నట్టుగా ఉంది అంటుంది దీప. నాటకాలు ఆడటం నీకు కొత్త కాదు కదా. నిన్ను ఎవ్వరూ నమ్మరు కానీ.. అత్తయ్య గారు చెప్పినట్టు భోం చేసి వెళ్లు. వంటలు నేనే చేశాను. భోజనం చాలా రుచిగా ఉంటుంది అంటుంది దీప. నేనేం భోజనం చేయడానికి రాలేదు అంటుంది మోనిత. మర్యాదగా వెళ్లిపో. లేదంటే నీకు ఇష్టమైన.. అర్థమైన భాషలోనే చెబుతాను అంటుంది దీప.

దీంతో నీచేతులతోనే తాళి కట్టించుకుంటా. ఆరోజు త్వరలోనే వస్తుంది కార్తీక్ అని మనసులో అనుకుంటుంది దీప. ఏం ఆలోచిస్తున్నావు మోనిత. మా ఇద్దరితో సెల్ఫీ తీసుకుంటావా.. తీసుకో.. ఆదిత్య ఫోన్ ఇటు ఇవ్వు అంటూ సెల్ఫీ తీస్తుంది దీప. దీంతో అక్కడి నుంచి చిరాకుగా వెళ్లిపోతుంది మోనిత. ఇంటికి వెళ్లాక.. కార్తీక్ గురించే ఆలోచిస్తూ ఉంటుంది మోనిత. దీప చెప్పిన విషయాలనే ఆలోచిస్తూ ఉంటుంది. అసలేంటిది.. దూరంగా వెళ్లినా వీళ్లిద్దరి బంధం మరింత బలపడింది. వచ్చీ రాగానే వీళ్ల అనుబంధం ఏంటో.. పెళ్లి సందడి ఏంటో.. పెళ్లి ఏంటో.. అసలు ఏం అర్థం కావడం లేదు. ఏదో ఒకటి చేయాలి. ఏం చేయాలి.. మోనిత అంటే ఏంటో వీళ్లకు మరోసారి తెలిసేలా చేయాలి అని అనుకుంటుండగానే తన బాబాయి ఫోన్ చేస్తాడు.

బాబాయిని ఎందుకు వాడుకోకూడదు. వాడకంలో మన తర్వాతనే ఎవరైనా కదా. బాబాయినే దీనికి వాడుకోవాలి.. అని అనుకొని ఫోన్ లిఫ్ట్ చేస్తుంది. హలో బాబాయి.. ఎలా ఉన్నారు. మీ ఆరోగ్యం ఎలా ఉంది బాబాయి అంటుంది. ఆరోగ్యం గురించి ఏం అడుగుతావమ్మా.. నేను ఆశలు వదిలేసుకున్నాను అంటాడు.

ఎందుకు బాబాయి అలా మాట్లాడుతున్నావు. నేను ఉన్నాను కదా.. నీకోసం నేను ఏదైనా చేస్తాను అంటుంది. డాక్టర్ కార్తీక్ అయితే సర్జరీ చేస్తారని విన్నాను. ఆయన అపాయింట్ మెంట్ దొరుకుతుందా అని అడుగుతాడు. దీంతో ఏం మాట్లాడుతున్నావు బాబాయి. కార్తీక్ మీ అల్లుడు అంటుంది. ఫోన్ లో ఇంకా ఏవో విషయాలు చెబుతుంది.

బాబాయి నీ కష్టం ముందు నా కష్టం ఎంత. మిమ్మల్ని నేను కాపాడుకుంటాను. మీరు ఇక్కడికి వచ్చేయండి బాబాయి. కంటికి రెప్పలా కాపాడుకుంటాను. నాకంటూ ఇంకెవరు ఉన్నారు.. అంటుంది. నేను ఇంకా నమ్మలేక ఉన్నాను. కార్తీక్, నువ్వు పెళ్లి చేసుకున్నారంటే నమ్మలేకపోతున్నాను అంటాడు.

