vinayaka chavithi| వినాయక చవితి సందర్భంగా మోదకాలను ఇంట్లో తయారుచేసి శ్రీ గ‌ణేశుడికి నివేదించ‌డం జ‌రుగుతుంది… అలా చేస్తే రుచి, ఆరోగ్యం రెండూ మీ ఇంట్లోనూ పూజలోనూ ఉంటాయి.

1. నువ్వుల మోదకాలు

ఈ మోదకాలను నువ్వులు, బెల్లం, యాలకుల పొడి, కొబ్బరి తురుముతో తయారుచేసిన పూరణతో చేస్తారు. బియ్యం పిండిని చిన్న రొట్టెలా చేసి, అందులో పూరణ నింపి మోదక ఆకారంలో మలుస్తారు. అనంతరం వాటిని ఆవిరిలో ఉడకబెట్టి అందంగా వడ్డిస్తారు.

vinayaka chavithi 2. మలై మోదకాలు

పాలు, కుంకుమపువ్వు, పంచదార, యాలకుల పొడి, నెయ్యి, బాదం పలుకులతో ఈ మోదకాలు తయారవుతాయి. పాలను మరిగించి, కుంకుమపువ్వు కలిపిన పాలను, చక్కెర, యాలకుల పొడి జత చేసి క్రీమ్‌లా అయ్యే వరకు ఉడికిస్తారు. చివరికి నెయ్యి వేసి మిశ్రమాన్ని ముద్దలా చేసి చల్లారిన తర్వాత మోదకలుగా తయారు చేస్తారు.

3. పోహా మోదకాలు (కర్ణాటక స్పెషల్)

పోహా, బెల్లం, నెయ్యి, యాలకుల పొడి, జీడిపప్పుతో ఈ మోదకాలు సిద్ధం చేస్తారు. ఈ మిశ్రమాన్ని కలిపి ముద్దగా చేసి మోదకలుగా తయారు చేస్తారు.

4. ఉకడిచే మోదకాలు (మహారాష్ట్ర సాంప్రదాయం)

బియ్యం పిండి, కొబ్బరి తురుము, బెల్లంతో పూరణ తయారు చేసి, బియ్యం పిండి తో చాపలాగా చేసి పూరణ నింపి మోదకలా తయారుచేస్తారు. అనంతరం వాటిని ఆవిరిలో పూర్తిగా ఉడకబెట్టి వడ్డిస్తారు. రుచికరమైన శుద్ధ సాంప్రదాయ వంటకం ఇది.

5. చాక్లెట్ మోదకాలు

చిన్న పిల్లలకి ఇష్టమైన ఈ మోదకాలను బియ్యం పిండి, చాక్లెట్, డ్రై ఫ్రూట్స్‌తో తయారు చేస్తారు. చాక్లెట్‌తో పూరణ చేసి, బియ్యం పిండితో మోదక ఆకారంలో తయారుచేసి అందంగా ఉడికించి వడ్డిస్తారు.