TG Municipal Elections : మున్సిపల్ ఎన్నికల్లో గల్వాన్ అమరుడు కల్నల్ సంతోష్ ఫ్యామిలీ కి షాక్ ఇచ్చిన ఓటర్లు
TG Municipal Elections : తెలంగాణ మున్సిపల్ ఎన్నికల ఫలితాలు సూర్యాపేటలో అధికార కాంగ్రెస్ పార్టీకి అనుకూలంగా రావడమే కాకుండా, ఒక భావోద్వేగపూరితమైన ఓటమిని కూడా నమోదు చేశాయి. గల్వాన్ లోయ ఘర్షణలో వీరమరణం పొందిన దేశ గర్వకారణం, కల్నల్ సంతోష్ బాబు తల్లి బికుమళ్ల మంజుల ఉపేందర్ ఈ ఎన్నికల్లో సూర్యాపేట మున్సిపాలిటీ 44వ వార్డు నుంచి బీఆర్ఎస్ అభ్యర్థిగా పోటీ చేశారు. అయితే, ఫలితాల్లో ఆమెకు చేదు అనుభవం ఎదురైంది. తన కుమారుడి త్యాగం మరియు బీఆర్ఎస్ హయాంలో జరిగిన అభివృద్ధిని నమ్మి బరిలోకి దిగిన ఆమెను ఓటర్లు కాదని, కాంగ్రెస్ అభ్యర్థి వైపు మొగ్గు చూపారు. ఈ ఓటమి కేవలం ఒక అభ్యర్థి ఓటమి మాత్రమే కాకుండా, రాజకీయాల్లో సెంటిమెంట్ కంటే స్థానిక పరిస్థితులు, పార్టీల బలాబలాలే కీలకంగా మారుతాయని మరోసారి నిరూపించింది.
TG Municipal Elections : మున్సిపల్ ఎన్నికల్లో గల్వాన్ అమరుడు కల్నల్ సంతోష్ ఫ్యామిలీ కి షాక్ ఇచ్చిన ఓటర్లు
44వ వార్డులో జరిగిన పోరులో కాంగ్రెస్ అభ్యర్థి గునగంటి హేమ 743 ఓట్లతో ఘనవిజయం సాధించగా, మంజుల ఉపేందర్కు కేవలం 398 ఓట్లు మాత్రమే పోలయ్యాయి. బీజేపీ అభ్యర్థి పెద్ది రమాదేవికి 126 ఓట్లు రాగా, స్వతంత్ర అభ్యర్థి ఉమారాణికి సైతం 164 ఓట్లు లభించడం గమనార్హం. సూర్యాపేట మున్సిపాలిటీలోని మొత్తం 48 వార్డుల్లో కాంగ్రెస్ ఏకంగా 31 స్థానాలను కైవసం చేసుకుని ఏకపక్ష విజయాన్ని నమోదు చేసింది. బీఆర్ఎస్ కేవలం 13 స్థానాలకే పరిమితం కాగా, అప్పటి మంత్రి జగదీష్ రెడ్డి కంచుకోటగా భావించే ఈ ప్రాంతంలో కాంగ్రెస్ హవా స్పష్టంగా కనిపించింది. దేశం కోసం ప్రాణాలర్పించిన వీరుడి కుటుంబంపై గౌరవం ఉన్నప్పటికీ, ఓటు వేసే సమయానికి ఓటర్లు మాత్రం రాజకీయ పార్టీల వైపే మొగ్గు చూపడం విశేషం.
Also read
