Father Pension Money : పెన్షన్ డబ్బుల కోసం కన్నతండ్రిని హత్య.. కొడుకు, కూతురికి తల్లికి సంచలన తీర్పు ఇచ్చిన కోర్టు..!
Authored By Ramu Tandu Ramalingaiah
| The Telugu News | Updated on :
9 June 2026,
5:00 pm 
Father Pension Money : సంచలన తీర్పు.. పెన్షన్ డబ్బుల కోసం కన్నతండ్రి హత్య.. కొడుకు, కూతురికి ఉరిశిక్ష.. తల్లికి జీవిత ఖైదు..!
Father Pension Money : హైదరాబాద్లో సంచలనం సృష్టించిన పెన్షన్ హత్య కేసులో మల్కాజిగిరి కోర్టు కీలక తీర్పు వెలువరించింది. పెన్షన్ డబ్బులు, బ్యాంకులో ఉన్న డిపాజిట్ల కోసం కన్నతండ్రిని అత్యంత దారుణంగా హత్య చేసిన కుమారుడు, కుమార్తెకు ఉరిశిక్ష విధిస్తూ న్యాయస్థానం ఆదేశాలు జారీ చేసింది. ఈ హత్యకు సహకరించిన మృతుడి భార్యకు జీవిత ఖైదు విధించింది.2019లో జరిగిన ఈ దారుణ ఘటన అప్పట్లో రాష్ట్రవ్యాప్తంగా తీవ్ర కలకలం రేపింది. వృద్ధుడైన తండ్రికి విషమిచ్చి హత్య చేసి, అనంతరం మృతదేహాన్ని ముక్కలుగా నరికి ప్లాస్టిక్ బకెట్లలో దాచిపెట్టిన ఘటన సమాజాన్ని దిగ్భ్రాంతికి గురి చేసింది. విచారణలో నేరం పూర్తిగా రుజువు కావడంతో కోర్టు కఠిన శిక్షలు విధించింది.
Father Pension Money : పెన్షన్ డబ్బుల కోసం కన్నతండ్రిని హత్య.. కొడుకు, కూతురికి తల్లికి సంచలన తీర్పు ఇచ్చిన కోర్టు..!
Father Pension Money కుటుంబంలోనే పుట్టిన ఘోర కుట్ర
పోలీసుల కథనం ప్రకారం, హైదరాబాద్లోని మౌలాలి రైల్వే కాలనీలో నివసిస్తున్న మారుతి సుతార్ (70) భారతీయ రైల్వే శాఖలో ఉద్యోగం చేసి పదవీ విరమణ పొందారు. ఆయనకు భార్య గంగాబాయి, కుమారుడు కిషన్ సుతార్, కుమార్తెలు అనుపమ, ప్రపుల్ల ఉన్నారు.పెద్ద కుమార్తె అనుపమ వివాహం అనంతరం పుణెలో స్థిరపడగా, కుమారుడు కిషన్, చిన్న కుమార్తె ప్రపుల్ల మాత్రం ఉద్యోగాలు చేయకుండా ఇంట్లోనే ఉండేవారు. మారుతి సుతార్కు ప్రతి నెలా సుమారు రూ.30 వేల పెన్షన్ వచ్చేది. అదే కుటుంబానికి ప్రధాన ఆదాయ వనరుగా ఉండేది.అయితే డబ్బుల విషయంలో తరచూ తండ్రితో విభేదాలు ఏర్పడటంతో కుమారుడు, కుమార్తె ఆయనపై తీవ్ర అసంతృప్తి పెంచుకున్నారు. తండ్రి మరణిస్తే పెన్షన్ ప్రయోజనాలు, బ్యాంకు డిపాజిట్లు తమకు వస్తాయని భావించి హత్యకు కుట్ర పన్నారు.
Father Pension Money ఇంటర్నెట్లో హత్యకు సంబంధించిన సమాచారం సేకరణ
దర్యాప్తులో బయటపడిన వివరాలు మరింత షాకింగ్గా మారాయి. హత్య ఎలా చేయాలి? ఆనవాళ్లు లేకుండా ఎలా తప్పించుకోవాలి? అనే అంశాలపై కుమార్తె ప్రపుల్ల ఇంటర్నెట్లో విస్తృతంగా శోధించినట్లు పోలీసులు గుర్తించారు.కుటుంబ సభ్యులు కలిసి ముందుగానే ప్రణాళిక సిద్ధం చేసుకుని, విషపూరితమైన ఉమ్మెత్త పూలు, కాయలను సేకరించి వాటిని ఎండబెట్టి పొడిగా తయారు చేశారు. మొదట కొద్దిపాటి మోతాదులో ఆ పొడిని మారుతి తినే ఆహారంలో కలిపి పరీక్షించారు.రెండు రోజుల పాటు తక్కువ మోతాదులో ఇచ్చిన అనంతరం, మూడో రోజు విషం మోతాదును పెంచడంతో మారుతి తీవ్ర అపస్మారక స్థితిలోకి వెళ్లిపోయారు.
