Hair | గురువారం జుట్టు, గోర్లు కత్తిరించకూడదా? ..ఈ నిబంధనల వెనుక ఆధ్యాత్మిక, శాస్త్రీయ కారణాలు
Authored By Sam C
| The Telugu News |
Published on: October 11, 2025, 6:00 am
Hair | హిందూ మతంలో వారంలోని ప్రతి రోజూ ఒక నిర్దిష్ట దేవతకు అంకితమై ఉంటుంది. ఆ దినాన్ని ఆధారంగా చేసుకుని కొన్ని నిబంధనలు, నమ్మకాలు శతాబ్దాలుగా పాటించబడుతున్నాయి. అలాంటి విశిష్ట నిబంధనల్లో ఒకటి గురువారం రోజున జుట్టు కత్తిరించకూడదు, గోర్లు కత్తిరించకూడదు, గడ్డం షేవ్ చేయకూడదు అనే నిబంధన. ఇప్పటికీ దేశంలోని అనేక ప్రాంతాల్లో పెద్దలు ఈ సంప్రదాయాన్ని కఠినంగా పాటిస్తూ, కుటుంబ సభ్యులందరినీ పాటించమంటూ సూచనలు ఇస్తుంటారు.
#image_title
ఆధ్యాత్మిక కారణం
హిందూ సంప్రదాయంలో గురువారం రోజు శ్రీ మహావిష్ణువుకు అంకితమైంది. అలాగే దేవతల గురువు అయిన బృహస్పతికి కూడా ఈ రోజు అంకితం. నమ్మకాలకు అనుగుణంగా, ఈ పవిత్రమైన రోజున శరీరంపై జుట్టు లేదా గోళ్లను తొలగించడం దేవుని అనుగ్రహాన్ని కోల్పోవడమే కాక, అతని అసంతృప్తికి కారణమవుతుందంటారు. ఈ కారణంగా గురువారం అశుద్ధి లేదా శరీర వ్యర్థాలను తొలగించే పనులు చేయరాదు.
శరీరంలో జుట్టు, గోర్లు వృధా పదార్థాలుగా పరిగణించబడ్డా, అవి శారీరక రక్షణకు కీలకమైనవే. అయితే పవిత్రమైన గురువారం రోజు వీటిని తొలగిస్తే శారీరక స్వచ్ఛతకు భంగం కలిగుతుందని విశ్వాసం. దీనివల్ల జీవితం లో ప్రతికూల శక్తులు ప్రభావితం చేయొచ్చని, కుటుంబ సమస్యలు, ఆర్థిక ఇబ్బందులు తలెత్తే అవకాశం ఉందని నమ్మకం.
Also read
