Blue Berries | బ్లూబెర్రీస్ .. ఆరోగ్యానికి సంజీవని ..చిన్న పండులో అపారమైన మేలు
Blue Berries | ఆకర్షణీయమైన నీలిరంగు, చక్కని రుచితో మనసును దోచుకునే బ్లూబెర్రీస్ కేవలం రుచికరమైనవి మాత్రమే కాదు, ఆరోగ్యానికి అద్భుతమైన మేలును చేస్తాయి. యూరప్‌, ఆసియా, అమెరికా ఖండాల్లో విస్తారంగా పండే ఈ పండు ఖరీదైనదే అయినా, దానిలోని పోషకాలు దానిని “సూపర్ ఫుడ్‌”గా నిలబెట్టాయి.
బ్లూబెర్రీస్‌లో విటమిన్‌ సి, విటమిన్‌ కె, పొటాషియం, మాంగనీస్‌, ఫైబర్‌, యాంటీఆక్సిడెంట్లు సమృద్ధిగా ఉంటాయి. వీటిని తరచుగా తింటే శరీరానికి అనేక రకాలుగా లాభం కలుగుతుంది.
#image_title
బరువు నియంత్రణకు బ్లూబెర్రీస్
బ్లూబెర్రీస్‌లో కేలరీలు తక్కువగా, ఫైబర్‌ అధికంగా ఉండటంతో అవి బరువు తగ్గించడంలో సహాయపడతాయి. ఎక్కువసేపు కడుపు నిండిన అనుభూతి కలిగించడం వల్ల అతిగా తినకుండా నిరోధిస్తాయి. వాటిలోని ఆంథోసైనిన్లు శరీరంలో కొవ్వు నిల్వను తగ్గించడంలో దోహదం చేస్తాయి.
గుండె ఆరోగ్యానికి రక్షణ
విటమిన్‌ సి, బి6, పొటాషియం, ఫైబర్‌, యాంటీఆక్సిడెంట్లు గుండె ఆరోగ్యానికి చాలా ఉపయోగకరాలు. బ్లూబెర్రీస్ రక్తపోటును నియంత్రించి, కొలెస్ట్రాల్‌ స్థాయిలను తగ్గిస్తాయి. దీంతో గుండెపోటు, స్ట్రోక్‌ వంటి ప్రమాదాలు తగ్గుతాయి.
జీర్ణక్రియకు సహాయకాలు
నిత్య జీవితంలో జీర్ణ సమస్యలు ఎదురయ్యే వారికి బ్లూబెర్రీస్ సహజ ఔషధం లాంటివి. ఇవి కడుపు ఉబ్బరం, ఆమ్లత్వం, అజీర్ణం వంటి సమస్యలకు ఉపశమనం కలిగిస్తాయి.
మెదడు ఆరోగ్యానికి బూస్టర్‌
బ్లూబెర్రీస్‌లోని యాంటీఆక్సిడెంట్లు మెదడు పనితీరును మెరుగుపరుస్తాయి. ఒత్తిడిని తగ్గించి, జ్ఞాపకశక్తిని పదిలపరుస్తాయి. వాటిలోని ఫైటోన్యూట్రియెంట్లు నాడీవ్యవస్థకు శక్తినిస్తాయి.
Also read
