Telangana Local Body Elections : సెప్టెంబర్లో తెలంగాణ స్థానిక సంస్థల ఎన్నికలు
Authored By Sudheer Ramanujam
| The Telugu News | Updated on :
30 August 2025,
7:12 pm 
Telangana Local Body Elections : తెలంగాణ రాష్ట్రంలో స్థానిక సంస్థల ఎన్నికలు ఎప్పుడు జరగబోతున్నాయనే అనుమానాలు తొలగిపోయాయి. రాష్ట్ర మంత్రివర్గం సెప్టెంబర్లో స్థానిక సంస్థల ఎన్నికలు నిర్వహించాలని ఆమోదం తెలిపింది. ఈ నిర్ణయంతో రాష్ట్ర ప్రభుత్వం ఎన్నికల కమిషన్కు లేఖ రాసి, ఎప్పటికప్పుడు ఎన్నికలు నిర్వహించడానికి సమయం ఖరారు చేసింది. ముఖ్యమంత్రి రేవంత్ రెడ్డి నేతృత్వంలో, తెలంగాణ కేబినెట్ సమావేశం పలు కీలక నిర్ణయాలను తీసుకుంది. ఈ సమావేశంలో, స్థానిక సంస్థల రిజర్వేషన్ల పరిమితిని ఎత్తివేయాలని కూడా నిర్ణయం తీసుకున్నట్లు మంత్రివర్గం వెల్లడించింది.
Telangana local body elections in September
మంత్రివర్గ సమావేశంలో ఇతర అంశాలపై కూడా చర్చలు జరిగాయి. బీసీ రిజర్వేషన్లపై కీలక చర్చలు జరగ్గా, సెప్టెంబర్ 4న ఉన్నతాధికారుల సమావేశంలో వర్షాల వల్ల జరిగిన నష్టాల అంచనాలు సేకరించనున్నారు. అలాగే, వర్షాలు మరియు వరదల కారణంగా నష్టపోయిన రైతులను ఆదుకోవడంపై కూడా చర్చలు జరిగాయి. పంట, రోడ్ల నష్టం, ఆస్తి నష్టం వంటి అంశాలు కేంద్ర ఆర్థిక శాఖకు సమర్పించేందుకు ఒక తీర్మానం చేసారు. ముఖ్యంగా కామారెడ్డి, మెదక్ జిల్లాలలో భారీ వర్షాలతో నష్టం తీవ్రంగా పెరిగింది.
ఇతర నిర్ణయాలలో, రిజర్వేషన్ బిల్లులను అసెంబ్లీలో ఆమోదించాలని, 2022-23 రబీ ధాన్యం సేకరణకు టెండర్లు పిలిచే అంశం కూడా ఉంది. మిల్లర్లపై పీడీ యాక్ట్ అమలు చేయాలని ప్రభుత్వం నిర్ణయించింది. అలాగే మత్స్య సహకార సంఘాలకు పర్సనల్ ఇంచార్జీల నియామకం, నేషనల్ హైడ్రాలజీ ప్రాజెక్ట్కు కేబినెట్ ఆమోదం ఇచ్చింది. రాష్ట్ర ప్రభుత్వం తీసుకున్న ఈ నిర్ణయాలు, తెలంగాణ ప్రజల కోసం కీలకమైన మార్పులు తీసుకురావడంలో దోహదపడనున్నాయి.
Also read
