Diabetes : రోజూ వ్యాయామం చేస్తే టైప్ 2 డయాబెటిస్ రాదు.. సైంటిస్టుల అధ్య‌య‌నంలో వెల్ల‌డి..
Diabetes : ఎవ‌రైనా స‌రే ఆరోగ్యంగా ఉండాలంటే నిత్యం వ్యాయామం చేయాలి. త‌గిన‌న్ని గంట‌ల పాటు నిద్ర‌పోవాలి. వేళ‌కు నిద్రించి వేళ‌కు నిద్ర‌లేవాలి. అలాగే పౌష్టికాహారాన్ని వేళ‌కు తీసుకోవాలి. ఇలా చేస్తేనే ఎవ‌రైనా స‌రే ఆరోగ్యంగా ఉంటారు. కానీ చాలా మంది ఈ త‌ర‌హా జీవ‌న‌శైలిని పాటించ‌డం లేదు. చాలా మంది లైఫ్ స్టైల్ అస్త‌వ్య‌స్తంగా ఉంటోంది. అందువ‌ల్ల వారు టైప్ 2 డయాబెటిస్ బారిన ప‌డుతున్నారు.
అయితే నిత్యం వ్యాయామం చేయ‌డం వ‌ల్ల టైప్ 2 డయాబెటిస్ రాకుండా అడ్డుకోవ‌చ్చ‌ని సైంటిస్టుల అధ్య‌య‌నాల్లో వెల్ల‌డైంది. ఈ మేర‌కు అసోసియేష‌న్ ఫ‌ర్ ది స్ట‌డీ ఆఫ్ డయాబెటిస్ (ఈఏఎస్‌డీ)కి చెందిన డ‌యాబెటాల‌జియా అనే జ‌ర్న‌ల్‌లో ప‌లువురు సైంటిస్టులు పైన తెలిపిన విష‌యానికి చెందిన అధ్య‌య‌న వివ‌రాల‌ను ప్ర‌చురించారు.
doing exercise daily prevents type 2 diabetes
చైనీస్ యూనివ‌ర్సిటీ ఆఫ్ హాంగ్‌కాంగ్‌, ఇనిస్టిట్యూట్ ఫ‌ర్ రిస్క్ అసెస్‌మెంట్ సైన్సెస్‌, ఉట్రెక్ట్ యూనివ‌ర్సిటీల‌కు చెందిన ప‌రిశోధ‌కులు వ్యాయామం చేయ‌డం, టైప్ 2 డయాబెటిస్ అనే అంశంపై ప‌రిశోధ‌న‌లు చేసి ఆయా వివ‌రాల‌ను వెల్ల‌డించారు. అందుకు గాను వారు 1,56,314 మందిని ప‌రిశీలించారు. వారిలో నిత్యం వ్యాయామం చేసే వారిలో 64 శాతం మందిలో టైప్ 2 డయాబెటిస్ వచ్చే అవ‌కాశాలు బాగా త‌గ్గాయ‌ని గుర్తించారు. అయితే కాలుష్యం లేని ప్రాంతాల్లో నిత్యం వ్యాయామం చేస్తేనే ఈ ఫ‌లితాన్ని పొంద‌వ‌చ్చ‌ని వారు తెలిపారు. అందువ‌ల్ల నిత్యం ప‌చ్చ‌ని ప్ర‌కృతి వాతావ‌ర‌ణంలో వ్యాయామం చేస్తే టైప్ 2 డయాబెటిస్ రాకుండా చూసుకోవ‌చ్చు.
Also read
