Moong dal sprouts vs chana sprouts | ఈ కాలంలో చాలా మంది మొలకలు (Sprouts) ను తమ ఆహారంలో భాగంగా చేసుకున్నారు. ఇవి తక్కువ కేలరీలతోపాటు అధిక ప్రోటీన్, ఫైబర్, ఖనిజాలతో నిండి ఉండటంతో బరువు తగ్గడం, రోగనిరోధక శక్తి పెంపు, రక్తపోటు నియంత్రణ వంటి అనేక ప్రయోజనాలు అందిస్తాయి. కానీ, మొలకెత్తిన పెసలు (Green gram sprouts) మంచివా? లేక మొలకెత్తిన నల్లశనగలు (Black chickpea sprouts) మంచివా? అని చాలా మందికి సందేహం ఉంటుంది.

నిపుణులు చెబుతున్న పోషక వివరాలు, ప్రయోజనాలు ఇవే

మొలకెత్తిన నల్లశనగలలో పోషకాలు

100 గ్రాముల మొలకెత్తిన నల్లశనగలలో

ప్రోటీన్: 20.5 గ్రాములు

ఫైబర్: 12.2 గ్రాములు

కాల్షియం: 57 mg

ఇనుము (Iron): 4.31 mg

పొటాషియం: 718 mg

నల్లశనగల మొలకలను రోజూ తినడం రక్తంలో చక్కెర స్థాయిలను నియంత్రించడంలో, జీర్ణక్రియను మెరుగుపరచడంలో, గుండె ఆరోగ్యాన్ని కాపాడడంలో సహాయపడుతుంది.

వీటిలోని ఇనుము, ప్రోటీన్ శరీరానికి శక్తినిస్తాయి. మహిళల్లో హీమోగ్లోబిన్ స్థాయిలను పెంచడంలో ఇవి ఉపయోగపడతాయి.

మొలకెత్తిన పెసలలో పోషకాలు

100 గ్రాముల మొలకెత్తిన పెసలలో

ప్రోటీన్: 23.9 గ్రాములు

ఫైబర్: 16.3 గ్రాములు

కాల్షియం: 132 mg

ఇనుము: 6.74 mg

పొటాషియం: 1250 mg

విటమిన్ C: 4.8 mg

– పెసర మొలకలు బరువు తగ్గడంలో అద్భుత ఫలితాలు ఇస్తాయి.
– ఉదయం ఖాళీ కడుపుతో తింటే మెటాబాలిజం వేగం పెరిగి, కొవ్వు కరిగిపోవడంలో సహాయపడతాయి.
– ఇందులోని విటమిన్ C, యాంటీఆక్సిడెంట్లు కంటి చూపును మెరుగుపరచి, రోగనిరోధక శక్తిని పెంచుతాయి.

ఏవి ఉత్తమం?

నిపుణుల అభిప్రాయం ప్రకారం .. పెసర మొలకలులో ప్రోటీన్, కాల్షియం, పొటాషియం, విటమిన్ C ఎక్కువగా ఉండటంతో మొత్తం పోషక విలువల పరంగా శనగల కంటే మెరుగైనవి.