Maruti suzuki : మార్కెట్లోకి కొత్త కారు ..ధర తక్కువ , మైలేజ్ ఎక్కువ .. పూర్తి వివరాలు ఇవే ..!
Authored By aruna
| The Telugu News |
Published on: June 11, 2023, 7:00 pm
Maruti suzuki : ప్రస్తుత కాలంలో చాలామంది కారులను ఎక్కువగా వినియోగిస్తున్నారు. ఈ క్రమంలోనే కార్ల తయారీ కంపెనీలు కూడా మార్కెట్లోకి కొత్త కొత్త మోడల్స్ ను తీసుకు వస్తున్నాయి. దేశంలోనే దిగ్గజ కార్ల తయారీ కంపెనీగా కొనసాగుతున్న మారుతి సుజుకి ఇండియా మరో కొత్త మోడల్ ను మార్కెట్లోకి తీసుకొచ్చింది. ఈ కొత్త కార్ లో అదిరిపోయే ఫీచర్లు ఉన్నాయి. ఎక్కువ మైలేజ్ కూడా ఇస్తుంది. తాజాగా మారుతి సుజుకి ఆల్టో టూర్ హెచ్ 1 పేరుతో కొత్త మోడల్ తీసుకువచ్చింది. ఇది కమర్షియల్ విభాగానికి చెందిన మోడల్.
బీఎస్ 6 ప్రమాణాలకు అనుగుణంగా దీనిని తయారు చేశారు. ఇందులో ఏబీఎస్, రివర్స్ పార్కింగ్ సెన్సార్లు, డ్రైవర్ అండ్ కో డ్రైవర్ సైడ్ ఎయిర్ బ్యాగ్స్ వంటి సేఫ్టీ ఫీచర్లు కూడా ఉన్నాయి. మారుతీ సుజుకీ అల్టో టూర్ హెచ్ 1 మోడల్ ధర రూ. 4.8 లక్షల నుంచి ప్రారంభం అవుతోంది. ఇది ఎక్స్షోరూమ్ ధర. 1 లీటర్ 5 ఎంటీ పెట్రోల్ మోడల్కు ఈ రేటు వర్తిస్తుంది. అలాగే సీఎన్జీ వేరియంట్ దీని ధర రూ. 5.7 లక్షలుగా ఉంది. ఇది కూడా ఎక్స్షోరూమ్ ధరమ్. ఈ కొత్త మోడల్ మూడు కలర్ ఆప్షన్ల లో కస్టమర్లకు అందుబాటులో ఉంది. మెటాలిక్ సిల్కీ సిల్వర్ గ్రానైట్ గ్రే తెలుపు రంగుల ఈ కారు అందుబాటులో ఉంది.
Maruti suzuki India new car in low price
ఇందులో కంపెనీ కే సిరీస్ 1.0 ఎల్ డ్యూయెల్ జెట్, డ్యూయెల్ వీవీటీ ఇంజిన్ అమర్చారు. అదిరే పనితీరు, అధిక మైలేజ్ ఈ మోడల్ సొంతం అని చెప్పుకోవచు. పెట్రోల్ వేరియంట్ టూర్ హెచ్1 మోడల్ లీటరుకు 24.6 కిలోమీటర్ల మైలేజ్ ఇస్తుందని కంపెనీ తెలిపింది. అదే సీఎన్జీ వేరియంట్ అయితే కేజీ కి 34.46 కిలోమీటర్ల మైలేజ్ వస్తుందని కంపెనీ తెలిపింది. ఈ కారులో స్పీడ్ లిమిట్ సిస్టం, ఇంజన్ ఇమిబిలైజర్ వంటి ఫీచర్లు ఉన్నాయి. అన్నిటికి మించి తక్కువ ధరలో అధిక మైలేజ్ తో ఈ కారు లభిస్తుంది.
Also read
