Stroke | మెదడుకు రక్త సరఫరా ఆగిపోవడం వల్ల కలిగే బ్రెయిన్ స్ట్రోక్ అత్యంత ప్రమాదకరమైన వ్యాధి. ఒక్కసారిగా వచ్చే ఈ సమస్యను నిర్లక్ష్యం చేస్తే పక్షవాతం, మాటలు పడిపోవడం, ప్రాణాపాయం వంటి తీవ్రమైన పరిణామాలు సంభవిస్తాయని వైద్య నిపుణులు హెచ్చరిస్తున్నారు. స్ట్రోక్ లక్షణాలను త్వరగా గుర్తించి వెంటనే చికిత్స తీసుకోవడం ద్వారా అనేక మంది ప్రాణాలను కాపాడుకోవచ్చని వారు చెబుతున్నారు.

ప్రారంభ లక్షణాలు ఇవే

* ముఖం వంకరగా మారడం : చిరునవ్వు న‌వ్వగానే ముఖం ఒక వైపు వంకరగా కనిపించడం.
* చేతులు, కాళ్లలో తిమ్మిరి : శరీరం ఒక వైపు అకస్మాత్తుగా బలహీనంగా మారడం.
* కళ్ళు మసకబారడం : ఒక్కసారిగా దృష్టి మసకబారడం, రెండుగా కనిపించడం.
* తల తిరగడం : కారణం లేకుండా తల తిరగడం, నడుస్తున్నప్పుడు తూలిపోవడం.

గుర్తించడానికి సులభమైన పద్ధతి – F.A.S.T

* F (Face) – నవ్వినప్పుడు ముఖం వంకరగా ఉందా చూడాలి.
* * A (Arm) – రెండు చేతులు పైకెత్తమని చెప్పాలి. ఒక చేయి కిందపడితే జాగ్రత్త.
* S (Speech) – మాట్లాడినప్పుడు మాట నత్తిగా ఉందా గమనించాలి.
* T (Time) – ఈ లక్షణాల్లో ఏదైనా కనబడితే ఒక్క నిమిషం ఆలస్యం చేయకుండా వెంటనే ఆసుపత్రికి వెళ్లాలి.

నివారణ మార్గాలు

* రక్తపోటు, షుగర్ ఎప్పుడూ అదుపులో ఉంచుకోవాలి.
* ధూమపానం, మద్యం మానేయాలి.
* సుస్థిరమైన ఆహారం, క్రమం తప్పని వ్యాయామం అలవాటు చేసుకోవాలి.
* సరైన నిద్ర తీసుకోవాలి.
* గుండె, కొలెస్ట్రాల్ పరీక్షలు నిరంతరం చేయించుకోవాలి.