Lungs | ప్రజలకు హెచ్చరిక.. ఈ లక్షణాలు కనిపిస్తే ఏ మాత్రం నిర్లక్ష్యం చేయోద్దు..!
Lungs | మారుతున్న జీవన శైలి, వాతావరణ మార్పులు, వాయు కాలుష్యం కారణంగా ఊపిరితిత్తుల వ్యాధులు భారీ స్థాయిలో పెరుగుతున్నాయని వైద్య నిపుణులు హెచ్చరిస్తున్నారు. ప్రపంచ ఆరోగ్య సంస్థ (WHO) నివేదిక ప్రకారం, ప్రతి సంవత్సరం దాదాపు 7 మిలియన్ల మంది వాయు కాలుష్యం బారిన పడి మృతి చెందుతున్నారు. నిపుణుల ప్రకారం, ప్రజలు ఊపిరితిత్తుల ఆరోగ్యాన్ని నిర్లక్ష్యం చేస్తే భవిష్యత్తులో తీవ్ర పరిణామాలు తప్పవు. ఊపిరితిత్తులు దెబ్బతిన్నప్పుడు శరీరం కొన్ని ముఖ్య సంకేతాల ద్వారా ముందే హెచ్చరిస్తుందని వైద్యులు సూచిస్తున్నారు.
#image_title
ఊపిరితిత్తుల నష్టానికి సంకేతాలు:
నిరంతర దగ్గు : మూడు వారాలకుపైగా దగ్గు తగ్గకపోవడం, శ్లేష్మం లేదా రక్తం కలిసిన దగ్గు రావడం ప్రమాద సూచిక.
శ్వాస ఇబ్బంది : నడక, మెట్లు ఎక్కడం వంటి సాధారణ కార్యకలాపాల్లోనూ ఊపిరి ఆడకపోవడం.
ఛాతీ నొప్పి లేదా బిగుతు : దగ్గు, నవ్వు లేదా శ్వాస తీసుకున్నప్పుడు ఛాతీలో మంట, నొప్పి.
శ్వాసలో గురక : వీజింగ్ శబ్దం రావడం వాయుమార్గాల ఇరుకుదనానికి సంకేతం.
అలసట, బరువు తగ్గడం : తగినంత ఆక్సిజన్ అందకపోవడం వలన శక్తి తగ్గిపోవడం, ఆకస్మికంగా బరువు తగ్గడం.
నిపుణుల సూచనలు:
* వాయు కాలుష్యం అధికంగా ఉన్న ప్రాంతాల్లో మాస్క్ ధరించడం.
* ధూమపానం పూర్తిగా మానుకోవడం.
* శ్వాసలో ఏవైనా అసాధారణ లక్షణాలు గమనించిన వెంటనే వైద్యులను సంప్రదించడం.
* ఆరోగ్యకరమైన ఆహారం, వ్యాయామం, శ్వాసాభ్యాసాలు చేయడం.
నిపుణులు చెబుతున్నట్టుగా, ఊపిరితిత్తుల సమస్యలను మొదటి దశలోనే గుర్తిస్తే సమయానికి చికిత్స తీసుకోవచ్చు. లేకపోతే అది ప్రాణాంతక స్థాయికి దారి తీస్తుందని హెచ్చరిస్తున్నారు.
Also read
