Balakrishna : బాలకృష్ణ నట వారసుడి తెరంగేట్రం.. మళ్లీ ఫ్యాన్స్‌ లో అదే లొల్లి

Balakrishna : నందమూరి ఫ్యామిలీ నుండి ఇప్పటికే పలువురు హీరోలు టాలీవుడ్ లో ఉన్నారు. మరో నందమూరి హీరో కూడా ఇండస్ట్రీలో అడుగు పెట్టబోతున్నాడు అంటూ గత కొన్ని సంవత్సరాలుగా అభిమానులు ఎంతో ఆసక్తిగా ఎదురు చూస్తున్నారు. నందమూరి బాలకృష్ణ తనయుడు మోక్షజ్ఞ హీరోగా ఎంట్రీ ఇచ్చేందుకు రెడీ అవుతున్నాడు అంటూ దాదాపు మూడు నాలుగు సంవత్సరాల నుండి ఇండస్ట్రీ వర్గాల్లో మరియు నందమూరి అభిమానుల్లో చర్చ జరుగుతోంది. ఆ మధ్య బాలకృష్ణ కూడా మీడియా సమావేశంలో మాట్లాడుతూ స్వయంగా తన కొడుకుని సినిమాల్లో ఎంట్రీ ఇప్పియ్యబోతున్నట్లుగా ప్రకటించాడు….

Balakrishna : మోక్షజ్ఞ సినిమా ఎంట్రీ తప్పకుండా భారీ సినిమా అవుతుంది అంటూ బాలకృష్ణ ఆ సమయంలో పేర్కొన్నాడు, కానీ మోక్షజ్ఞ మాత్రం సినిమాల్లో హీరోగా నటించే ఆసక్తి లేని వాడిలా కనిపిస్తున్నాడు. ఇప్పటికి కూడా భారీ శరీరంతో ఏమాత్రం లావు తగ్గకుండా కనిపిస్తున్నాడు. వచ్చే ఏడాది మోక్షజ్ఞ సినిమా ఎంట్రీ ఉంటుందంటూ ఇటీవల నందమూరి కుటుంబ సన్నిహితులతో బాలకృష్ణ చెప్పుకొచ్చాడట. కానీ బాలకృష్ణ ఇప్పటికీ కూడా తన కొడుకు ఎవరి దర్శకత్వంలో ఎంట్రీ ఇస్తాడు అనే విషయంలో క్లారిటీ ఇవ్వలేదు.

మరోవైపు బాలకృష్ణ తనయుడు మోక్షజ్ఞ ఫిజిక్ విషయంలో నందమూరి అభిమానుల్లో ఆందోళన వ్యక్తం అవుతుంది.హీరోలకు ఉండాల్సిన నాజూకైనా ఫిజిక్ మోక్షజ్ఞ కి ఏమాత్రం లేదు, అందుకే ఆయన హీరోగా సెట్ అవ్వకపోవచ్చు అంటూ కొందరు అభిప్రాయం వ్యక్తం చేస్తున్నారు. గతంలో ఎన్టీఆర్‌ కూడా చాలా బరువు ఉండేవాడు కాని సినిమా ల్లో ఎంట్రీ ఇచ్చే సమయంకు చాలా సన్నగా అయ్యాడు. మోక్షజ్ఞ మరియు నందమూరి బాలకృష్ణ కలిసి ఒక సినిమా చేస్తారని ఆ సినిమా కోసం నందమూరి అభిమానులు ఎంతో ఆసక్తిగా ఎదురుచూస్తున్నారు. మోక్షజ్ఞ ఎంట్రీ ఇచ్చేది ఎప్పుడో.. తండ్రితో కలిసి నటించేది ఎప్పుడో చూడాలి.