Sangareddy : ఆస్తిని తన పేరు మీద బదిలీ చేయలేదని తల్లిని కొడుకు పలుసార్లు కత్తితో దారుణంగా పొడిచాడు. మహిళను వెంటనే ఒక ప్రైవేట్ ఆసుపత్రికి తరలించగా, అప్ప‌టికే ఆమె మరణించినట్లు వైద్యులు ప్రకటించారు. ఈ ఘ‌ట‌న సంగారెడ్డి జిల్లా తెల్లాపూర్ ప్రాంతంలో మంగళవారం తెల్లవారుజామున జ‌రిగింది.

కొల్లూరు సర్కిల్ ఇన్‌స్పెక్టర్ రవీందర్ తెలిపిన ప్రకారం, మృతురాలు ఎన్ రాధిక (52) తెల్లాపూర్‌లోని ఒక విల్లాలో తన భర్త, పెద్ద కొడుకు, కోడలు, చిన్న కొడుకు కార్తీక్ రెడ్డితో కలిసి నివసిస్తున్నారు. తాగుబోతు అయిన కార్తీక్, ఆ ప్రాంతంలో త‌మ‌కు చెందిన‌ రెండు ఎకరాల భూమిని తన పేరు మీద బదిలీ చేయాలని తల్లిదండ్రులు డిమాండ్ చేస్తున్నాడు. ఆ ప్ర‌తిపాద‌న‌ను వారు తిరస్కరించారు.

Sangareddy నిద్రిస్తున్న త‌ల్లిని క‌త్తితో 10 సార్లు పొడిచి

దీంతో నిందితుడు ప్రతిరోజూ తన తల్లిదండ్రులతో గొడవలు పెట్టుకునేవాడు. తాగి ఇంటికి వచ్చిన కార్తీక్, మంగళవారం గ్రౌండ్ ఫ్లోర్‌లో తన భర్తతో కలిసి నిద్రిస్తున్న రాధికను దాదాపు 10 సార్లు కత్తితో పొడిచాడు. రాధిక అరుపులు విన్న తర్వాత మేల్కొన్న ఇతర కుటుంబ సభ్యులు, ఆమెకు తీవ్ర రక్తస్రావం అవుతుండటం గమనించి వెంట‌నే ఆసుపత్రికి తరలించారు. అక్కడ ఆమె చనిపోయినట్లు ప్రకటించారు. పటాన్‌చెరులోని ప్రభుత్వ ఆసుపత్రిలో పోస్టుమార్టం తర్వాత మృతదేహాన్ని కుటుంబ సభ్యులకు అప్పగించారు. కేసు నమోదు చేశారు.