Karthika Deepam 15 Feb Today Episode : కార్తీక్ కు దగ్గరవడం కోసం తన బాబాయిని వాడుకున్న మోనిత

కార్తీక్ కు దగ్గరవ్వడానికి బాబాయిని వాడుకుంటాను అని అనుకుంటుంది మోనిత. కార్తీక్ నీ బిడ్డను కని.. నాకు నేను తాళి కట్టుకొని.. నాకు నేను నీ భార్యగా ప్రపంచానికి చెబుతుంటే.. నువ్వు మాత్రం పట్టించుకోవా. ఇద్దరూ కలిసి బయటికి వెళ్లిపోతారా. తిరిగి వచ్చాక పెళ్లి రోజులు జరుపుకుంటారా అంటూ తనలో తాను అనుకుంటుంది.

కట్ చేస్తే దీప రెడీ అయి బస్తీకి వెళ్లేందుకు సిద్ధం అవుతుంది. అత్తయ్య నేను ఒక సారి బస్తీకి వెళ్లి వస్తాను అంటుంది దీప. దీంతో సౌందర్య షాక్ అవుతుంది. అందరూ ఆశ్చర్యపోతారు. మీరు ఇక్కడ లేనప్పుడు చాలా విషయాలు జరిగాయి అంటుంది సౌందర్య.

అవును వదిన.. ఆ మోనిత వచ్చి చాలా గొడవ చేసింది అంటాడు ఆదిత్య. తన బాబును ఆదిత్య ఎత్తుకెళ్లాడని గొడవ చేసింది అంటుంది శ్రావ్య. అంతే కాదు వదిన.. తన హాస్పిటల్ ను అమ్మేసి.. బస్తీలో మీరు ఉన్న ఇంటిని కొనుక్కొని అక్కడ ఆసుపత్రి పెట్టింది అని చెబుతాడు ఆదిత్య.

ఇలాంటప్పుడు నువ్వు బస్తీకి వెళ్తే అది అక్కడే ఉంటుంది అని చెబుతుంది సౌందర్య. కోరి కొరివితో తలగోక్కోవడం ఎందుకు చెప్పు అంటుంది సౌందర్య. అవును వదిన ఇప్పుడు వెళ్లకండి అంటాడు ఆదిత్య. మొదటి నుంచి మనం చేస్తున్న తప్పు ఇదే ఆదిత్య.

మన తప్పు లేకున్నా మనకు భయపడుతున్నాం. ఇది కరెక్ట్ కాదు. ముందు తనకు భయపడటం ఆపేయాలి అంటుంది దీప. మోనిత బాబు నిజంగా తప్పిపోయాడా… లేక అబద్ధాలు ఆడుతోందా.. ఏంటో ఏం అర్థం కావడం లేదు అని అనుకుంటాడు కార్తీక్.

మరోవైపు మోనిత బాబాయి ఇంటికి వస్తాడు. కానీ.. ఆయనకు అస్సలు మోనితను చూసి నమ్మబుద్ధి కాదు. అతడిని నమ్మించడం కోసం ఏడుపు యాక్టింగ్ మొదలు పెడుతుంది. బాబాయి.. గతంలో నిన్ను నేను ఏదైనా అని ఉంటే అవన్నీ మనసులో పెట్టుకోకు బాబాయి. నన్ను క్షమించు బాబాయి.. అంటూ తన కాళ్ల మీద పడుతుంది.

దీంతో ఏంటమ్మా ఇది లే.. అని అంటాడు. అప్పుడు కానీ.. మోనితను నమ్మడు. నీకు కొంచెం కోపం ఎక్కువ.. ప్రేమ కూడా ఎక్కువేనమ్మా అంటాడు. మరోవైపు కార్తీక్.. తొలిసారి హాస్పిటల్ కు వస్తాడు. దీంతో అందరూ కార్తీక్ కు వెల్ కమ్ చెబుతారు.

వెళ్లి తన సీటులో కూర్చుంటాడు. తనకు అన్నీ గుర్తొస్తాయి. ఇంతలో మీరు హాస్పిటల్ కు రాగానే మోనిత గారు గుర్తు చేయమన్నారు. మీరు వచ్చినట్టు చెప్పాలా వద్దా అని రిసెప్షనిస్ట్ వచ్చి అడుగుతుంది. దీంతో అవసరం లేదు అంటాడు కార్తీక్. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.