Karthika Deepam 2 Today 27 Feb 2026 : దీప కన్నకూతురని సుమిత్రకు చెప్పిన దశరథ.. జ్యోత్స్నకు షాక్, ఇకపై ఇంట్లో పనిమనిషిగా జ్యో!
Karthika Deepam 2 Today 27 Feb 2026 : స్టార్ మాలో ప్రసారం అవుతున్న ‘కార్తీక దీపం 2’ సీరియల్ బుల్లితెర ప్రేక్షకులను ఎంతగానో ఆకట్టుకుంటోంది. రోజురోజుకూ ఊహించని మలుపులతో, ఉత్కంఠభరితమైన సన్నివేశాలతో ఈ సీరియల్ రేటింగ్స్ లో దూసుకుపోతోంది. ముఖ్యంగా దీప తన కన్నకూతురు అని దశరథకు తెలియడంతో కథ సరికొత్త మలుపు తిరిగింది. ఈరోజు (ఫిబ్రవరి 27) ఎపిసోడ్ లో భలే రసవత్తరమైన, ఎమోషనల్ సన్నివేశాలు చోటు చేసుకున్నాయి. దీపను అగౌరవపరచాలని చూసిన పారిజాతం, జ్యోత్స్నలకు దశరథ దిమ్మతిరిగే షాక్ ఇచ్చాడు. నేటి ఎపిసోడ్ లో ఏం జరిగిందో వివరంగా తెలుసుకుందాం.
Karthika Deepam 2 Today 27 Feb 2026 : దీప కన్నకూతురని సుమిత్రకు చెప్పిన దశరథ.. జ్యోత్స్నకు షాక్, ఇకపై ఇంట్లో పనిమనిషిగా జ్యో!
Karthika Deepam 2 Today 27 Feb 2026 సుమిత్రకు నిజం చెప్పే ప్రయత్నంలో దశరథ.. అడ్డుకున్న కార్తీక్
ఎపిసోడ్ ప్రారంభంలో.. దాసు మామయ్య కనిపించకుండా పోవడం వెనుక కిడ్నాప్ ఏమైనా జరిగిందేమో అని జ్యోత్స్న, పారిజాతం భయపడుతూ ఉంటారు. శివనారాయణ ముందు పారిజాతాన్ని ఇరికించాలని కార్తీక్ ప్రయత్నిస్తాడు. కానీ, సుమిత్ర ఆపరేషన్ టెన్షన్ తో అలా మాట్లాడుతున్నానని పారు కవర్ చేసుకుంటుంది. ఇదిలా ఉండగా.. సుమిత్ర నిద్రిస్తున్న గదిలోకి దీపను తీసుకువెళ్తాడు దశరథ.
“ఏ ఇంట్లో అయినా కన్నబిడ్డను తొలుత తండ్రికి పరిచయం చేసేది భార్యే. కానీ దేవుడు నా కథను కొత్తగా రాశాడు. నేనే నా భార్యకు కన్నకూతురు ఎవరో చెప్పాల్సిన పరిస్థితి వచ్చింది” అని ఎమోషనల్ అవుతాడు. నిద్రపోతున్న సుమిత్ర దగ్గరకు వెళ్లి, ‘దీపే మన కన్న కూతురు’ అని చెబుతాడు. తన పుట్టుక గురించి ఎవరికీ చెప్పొద్దని దీప తన దగ్గర మాట తీసుకుందని, లేదంటే ఈపాటికే అందరికీ తెలిసేదని దశరథ కన్నీళ్లు పెట్టుకుంటాడు. నిన్నటి వరకు భార్య బతుకుతుందో లేదో అన్న భయం ఉండేదని, ఇప్పుడు కన్నకూతురు తోడుగా ఉండటంతో ఆ భయం పోయిందని అంటాడు. అయితే, కార్తీక్ మాత్రం దశరథను బయటకు తీసుకురావాలని చూస్తాడు. అత్తకు ముందు ఆపరేషన్ జరిగి, పూర్తిగా కోలుకున్నాకే ఈ నిజం చెప్పాలని కార్తీక్ నచ్చజెబుతాడు. ఆనందాన్ని తట్టుకోలేక ఒక తల్లి చనిపోయిన కథను ఉదాహరణగా చెప్పి దశరథను ఆపుతాడు.
Karthika Deepam 2 Today 27 Feb 2026 దీపను పడగొట్టాలని చూసిన జ్యోత్స్న.. పారు ఓవరాక్షన్
కార్తీక్, దీపలు గదిలోంచి బయటకు వచ్చిన తర్వాత జ్యోత్స్న, పారిజాతం తమ కుట్రలకు తెరతీస్తారు. దీపను ఎలాగైనా ఏడిపించాలని ప్లాన్ చేస్తారు. పారిజాతం కావాలనే దీపను కాఫీ తీసుకురమ్మని ఆర్డర్ వేస్తుంది. దీప కాఫీ తీసుకుని వస్తుండగా, జ్యోత్స్న కావాలనే తన కాలు అడ్డుపెడుతుంది. దీంతో దీప కాలు జారి, ఆమె చేతిలోని కాఫీ అంతా వెళ్లి పారిజాతం మీద పడుతుంది. దీనినే సాకుగా తీసుకున్న పారిజాతం కోపంతో ఊగిపోతుంది. కళ్లు నెత్తికెక్కి పోయాయా అంటూ దీపను కొట్టడానికి చేయి ఎత్తుతుంది. జ్యోత్స్న కూడా దీపను నానా మాటలు అంటుంది.
