Ram Charan : ప్ర‌త్యేకంగా సోష‌ల్ మీడియా టీంని ఏర్పాటు చేసుకుంటున్న రామ్ చ‌ర‌ణ్.. ఎందుకో తెలిస్తే షాక‌వ్వాల్సిందే..!

Ram Charan: ప్ర‌స్తుతం స్టార్స్ అంద‌రు సోష‌ల్ మీడియాలో తెగ ర‌చ్చ చేస్తున్నారు. ఇన్ స్టా గ్రామ్.. ట్విటర్.. ఫేస్ బుక్ లాంటి మాధ్యమాలలో యాక్టివ్‌గా ఉంటూ ప‌ర్స‌న‌ల్, ప్రొఫెష‌న‌ల్ విష‌యాలు షేర్ చేస్తున్నారు. మ‌రోవైపు వీటి ద్వారా కొంద‌రు కోట్లు కూడా సంపాదిస్తున్నారు. అయితే సెల‌బ్రిటీల సోష‌ల్ మీడియాల అధికారిక ఖాతాల మెయింటనెన్స్ కోసం ప్రత్యేకంగా కొన్ని కార్పోరేట్ కంపెనీల టీమ్ లే పనిచేస్తున్నాయి. అల్లు అర్జున్, మ‌హేష్ బాబు వంటి వారు సోష‌ల్ మీడియాలో దూసుకుపోతుండ‌గా, ఎన్టీఆర్ కూడా కొద్దిగా ప‌ర్వాలేద‌నిపిస్తున్నాడు. తమపై ట్రోలింగ్.. నెగిటివిటీ లాంటివి చోటు చేసుకోకుండా ఎప్పటికప్పుడు జాగ్రత్తపడుతున్నారు.

పవర్ స్టార్ పవన్ కళ్యాణ్.. పాన్ ఇండియా స్టార్ ప్రభాస్ లకు సోషల్ మీడియాలో ఫాలోయింగ్ లేనప్పటికీ ఫాలోయింగ్ మాత్రం అసాధారణం. గతంలో యంగ్ టైగర్ ఎన్టీఆర్ కి ఇలాంటి సెటప్ గట్టిగానే ఉండేది. అలాగే సంగీత దర్శకుడు థమన్ కూడా ఒకానొక సందర్భంలో ట్రోలింగ్ కి గురయ్యాడు. దీంతో ఆయన జాగ్రత్తలు తీసుకోవడంతో పాజిటివ్ వైబ్ క్రియేట్ అవుతోంది. తాజాగా మెగా పవర్ స్టార్ రామ్ చరణ్ కూడా ట్విటర్ ఫాలోయింగ్ పెంచుకునే పనిలో పడ్డారు. `ఆర్ ఆర్ ఆర్` ప్రమోషన్ యాక్టివిటీ స్పీడప్ చేసినప్పటి నుంచి చరణ్ కూడా ట్విటర్ పై దృష్టి పెట్టారు.

Ram Charan : రామ్ చ‌ర‌ణ్ ప్లానింగ్ మాములుగా లేదు..

బాలీవుడ్ మార్కెట్లో ప్లానింగ్ సహా.. పాన్ ఇండియా కంటెంట్ పైనే దృష్టి పెట్టడంతో సోషల్ మీడియాని కూడా అంతే కీలకంగా భావంచి స్ట్రాంగ్ నెట్ వర్క్ ని బిల్డ్ చేసుకునే పనిలో నిమగ్నమైనట్లు టాక్ వినిపిస్తోంది. గతంలో `జంజీర్` రీమేక్ లో నటించిన చరణ్ పై వీపరితమైన ట్రోలింగ్ జరిగింది. ఇప్పుడా లెక్కలన్నింటినీ సరిచేయడానికి చరణ్ సోషల్ మీడియా వింగ్ పై దృష్టి పెట్టినట్లు తెలుస్తోంది. ప్రస్తుతం శంకర్ దర్శకత్వంలో చరణ్ ఓ సినిమా చేస్తోన్న సంగతి తెలిసిందే. ఆర్ఆర్ఆర్ సినిమాతో పాన్ ఇండియా స్టార్‌గా మారిన రామ్ చ‌ర‌ణ్ శంక‌ర్ సినిమాతో మంచి క్రేజ్ సంపాదించాల‌ని అనుకుంటున్నాడు.