Hanuman Nagar Colony Association : ఉప్ప‌ల్ జూన్ 7 : హనుమాన్ నగర్ కాలనీ అసోసియేషన్ నూతన కార్యవర్గ కమిటీ ప్రమాణ స్వీకార కార్యక్రమం ఆదివారం ఘనంగా జరిగింది. ఈ కార్యక్రమంలో కాలనీ నివాసితులు, ప్రముఖులు పాల్గొన్నారు. ఈ సందర్భంగా అసోసియేషన్ అధ్యక్షుడిగా శ్రీ ఏనుగు మల్లారెడ్డి గారు బాధ్యతలు స్వీకరించారు. కొత్త కమిటీ సభ్యులు కూడా తమ తమ పదవులకు ప్రమాణ స్వీకారం చేశారు. కార్యక్రమంలో మాట్లాడిన మల్లారెడ్డి గారు కాలనీ అభివృద్ధి, మౌలిక సదుపాయాల మెరుగుదల వంటి అంశాలకు ప్రాధాన్యం ఇస్తామని తెలిపారు.

నివాసితుల సమస్యలను ఎప్ప‌టి క‌ప్పుడు త్వరితగతిన పరిష్కరించేందుకు కృషి చేస్తామని హామీ ఇచ్చారు. ఈ సందర్భంగా కాలనీ ప్రజలు కొత్త కమిటీకి శుభాకాంక్షలు తెలియ‌జేశారు. అలాగే మాజీ అధ్య‌క్షులు గంటా ర‌వీంద‌ర్ రెడ్డి మాట్లాడుతూ కొత్త‌గా ఏర్ప‌డిన క‌మిటీకి శుభాకాంక్ష‌లు తెలుపుతూ ఇప్ప‌టి వ‌ర‌కు కాల‌నీ ఎంతో అభివృద్ది చేయ‌డం జ‌రిగింది. దాన్ని కొన‌సాగిస్తూ ఈ కొత్త క‌మిటీ మ‌రింత అభివృద్ది దిశ‌గా ముందుకు తీసుకుపోవాలిని ఆయ‌న పేర్కొన్నారు.

కాల‌నీ అభివృద్ధి కార్యక్రమాల్లో తమ పూర్తి సహకారం అందిస్తామని గంటా ర‌వీంద‌ర్ రెడ్డి గారు అన్నారు. ఈ కార్య‌క్ర‌మంలో గంటా ర‌వీంద‌ర్ రెడ్డి, డి. కృష్ణారెడ్డి, ఎస్‌.కె ఖాసీం వ‌లి, ఏనుగు మ‌ల్లారెడ్డి, ర‌మేష్‌, అమ‌రేంద‌ర్ రెడ్డి, రాము గౌడ్‌, వెంక‌ట క్రిష్ణ‌య్య‌, ఎస్‌.కె . వ‌లి , అనంత ల‌క్ష్మి, శోభ‌, శ్రీ‌నివాస్ రెడ్డి, యాదిరెడ్డి , కార్తీక్‌, ఖాసీం పీరా, జి. అర‌వింద్‌, CH. నాగ‌రాజు, ఇ.రామ‌చంద్రాడ్డి, వి. కృష్ణ‌, పాల్గొన‌డం జ‌రిగింది.