Andhra Pradesh : ప్రేమ పేరుతో వేధింపులు.. యువకుడికి అరగుండు కొట్టించి ఊరేగించిన గ్రామస్తులు
Authored By Ramu Tandu Ramalingaiah
| The Telugu News |
Published on: May 20, 2026, 7:25 pm
Andhra Pradesh : ఆంధ్రప్రదేశ్లోని అనంతపురం జిల్లాలో చోటుచేసుకున్న ఓ ఘటన ప్రస్తుతం రాష్ట్రవ్యాప్తంగా చర్చనీయాంశంగా మారింది. వివాహితను ప్రేమ పేరుతో వేధిస్తున్నాడనే ఆరోపణలతో ఓ యువకుడిని గ్రామస్తులు తీవ్రంగా అవమానపరిచిన సంఘటన ఆలస్యంగా వెలుగులోకి వచ్చింది. ఈ ఘటనకు సంబంధించిన వీడియో సోషల్ మీడియాలో వైరల్ కావడంతో విషయం బయటపడింది.అనంతపురం జిల్లా విడపనకల్లు మండలం గడేకల్ల్ గ్రామానికి చెందిన భాస్కర్ అనే యువకుడు, ఓ వివాహితను గత కొంతకాలంగా ప్రేమ పేరుతో వేధిస్తున్నాడని గ్రామస్తులు ఆరోపిస్తున్నారు. పలుమార్లు హెచ్చరించినప్పటికీ అతని ప్రవర్తనలో మార్పు రాకపోవడంతో మహిళ కుటుంబ సభ్యులు, గ్రామస్తులు కలిసి అతడికి బుద్ధి చెప్పాలని నిర్ణయించుకున్నట్లు సమాచారం.
Andhra Pradesh : ప్రేమ పేరుతో వేధింపులు.. యువకుడికి అరగుండు కొట్టించి ఊరేగించిన గ్రామస్తులు
ఈ క్రమంలో యువకుడిని పట్టుకుని గ్రామస్తులు దేహశుద్ధి చేసినట్లు తెలుస్తోంది. అనంతరం అతడికి అరగుండు కొట్టించి, మెడలో చెప్పుల దండ వేసి గ్రామ వీధుల్లో ఊరేగించారు. డప్పులు మోగిస్తూ గ్రామమంతా తిప్పిన ఈ ఘటన అక్కడ ఉద్రిక్తతకు దారితీసింది. సంఘటనను కొందరు వీడియో తీసి సోషల్ మీడియాలో పోస్టు చేయడంతో అది వైరల్గా మారింది.సామాజిక మాధ్యమాల్లో వీడియో వైరల్ కావడంతో పోలీసులు ఘటనపై దృష్టి సారించినట్లు సమాచారం. అయితే ఈ ఘటనపై ఇప్పటివరకు అధికారిక ఫిర్యాదు నమోదు కాలేదని స్థానిక వర్గాలు చెబుతున్నాయి. పోలీసులు స్వయంగా కేసు నమోదు చేస్తారా లేదా అనే విషయంపై స్పష్టత రావాల్సి ఉంది.
ఇలాంటి ఘటనలు ఇటీవలి కాలంలో పలు ప్రాంతాల్లో చోటుచేసుకుంటుండటం ఆందోళన కలిగిస్తోంది. వ్యక్తిగత వివాదాలను చట్టాన్ని చేతుల్లోకి తీసుకుని పరిష్కరించేందుకు ప్రయత్నించడం ప్రమాదకరమని నిపుణులు హెచ్చరిస్తున్నారు. ఎవరి ప్రవర్తన తప్పయినా చట్టపరమైన చర్యల ద్వారానే సమస్యలను పరిష్కరించుకోవాలని సూచిస్తున్నారు.గ్రామాల్లో సామాజిక ఒత్తిడి, అవమానపరిచే శిక్షలు ఇప్పటికీ కొనసాగుతుండటం సమాజంలో చర్చకు దారితీస్తోంది. ఈ ఘటనపై మానవ హక్కుల సంఘాలు, మహిళా సంఘాలు ఎలా స్పందిస్తాయన్నది ఆసక్తికరంగా మారింది. ప్రస్తుతం ఈ వీడియో సోషల్ మీడియాలో విపరీతంగా వైరల్ అవుతోంది
Also read
