police theft eggs పోలీసులు అంటే ప్ర‌జ‌ల‌ను ర‌క్షించాలి. స‌మాజంలో శాంతి భ‌ద్ర‌త‌ల‌ను ప‌రిర‌క్షించాలి. అవ‌స‌రం అయితే ప్ర‌జ‌ల‌ను ఆదుకోవాలి. సేవ చేయాలి. కానీ ప్ర‌జ‌ల‌కు చెందిన వ‌స్తువుల‌ను దొంగిలించ‌రాదు. ఈ విష‌యాన్ని మ‌రిచిన ఆ పోలీస్ హెడ్ కానిస్టేబుల్ ఓ చిరువ్యాపారి నుంచి కోడిగుడ్ల‌ను దొంగిలించాడు. ఉద్యోగం నుంచి స‌స్పెండ్ అయ్యాడు. ఈ సంఘ‌ట‌న పంజాబ్‌లో చోటు చేసుకుంది.

పంజాబ్‌లోని చండీగ‌డ్‌లో ఉన్న ఫ‌తేగ‌డ్ సాహిబ్ టౌన్‌లో హెడ్ కానిస్టేబుల్ ప్రీత్‌పాల్ సింగ్ రోడ్డు  police theft eggs ప‌క్క‌న ద్విచ‌క్ర వాహ‌నంపై ఉన్న కోడిగుడ్ల‌ను దొంగిలించాడు. ఓ చిరువ్యాపారి ఆ వాహ‌నాన్ని రోడ్డు ప‌క్క‌న ఆపి వేరే నిమిత్తం ప‌క్క‌కు వెళ్లాడు. అదే స‌మ‌యంలో అదును చూసిన ప్రీత్‌పాల్ సింగ్ ఆ వాహ‌నానికి క‌ట్టి ఉన్న ట్రే ల నుంచి కోడిగుడ్లను దొంగిలించాడు. అయితే అదే స‌మ‌యంలో ఎవ‌రో మొబైల్ ఫోన్ ద్వారా ఆ తంతును చిత్రీకరించారు.

A video went viral wherein HC Pritpal Singh from @FatehgarhsahibP is caught by a camera for stealing eggs from a cart while the rehdi-owner is away and putting them in his uniform pants.

He is suspended & Departmental Enquiry is opened against him. pic.twitter.com/QUb6o1Ti3I

— Punjab Police India (@PunjabPoliceInd) May 15, 2021

ప్రీత్‌పాల్ సింగ్ కోడిగుడ్ల‌ను దొంగిలించిన వీడియోను మొబైల్ ఫోన్ ద్వారా ఎవ‌రో చిత్రీక‌రించి దాన్ని సోష‌ల్ మీడియాలో పోస్టు చేశారు. దీంతో ఆ వీడియో వైర‌ల్ అయింది. విష‌యం పంజాబ్ పోలీసు ఉన్న‌తాధికారుల వ‌ర‌కు వెళ్లింది. దీంతో వారు వెంట‌నే స్పందించారు. ప్రీత్‌పాల్ సింగ్‌ను ఉద్యోగం నుంచి స‌స్పెండ్ చేస్తున్న‌ట్లు తెలిపారు. అలాగే అత‌నిపై శాఖాప‌ర‌మైన చ‌ర్య‌ల‌కు విచార‌ణ‌కు ఆదేశించారు. ఈ క్ర‌మంలో పంజాబ్ పోలీస్ అధికార‌క ట్విట్ట‌ర్ ఖాతాలో ఈ వివ‌రాల‌ను వెల్ల‌డించారు. అవును మ‌రి.. ప్ర‌జ‌ల‌ను కాపాడాల్సిన పోలీసే ప్ర‌జ‌ల‌ను భ‌క్షించాల‌ని చూస్తే ఇలాగే జ‌రుగుతుంది.