దశరథ ఉగ్రరూపం.. పారిజాతం, జ్యోత్స్నలకు వార్నింగ్
పారిజాతం దీపను కొట్టబోయే సమయానికి కరెక్ట్ గా ఎంట్రీ ఇస్తాడు దశరథ. ‘దీప మీద చేయి ఎందుకు ఎత్తుతున్నావ్ పిన్ని’ అని గట్టిగా అరుస్తాడు. ఆ ఆవేశం చూసి ఇంట్లోని వారంతా షాక్ అవుతారు. ఆ తర్వాత జ్యోత్స్న వైపు తిరిగి.. ‘దీపకు నువ్వు కాలు ఎందుకు అడ్డుపెట్టావ్?’ అని నిలదీస్తాడు. దానికి జ్యోత్స్న వణికిపోతూ.. మొబైల్ చూస్తూ పొరపాటున కాలు ముందుకు పెట్టానని అబద్ధం చెబుతుంది. తప్పంతా మీదే ఉంచుకుని దీపను అంటారేంటి అని దశరథ మండిపడతాడు.
“దీప కింద పడిపోయి ఉంటే ఏం జరిగేదో తెలుసా? పనిమనిషిని కాఫీ అడగడం తప్పు కాదు కదా అని అంటున్నావ్. అసలు దీప పనిమనిషి కాదు.. నా మేనల్లుడి భార్య, నా చెల్లెలి కోడలు. నీకు పనిమనిషి కావొచ్చేమో కానీ, నాకు మాత్రం ఆప్తురాలు, నా భార్య ప్రాణదాత” అని దశరథ తేల్చి చెబుతాడు. కడుపుతో ఉన్న మనిషితో పని చేయించడం ఏంటి అని ఫైర్ అవుతాడు.
ఇకపై జ్యోత్స్నదే వంటగది బాధ్యత..
దశరథ అక్కడితో ఆగడు. జ్యోత్స్నకు గట్టి షాక్ ఇస్తాడు. “ఈ రోజు నుంచి దీప ఇంట్లో ఎలాంటి పనులు చేయదు. నీకు కానీ, పిన్నికి కానీ కాఫీలు, టిఫిన్లు ఇవ్వదు. మీకు ఏమైనా కావాలంటే జ్యోత్స్నను అడగాలి. ఇక మీదట వంట పనులన్నీ జ్యోత్స్న చేయాల్సిందే” అని ఆర్డర్ వేస్తాడు. ఈ మాటలకు జ్యోత్స్న తలపట్టుకుంటుంది. నా వల్ల కాదు డాడీ అని అన్నా కూడా దశరథ వినడు.
ఇంతలో పెద్దాయన శివనారాయణ కల్పించుకుని, జ్యోత్స్న మీద ఎందుకు అంత కోపం చూపిస్తున్నావు అని అడుగుతాడు. దానికి దశరథ చాలా తెలివిగా సమాధానం ఇస్తాడు. “పెళ్లి చేసుకుని వెళ్లిపోయే మనిషే కదా. ఇక్కడ పనులు నేర్చుకోకపోతే రేపు అత్తగారింట్లో భర్తకు కాఫీ కూడా పెట్టదా? పని చేయకపోతే మన పెంపకం గురించి తప్పుగా అనుకుంటారు. రెండు నెలల తర్వాతైనా వెళ్లిపోవాలి కదా.. వంట వార్పు నేర్చుకోవాల్సిందే” అని ఖరాకండిగా చెప్పేస్తాడు. దీంతో జ్యోత్స్న, పారిజాతంలకు నోట మాట రాదు.
పెద్దాయన టెన్షన్.. కార్తీక్ సెటైర్లు
ఆ తర్వాత శివనారాయణ, దీప దగ్గరకు వచ్చి, కడుపులోని బిడ్డ కోసం పనులు తగ్గించుకోమని సలహా ఇస్తాడు. దీప కడుపులో పెరుగుతున్నది వాళ్ల అమ్మే అని దశరథ, కాంచన నమ్ముతున్నారని, అందుకే దీప పడిపోతుంటే దశరథ అంతలా రియాక్ట్ అయ్యాడని పెద్దాయన అంటాడు. మరోవైపు దాస్ గుడిలో కలిశాడని చెప్పినా, కిడ్నాప్ అని ఎందుకు అంటున్నారో అర్థం కాక పెద్దాయన వెళ్లిపోతాడు. అప్పుడు కార్తీక్.. భలే తప్పించుకున్నావ్ అంటూ పారు మీద సెటైర్లు వేస్తాడు.
దశరథలో వచ్చిన ఈ ఆకస్మిక మార్పు చూసి పారు, జ్యోత్స్న గుండెల్లో రైళ్లు పరిగెడుతుంటాయి. దాస్ మామయ్య డాడీకి ఏమైనా చెప్పేశాడా? మన గుట్టు రట్టయిపోయిందా? అని జ్యోత్స్న మనసులో భయపడుతూ ఉంటుంది. మరోవైపు, దశరథ బాధను కార్తీక్ అర్థం చేసుకుని అతన్ని సముదాయిస్తాడు. సుమిత్రకు నిజం చెప్పకుండా పాపం చేస్తున్నానేమో అని దశరథ బాధపడటంతో ఈనాటి ఎపిసోడ్ ముగుస్తుంది.
రేపటి ఎపిసోడ్ లో వంటగదిలో జ్యోత్స్న పడే పాట్లు, దీపకు దశరథ ఇస్తున్న మర్యాద చూసి పారిజాతం రగిలిపోవడం వంటి ఆసక్తికరమైన సన్నివేశాలు ఉండనున్నాయి. అంతేకాకుండా దాస్ ఎక్కడున్నాడు అనే దానిపై కార్తీక్ కూపీ లాగే అవకాశం ఉంది.
Also read
