Raja Saab | రెబల్ స్టార్ ప్రభాస్ ఫ్యాన్స్ ఎంతో ఈగర్ వెయిట్ చేస్తున్న చిత్రాల్లో ‘రాజాసాబ్’ ఒకటి. చాలా కాలం తర్వాత ప్ర‌భాస్ హారర్ కామెడీ జానర్ చేస్తుండడంతో ఈ సినిమా పై అంచనాలు ఓ రేంజ్‌లో నెలకొన్నాయి. డైరెక్టర్ మారుతి- ప్రభాస్ కాంబోలో రాబోతున్న ఈ చిత్రం హారర్ కామెడీ నేపథ్యంలో రూపొందుతోంది. ఇప్పటికే విడుదలైన టీజర్ ప్రభాస్ వింటేజ్ వైబ్స్ తో అదరగొట్ట‌గా, ఇందులో ప్ర‌భాస్ బుజ్జిగాడు, యోగి సినిమాల్లో మాదిరిగా క‌నిపించాడు.

ఇక త‌గ్గేదే లే..

ఇక టీజర్ ప్రభాస్ కామెడీ టైమింగ్, పంచ్ డైలాగ్స్, స్టైలింగ్ అభిమానులను తెగ ఆకట్టుకున్నాయి. అయితే తాజాగా ఈ సినిమా నుంచి మరో అదిరిపోయే అప్డేట్ ఇచ్చారు మేకర్స్. డార్లింగ్ ఫ్యాన్స్ ఎప్పుడెప్పుడా అని ఎదురుచూస్తున్న ‘రాజాసాబ్’ ట్రైలర్ అప్డేట్ ఇచ్చారు. రేపు సాయంత్రం 6 గంటలకు ట్రైలర్ విడుదల కానున్నట్లు తెలిపారు. ఈ మేరకు ఎక్స్ లో కొత్త పోస్టర్ షేర్ చేశారు. ”భయం ద్వారాలు తెరుచుకుంటున్నాయి… దైర్యం ఉంటే ప్రవేశించండి” అంటూ ట్రైలర్ పై మరింత ఆసక్తిని పెంచారు.

ఏకంగా 3 నిమిషాల 30 నిడివితో ట్రైలర్ ను విడుదల చేయనున్నట్లు తెలుస్తోంది. అయితే రాజా సాబ్ గ్లిమ్ప్స్ వీడియోనే 2 నిమిషాలపై నిడివితో రిలీజ్ చేశారు మేకర్స్. దీంతో దీనికి ముఞ్చి ట్రైలర్ ఉండబోతుందని నెట్టింట టాక్ నడుస్తోంది. ఇది నిజమైతే డార్లింగ్ ఫ్యాన్స్ కి పండగనే చెప్పొచ్చు!