Father Pension Money స్పృహ కోల్పోయిన తండ్రిపై పాశవిక దాడి
తండ్రి స్పృహ కోల్పోయిన తర్వాత కూడా నిందితులు కనికరం చూపలేదు. వృద్ధుడిని కత్తులతో దారుణంగా నరికి హత్య చేశారు. అనంతరం మృతదేహాన్ని ముక్కలు ముక్కలుగా చేసి ఇంట్లో ఉన్న ప్లాస్టిక్ బకెట్లలో దాచిపెట్టారు.ఎవరూ చూడని సమయంలో ఆ శరీర భాగాలను బయట పడేయాలని భావించారు. అయితే ఎదురింట్లో జరిగిన శుభకార్యంతో వీధిలో జన సంచారం ఎక్కువగా ఉండటంతో వారి ప్రణాళిక విఫలమైంది.
దుర్వాసనతో బయటపడిన నేరం
హత్య జరిగిన రెండు రోజుల తర్వాత ఇంటి నుంచి తీవ్రమైన దుర్వాసన రావడం ప్రారంభమైంది. దీంతో అనుమానం వచ్చిన స్థానికులు ఇంట్లోకి వెళ్లి పరిశీలించారు.అక్కడ ప్లాస్టిక్ బకెట్లలో కుళ్లిపోయిన మానవ శరీర భాగాలు కనిపించడంతో ఒక్కసారిగా షాక్కు గురయ్యారు. విషయం తెలుసుకున్న స్థానికులు వెంటనే పోలీసులకు సమాచారం అందించారు.ఈ సమయంలో గంగాబాయి, ప్రపుల్ల అక్కడి నుంచి బయటకు వెళ్లిపోవడానికి ప్రయత్నించినట్లు సమాచారం. అనంతరం పోలీసులు వారిని అదుపులోకి తీసుకున్నారు.
ఫోరెన్సిక్ ఆధారాలతో నేరం రుజువు
మల్కాజిగిరి పోలీసులు కేసును అత్యంత ప్రాధాన్యంతో దర్యాప్తు చేశారు. సంఘటన స్థలంలో సేకరించిన సాక్ష్యాలు, ఫోరెన్సిక్ ఆధారాలు, సాంకేతిక సమాచారం ఆధారంగా బలమైన చార్జ్షీట్ను కోర్టులో దాఖలు చేశారు.విచారణ సమయంలో నిందితుల పాత్ర స్పష్టంగా రుజువు కావడంతో కోర్టు ఈ కేసును అత్యంత అరుదైన నేరంగా పరిగణించింది.
సంచలన తీర్పు
దీర్ఘకాల విచారణ అనంతరం మల్కాజిగిరి ప్రిన్సిపల్ డిస్ట్రిక్ట్ అండ్ సెషన్స్ జడ్జి వి. బాలభాస్కర్ రావు కీలక తీర్పు వెలువరించారు.తండ్రి హత్యలో ప్రధాన నిందితులైన కుమారుడు కిషన్ సుతార్, కుమార్తె ప్రపుల్లకు ఉరిశిక్ష విధించారు. హత్యకు సహకరించి కుట్రలో భాగస్వామ్యమైన గంగాబాయికి జీవిత ఖైదు విధించారు.
సమాజాన్ని కుదిపేసిన ఘటన
కుటుంబ బంధాలు, మానవ విలువలను మరిచి కేవలం డబ్బు కోసం కన్నతండ్రినే హత్య చేయడం సమాజాన్ని దిగ్భ్రాంతికి గురిచేసింది. పెన్షన్ డబ్బులు, ఆస్తుల కోసం కుటుంబ సభ్యులే ఇంత దారుణానికి పాల్పడటం తీవ్ర చర్చకు దారితీసింది.ఈ కేసులో కోర్టు విధించిన కఠిన శిక్షలు భవిష్యత్తులో ఇలాంటి నేరాలకు పాల్పడే వారికి హెచ్చరికగా నిలుస్తాయని న్యాయ నిపుణులు అభిప్రాయపడుతున్నారు.
Also read
