Ind VS Pak : ఇండియా వర్సెస్ పాకిస్తాన్ మ్యాచ్పై భారీ స్థాయిలో బెట్టింగ్.. ఎంతో తెలిస్తే షాక్ అవుతారు
Ind VS Pak : ప్రస్తుతం అందరూ ఐసీసీ వరల్డ్ కప్ మీదనే దృష్టి సారించారు. ఈ వరల్డ్ కప్ కు భారత్ ఆతిథ్యం ఇస్తుండటంతో టైటిల్ ఫేవరేట్ గా భారత్ బరిలోకి దిగుతోంది. అయితే.. ఇప్పటి వరకు వరల్డ్ కప్ లో జరిగిన ప్రతి మ్యాచ్ లో గెలుస్తూ భారత్ సత్తా చాటుతోంది. ఆస్ట్రేలియాతో జరిగిన తొలి మ్యాచ్ లో గెలిచి సత్తా చాటింది. ఆ తర్వత ఆఫ్ఘనిస్థాన్ తో జరిగిన రెండో మ్యాచ్ లోనూ గెలిచి తిరుగులేదనిపించింది. ఇక.. మూడో మ్యాచ్ పాకిస్థాన్ తో అక్టోబర్ 14న జరగనుంది. ఇప్పటికే రెండు మ్యాచ్ లలో గెలవడంతో.. భారత్ కు నాలుగు పాయింట్లు వచ్చాయి. ఈ నెల 14న పాకిస్థాన్ తో అహ్మదాబాద్ లో భారత్ వర్సెస్ పాకిస్థాన్ మ్యాచ్ జరగనుంది. ఈ మ్యాచ్ అటు భారత్ కు, ఇటు పాక్ కు కూడా కీలకమే.
నిజానికి భారత్, పాక్ మధ్య మ్యాచ్ అంటేనే అది మామూలుగా ఉండదు. ప్రపంచం మొత్తం ఈ మ్యాచ్ ను తిలకిస్తుంది. దానికి కారణం.. పాకిస్థాన్ భారత్ కు చిరకాల ప్రత్యర్థి కావడం. 1992 నుంచి ఇప్పటి వరకు వరల్డ్ కప్ లో పాకిస్థాన్ భారత్ పై గెలవలేదు. అందుకే ఈసారి గెలిచి తమ సత్తా చాటాలని పాకిస్థాన్ కూడా జోరుగా ప్లాన్ వేస్తోంది. ఇదంతా పక్కన పెడితే ఈ మ్యాచ్ కి బెట్టింగ్ కోట్లలో జరుగుతోందట. ఇప్పటికే పాకిస్థాన్ కూడా రెండు మ్యాచ్ లలో గెలిచి నాలుగు పాయింట్స్ సాధించింది. ఇండియా కూడా నాలుగు పాయింట్స్ సాధించింది. కానీ.. భారత్ కు ఎక్కువ రన్ రేట్ ఉంది. దీంతో భారత్ ప్రస్తుతం వరల్డ్ కప్ లో రెండో ప్లేస్ లో ఉండగా.. పాక్ మూడో ప్లేస్ లో ఉంది. ఇక.. భారత్, పాక్ మ్యాచ్ లో ఎవరు గెలిస్తే వాళ్లు టాప్ లోకి వెళ్తారు.
#image_title
Ind VS Pak : పండుగ చేసుకుంటున్న బెట్టింగ్ రాజులు
ఇదంతా పక్కన పెడితే.. భారత్, పాక్ మ్యాచ్ కోసం బెట్టింగ్ రాజులు పండుగ చేసుకుంటున్నారు. వేల కోట్ల బెట్టింగ్ జరుగుతోందట. ఏ జట్టు గెలుస్తుందోనని ముందే ఊహించి బెట్టింగ్స్ కాస్తున్నారు. చిన్నాపెద్దా అనే తేడా లేకుండా.. కోట్లలో ఈ మ్యాచ్ పై బెట్టింగ్ జరుగుతోంది. ఇప్పటికే ఆసియా కప్ లో పాకిస్థాన్ ను భారత్ ఓడించింది. వరల్డ్ కప్ లోనూ ఓడించి తమ సత్తాను భారత్ చాటుతుందా? లేదా? అనేది తెలియాలంటే ఇంకో రోజు వెయిట్ చేయాల్సిందే.
Also read
