Telangana : తెలంగాణ నిరుద్యోగులకు ఇంతకన్నా గుడ్ న్యూస్ మరోటి ఉండదు..!

Telangana : తెలంగాణ రాష్ట్రంలో నిరుద్యోగ యువత ఎంతోకాలంగా ఎదురు చూస్తున్న ఉద్యోగ నోటిఫికేషన్ల ప్రక్రియ మళ్లీ ప్రారంభం కానుంది. గతంలో ఎస్సీ వర్గీకరణ చట్టంపై స్పష్టత లేకపోవడంతో నిలిపివేసిన ప్రభుత్వ నియామక ప్రక్రియలు ఇప్పుడు తిరిగి ప్రారంభించేందుకు సిద్ధంగా ఉన్నట్లు సమాచారం. ముఖ్యమంత్రి రేవంత్ రెడ్డి నేతృత్వంలో మంత్రుల బృందం ప్రత్యేకంగా సమావేశమై కార్యాచరణ రూపుదిద్దనుంది. గతంలో విడుదల చేసిన జాబ్ క్యాలెండర్‌ను రీషెడ్యూల్ చేయడానికి ఇప్పటికే ఏర్పాట్లు ప్రారంభమయ్యాయి.

Telangana : తెలంగాణ నిరుద్యోగులకు ఇంతకన్నా గుడ్ న్యూస్ మరోటి ఉండదు..!

Telangana : తెలంగాణ నిరుద్యోగులు మీకు ఇక ఆ దిగులు ఉండదు .. ఎందుకంటే !!

ప్రభుత్వం 2024–25 సంవత్సరానికి సంబంధించి వివిధ శాఖల్లో 20 కొత్త నోటిఫికేషన్ల ద్వారా పెద్ద ఎత్తున ఉద్యోగాల భర్తీకి ప్రణాళిక రూపొందించింది. మొదటి విడతగా మహిళా, శిశు సంక్షేమ శాఖలో 14,236 అంగన్‌వాడీ ఉద్యోగాలు, ఆరోగ్య శాఖలో 4 వేలకు పైగా పోస్టులు, ఆర్టీసీలో మూడు వేలకుపైగా పోస్టులకు నోటిఫికేషన్లు విడుదల చేయనుంది. మరోవైపు, వాయిదా పడిన గ్రూప్-2, గ్రూప్-3, పోలీస్, ఫారెస్ట్ బీట్ ఆఫీసర్ నోటిఫికేషన్లను కూడా త్వరలోనే షెడ్యూల్ చేయనున్నారు. ఇవి అఖిల భారత పరీక్షల షెడ్యూల్‌తో సవరించి నిర్వహించనున్నారు.

ఈసారి విడుదలయ్యే నోటిఫికేషన్లలో ఎస్సీ వర్గీకరణ చట్టానికి అనుగుణంగా రిజర్వేషన్లను అమలు చేయనున్నారు. కొత్తగా రూపొందించబోయే రోస్టర్ ప్రకారం అన్ని వర్గాల అభ్యర్థులకు న్యాయం జరుగనుంది. వెనుకబడిన తరగతులకు పెద్ద సంఖ్యలో అవకాశాలు దక్కేలా ప్రభుత్వ విధానం స్పష్టంగా కనిపిస్తోంది. ఇలా నియామక ప్రక్రియలు మళ్లీ ప్రారంభం కావడంతో రాష్ట్ర నిరుద్యోగ యువతలో కొత్త ఆశలు వెల్లివిరుస్తున్నాయి. ఉద్యోగాల కోసం కాసేపు వెయిట్ చేస్తున్న యువతకు ఇది నిజంగా ఊరటనిచ్చే శుభవార్తగా మారింది.