Ghee Uses | మన పూర్వీకుల ఆహారపు అలవాట్లలో ఓ ముఖ్యమైన భాగంగా నిలిచిన నెయ్యి , ఇప్పుడు మళ్లీ ఆరోగ్య నిపుణుల దృష్టిని ఆకర్షిస్తోంది. విటమిన్లు, యాంటీఆక్సిడెంట్లు, ఆరోగ్యకరమైన కొవ్వులు నెయ్యిలో అధికంగా ఉండటం వల్ల ఇది ఆరోగ్యానికి హితంగా మారుతోంది.

ఇన్ని లాభాలా?

నెయ్యిలో ఉండే ముఖ్యమైన పోషకాలు ఏంటంటే.. విటమిన్ A, D, E, K, బ్యూటరిక్ యాసిడ్, ఒమేగా-3 ఫ్యాటి యాసిడ్స్,యాంటీఆక్సిడెంట్లు, కాల్షియం. నెయ్యి వ‌ల‌న‌ రోగనిరోధక శక్తి పెరుగుతుంది.నెయ్యిలో యాంటీ ఆక్సిడెంట్లు, విటమిన్ A, K వంటి పోషకాలు ఉండటం వల్ల శరీరాన్ని రోగాల నుంచి రక్షించే సామర్థ్యం పెరుగుతుంది. ముఖ్యంగా చలికాలంలో దగ్గు, జలుబు వంటి సీజనల్ వ్యాధులను తగ్గించడంలో ఇది సహాయపడుతుంది.

నెయ్యిలో విటమిన్ D పుష్కలంగా ఉంటుంది. ఇది కాల్షియం శోషణకు సహాయపడుతుంది. ఫలితంగా ఎముకలు, దంతాలు బలంగా మారతాయి.నెయ్యిలో ఉండే ఆరోగ్యకరమైన కొవ్వులు గుండెకు మేలు చేస్తాయి. సమతులితంగా తీసుకుంటే ఇది కోలెస్ట్రాల్ స్థాయిని నియంత్రించడంలో కూడా సహాయపడుతుంది. నెయ్యిలో ఉండే విటమిన్ A కంటి ఆరోగ్యానికి ఎంతో ముఖ్యం. కంటి వెలుగు పెరగడానికి ఇది సహకరిస్తుంది. నెయ్యిలో యాంటీ ఇన్ఫ్లమేటరీ, యాంటీ బ్యాక్టీరియల్ లక్షణాలు ఉండటంతో చర్మాన్ని చల్లగా ఉంచుతుంది. స్త్రీలు రుతుస్రావ సమయంలో అనుభవించే సమస్యలను తగ్గించడంలోనూ నెయ్యి ఉపయోగకరమని నిపుణులు చెబుతున్నారు.