Clove Side Effects | లవంగం అనేది మన ఇండియన్ కిచెన్‌లో తప్పనిసరి సుగంధ ద్రవ్యం. వండిన ఆహారానికి రుచి, వాసన మాత్రమే కాదు, ఆరోగ్యానికి కూడా ఎన్నో లాభాలు కలిగించే లవంగం… సరైన విధంగా, సరైన పరిమాణంలో తీసుకుంటే ఎంతో మేలు చేస్తుంది.

లవంగం తినడం వల్ల కలిగే ఆరోగ్య ప్రయోజనాలు

పంటి నొప్పికి ఉపశమనం: లవంగాల్లో ఉండే యూజెనాల్ అనే పదార్థం సహజ నొప్పి నివారిణిగా పనిచేస్తుంది. పంటి నొప్పి సమయంలో లవంగం నమలడం లేదా లవంగ నూనెను నొప్పి ఉన్న చోట రాసినా ఉపశమనం లభిస్తుంది.

జీర్ణక్రియ మెరుగుదల: భోజనం తర్వాత ఒకటి రెండు లవంగాలు నమలడం వల్ల అజీర్ణం, గ్యాస్‌, ఆమ్లత్వం వంటి సమస్యలు తగ్గుతాయి. జీర్ణవ్యవస్థను శక్తివంతం చేస్తుంది.

శ్వాస సంబంధ సమస్యలకు నివారణ:   యాంటీబాక్టీరియల్, యాంటీవైరల్ లక్షణాలతో ఇది ఇన్‌ఫెక్షన్లను ఎదుర్కొనే శక్తిని ఇస్తుంది.

నోటి దుర్గంధానికి పరిష్కారం: లవంగాన్ని మౌత్ ఫ్రెషనర్‌గా ఉపయోగించవచ్చు. నోటిలో బ్యాక్టీరియాను తగ్గించి శ్వాసను త్రోటిగా ఉంచుతుంది.

లవంగం ఎక్కువగా తీసుకుంటే కలిగే నష్టాలు

కడుపు సమస్యలు: ఎక్కువ లవంగాలు తీసుకుంటే ఆమ్లత, గ్యాస్, కడుపు నొప్పి వంటి సమస్యలు తలెత్తవచ్చు.

అలెర్జీలు: కొంతమందిలో లవంగం వల్ల చర్మ అలెర్జీలు, దద్దుర్లు కలగొచ్చు. ముఖ్యంగా లవంగ నూనెను నేరుగా చర్మానికి వేయడం మంచిది కాదు – ఇతర నూనెతో కలిపి మాత్రమే వాడాలి.

గర్భిణీ స్త్రీలు జాగ్రత్త: గర్భధారణ సమయంలో లవంగం వినియోగంపై వైద్యుల సలహా అవసరం. ఎక్కువగా తీసుకుంటే అది గర్భాశయాన్ని ప్రభావితం చేసే ప్రమాదం ఉంది.

రక్త ప్రవాహంపై ప్రభావం: లవంగాలు రక్తాన్ని పల్చగా చేస్తాయి. కాబట్టి శస్త్రచికిత్సకు సిద్ధమవుతున్న వారు, రక్తసంబంధ అనారోగ్యాలున్నవారు ముందు వైద్యుడిని సంప్రదించాలి.