Sesame Seeds | శీతాకాలంలో నువ్వులు తినడం వల్ల కలిగే ఆశ్చర్యకరమైన ఆరోగ్య ప్రయోజనాలు ఏంటో తెలుసా?
Authored By Sam C
| The Telugu News |
Published on: October 17, 2025, 9:00 am
Sesame Seeds | నువ్వులు మన ఇళ్లలో సాధారణంగా కనిపించే పదార్థం. వంటకాలలోనూ, పూజలలోనూ, నూనెల రూపంలోనూ విస్తృతంగా ఉపయోగిస్తారు. తెలుపు, నలుపు రంగుల్లో లభించే నువ్వులను కాల్షియం మూలంగా పరిగణిస్తారు. పాలలోకంటే రెండింతలు అధిక కాల్షియం నువ్వుల్లో ఉంటుందని పరిశోధనలు చెబుతున్నాయి. అంతేకాకుండా, నువ్వుల గింజల్లో ప్రోటీన్, ఇనుము, ఖనిజాలు పుష్కలంగా ఉంటాయి. ఏ సీజన్లోనైనా నువ్వులను తినవచ్చు. అయితే, ముఖ్యంగా శీతాకాలంలో నువ్వులు తినడం శరీరానికి ఎన్నో లాభాలు అందిస్తుంది.
#image_title
లాభాలెన్నో..
నువ్వుల్లో పీచు పదార్థం ఎక్కువగా ఉండటం వల్ల జీర్ణక్రియ మెరుగుపడుతుంది. మలబద్ధకం, జీర్ణ సమస్యల నుండి ఉపశమనం లభిస్తుంది. నువ్వులలో ఉండే లిగ్నాన్స్, ఫైటోస్టెరోల్స్ వంటి మొక్కల సమ్మేళనాలు చెడు కొలెస్ట్రాల్, ట్రైగ్లిజరైడ్లను తగ్గించడంలో సహాయపడతాయి. దీని వల్ల గుండె సంబంధిత వ్యాధుల ప్రమాదం తగ్గుతుంది.
ఇక రక్తపోటు నియంత్రణలోనూ నువ్వులు ప్రధాన పాత్ర పోషిస్తాయి. మెగ్నీషియం, యాంటీఆక్సిడెంట్లు గుండె పనితీరును బలోపేతం చేస్తాయి. కార్బోహైడ్రేట్లు తక్కువగా ఉండి, ఆరోగ్యకరమైన కొవ్వులు, ప్రోటీన్లు అధికంగా ఉండటం వల్ల నువ్వులు రక్తంలో చక్కెర స్థాయిలను సమతుల్యం చేస్తాయి. డయాబెటిస్ ఉన్నవారికి ఇవి ఎంతో ప్రయోజనకరం. నువ్వులలో ఉండే విటమిన్ E మరియు ఫ్యాటీ యాసిడ్స్ చర్మం, జుట్టుకు పోషణ అందిస్తాయి. చర్మాన్ని మెరిసేలా, జుట్టును బలంగా ఉంచుతాయి. మహిళల్లో రుతుక్రమం ఆగిపోయిన తర్వాత కలిగే సమస్యలను తగ్గించడంలోనూ నువ్వులు ఉపయోగపడతాయి. హార్మోన్ల సమతుల్యతను కాపాడుతాయి.
Also read
