Tamannaah : స్టార్ హీరోయిన్ తమన్నా ఈ మధ్య తన ప్రత్యేక స్టైల్‌తో తెలుగు సినీ ప్రేక్షకుల మనసులను గెలుచుకుంటోంది. ముఖ్యంగా ఆమె ఐటం సాంగ్స్‌కి విపరీతమైన క్రేజ్ ఏర్పడింది. ప్రస్తుతం ఆమె ఐటెం పాటలు లేకుండా ఏ సినిమా పూర్తవడంలేదనుకునేంతగా ఆమె ప్రభావం పెరిగింది. తాజాగా ఇంటర్వ్యూలో తమన్నా తన సినీ ప్రస్థానం, పాటల ఎంపికపై ఆసక్తికర విషయాలను పంచుకున్నారు. సినిమాలు లేదా పాటలకు ఒప్పుకోడానికి ముందు ఆ ఆఫర్‌ తన కెరీర్‌కు ఎలా ఉపయోగపడుతుందో కాదు, అది ప్రేక్షకుల జీవితాల్లో సానుకూల మార్పు తీసుకురాగలిగితేనే ఒప్పుకుంటానని ఆమె స్పష్టంగా చెప్పారు.

Tamannaah : ఐటెం సాంగ్స్ పై తమన్నా కీలక వ్యాఖ్యలు

తమన్నా తన పాటలు ప్రజలపై ఎంతటి ప్రభావం చూపిస్తున్నాయనేది ఒక చిన్న ఉదాహరణతో వివరించారు. “చిన్న పిల్లలు నా పాట చూడకుండా అన్నం తినడం లేదని చాలా మంది చెప్పడం నాకు వినిపిస్తోంది. దీనిని నేను చాలా సానుకూలంగా తీసుకుంటాను. నేను చేసే పని ఏదో ఒక రూపంలో ప్రజల జీవితాలను స్పృశించాలని నేను ఎల్లప్పుడూ కోరుకుంటాను” అంటూ తమన్నా పేర్కొన్నారు. ఇది ఆమెకు ప్రేక్షకులతో, ముఖ్యంగా చిన్నారులతో ఉన్న అనుబంధాన్ని చూపిస్తుంది. ‘ఆజ్ కీ రాత్’ పాట విడుదలైన వెంటనే ప్రేక్షకుల నుంచి వచ్చిన స్పందన దీని నిదర్శనంగా చెప్పొచ్చు.

‘స్త్రీ 2’ చిత్రంలో భాగంగా వచ్చిన ‘ఆజ్ కీ రాత్’ పాటలో తమన్నా చేసిన డ్యాన్స్‌కి విశేష ఆదరణ లభించింది. ఈ పాట ఒక హై ఎనర్జీ ఫాస్ట్ బీట్ డ్యాన్స్ నంబర్‌గా ఉండటంతో ప్రేక్షకులను అలరిస్తోంది. తమన్నా తన కెరీర్‌లో విభిన్నమైన పాత్రలతో పాటు, డ్యాన్స్ నంబర్ల ద్వారానూ తన టాలెంట్‌ను నిరూపించుకుంది. తాను కేవలం ఒక నటిగా మాత్రమే కాకుండా, ప్రజల జీవితాల్లో మంచి మార్పు తీసుకురావాలని, వారికి స్ఫూర్తిగా నిలవాలని తన ప్రయత్నం ఎప్పటికీ కొనసాగుతుందని తమన్నా తెలియజేశారు. ఈ దృక్పథమే ఆమెను ప్రేక్షకుల మనసుల్లో స్థిరంగా నిలిపేసింది.