TGSRTC : రాష్ట్రవ్యాప్తంగా డిజిటల్ చెల్లింపు వ్యవస్థను విస్తరిస్తూ తెలంగాణ రాష్ట్ర రోడ్డు రవాణా సంస్థ (TGSRTC) పల్లె వెలుగు మరియు ఎక్స్‌ప్రెస్ బస్సుల ప్రయాణికులు క్విక్ రెస్పాన్స్ (QR) కోడ్ సదుపాయాన్ని ఉపయోగించి టిక్కెట్లను కొనుగోలు చేయవచ్చని ప్రకటించింది. పల్లె వెలుగు మరియు ఎక్స్‌ప్రెస్ బస్సుల్లోని ప్రయాణికులు తమ బస్సు టిక్కెట్‌లను కొనుగోలు చేయడానికి PhonePe, Google Pay, QR కోడ్, క్రెడిట్ కార్డ్ మరియు డెబిట్ కార్డ్ వంటి వివిధ డిజిటల్ చెల్లింపు ప్లాట్‌ఫారమ్‌లను ఉపయోగించవచ్చు.

ప్రస్తుతం, జూబ్లీ బస్ స్టేషన్ (JBS)లో పార్శిల్ మరియు కార్గో సేవలను పొందేందుకు ప్రజలు UPI/QR చెల్లింపులను ఉపయోగిస్తున్నారు. హైదరాబాద్, సికింద్రాబాద్ జంట నగరాల్లోని బస్ పాస్ కౌంటర్లలో విద్యార్థులు ఈ సౌకర్యాన్ని వినియోగించుకుంటున్నారు. రాష్ట్ర ఆర్టీసీ సికింద్రాబాద్ డివిజన్ పరిధిలోని 14 స్టేషన్లలో జనరల్ బుకింగ్ కౌంటర్ల ద్వారా రిజర్వ్ చేయని టిక్కెట్ల కోసం డిజిటల్ చెల్లింపు సౌకర్యాన్ని ప్రవేశపెట్టింది. ఆర్టీసీ బస్సుల్లో కండక్టర్‌తో చిల్ల‌ర విష‌యంలో ప్రయాణికులు వాగ్వాదానికి దిగడం సర్వసాధారణం. తాత్కాలిక చర్యగా, రాష్ట్ర రోడ్డు రవాణా సంస్థ బస్సు ఛార్జీల కోసం రౌండింగ్-ఆఫ్ విధానాన్ని ప్రవేశపెట్టింది. బస్‌ ఛార్జీ రూ.12 ఉంటే ప్రయాణీకుడు రూ. 10 చెల్లించే విధంగా అలాగే టికెట్ ధ‌ర‌ రూ.13 లేదా రూ. 14 ఉంటే రూ.15గా చేసింది.హైదరాబాద్‌లోని దిల్ సుఖ్ నగర్ మరియు బండ్లగూడ డిపోలకు చెందిన బస్సుల్లో పైలెట్ ప్రాజెక్టుగా డిజిటల్ చెల్లింపుల వ్యవస్థను ప్రారంభించింది.

TGSRTC : గ్రామీణ బ‌స్సుల‌కు TGSRTC డిజిటల్ చెల్లింపు వ్యవస్థ విస్త‌ర‌ణ‌..!

ఈ ప్రయోగం విజయవంతం కావడంతో, త్వరలోనే అన్ని ఆర్టీసీ బస్సుల్లో డిజిటల్ పేమెంట్ సౌకర్యాన్ని అందుబాటులోకి తెచ్చే యోచనలో ఉంది. ప్రస్తుతం కండక్టర్ల చేతిలో ఉన్న టిమ్ మిషన్ల స్థానంలో ఆటోమేటిక్ ఫెయిర్ కలెక్షన్ సిస్టం మిషన్లను అందించే దిశగా ఆర్టీసీ ప్రయత్నిస్తోంది, దీని ద్వారా ప్రైవేట్ ట్రాన్స్ పోర్ట్ సర్వీసులకు పోటీని పెంచే అవకాశం ఉంది.

Follow Us

ramu

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది