Guppedantha Manasu 20 Jan Today Episode : రిషి ఎక్కడున్నాడో కనిపెట్టేసిన వసుధార.. అక్కడికి వెళ్లి వసు షాక్.. రిషి ఏం చేస్తున్నాడు అక్కడ | The Telugu News : Latest Telugu News | Breaking News Telugu | తెలుగు వార్త‌లు | బ్రేకింగ్ న్యూస్ తెలుగు

Guppedantha Manasu 20 Jan Today Episode : రిషి ఎక్కడున్నాడో కనిపెట్టేసిన వసుధార.. అక్కడికి వెళ్లి వసు షాక్.. రిషి ఏం చేస్తున్నాడు అక్కడ

Guppedantha Manasu 20 Jan Today Episode : గుప్పెడంత మనసు సీరియల్ లేటెస్ట్ ఎపిసోడ్ తాజాగా విడుదలైంది. ఈరోజు 20 జనవరి 2023, శుక్రవారం ఎపిసోడ్ 665 హైలైట్స్ ఏంటో ఇప్పుడు చూద్దాం. చక్రపాణి.. వసుధారకు ఫోన్ చేసి ఎలా ఉన్నావమ్మా అని అడుగుతాడు. రిషిని కలిశావా అంటాడు. నేను బాగానే ఉన్నాను కానీ.. ఆ రాజీవ్ తో జాగ్రత్తగా ఉండండి అంటుంది వసుధార. దీంతో వాడిని అస్సలు వదిలిపెట్టను అంటాడు చక్రపాణి. మేము కూడా […]

 Authored By gatla | The Telugu News | Updated on :20 January 2023,9:00 am

Guppedantha Manasu 20 Jan Today Episode : గుప్పెడంత మనసు సీరియల్ లేటెస్ట్ ఎపిసోడ్ తాజాగా విడుదలైంది. ఈరోజు 20 జనవరి 2023, శుక్రవారం ఎపిసోడ్ 665 హైలైట్స్ ఏంటో ఇప్పుడు చూద్దాం. చక్రపాణి.. వసుధారకు ఫోన్ చేసి ఎలా ఉన్నావమ్మా అని అడుగుతాడు. రిషిని కలిశావా అంటాడు. నేను బాగానే ఉన్నాను కానీ.. ఆ రాజీవ్ తో జాగ్రత్తగా ఉండండి అంటుంది వసుధార. దీంతో వాడిని అస్సలు వదిలిపెట్టను అంటాడు చక్రపాణి. మేము కూడా అక్కడికే వచ్చేస్తాం. నీతోనే ఉంటాం అంటాడు చక్రపాణి. దీంతో మీరు ఇక్కడికి రావడానికి అన్ని ఏర్పాట్లు చేస్తాను అంటుంది వసుధార. దీంతో సరే అమ్మ అంటాడు. ఇక నుంచి మనకు అంతా మంచే జరుగుతుంది సుమిత్ర అంటాడు చక్రపాణి. మనమంతా ఒకదగ్గరే ఉందాం. కలిసే ఉందాం అని సుమిత్రతో చెబుతాడు.

guppedantha manasu 20 january 2023 friday full episode

guppedantha manasu 20 january 2023 friday full episode

మరోవైపు రిషి.. సోఫాలో పడుకొని వసుధార గురించే ఆలోచిస్తూ ఉంటాడు. ఇంత పని చేశావేంటి.. నా జీవితంలో ఎన్నో ప్రశ్నలకు సమాధానం చెప్పావు. చివరకు నువ్వే పెద్ద ప్రశ్నగా మిగిలిపోయావు అని అంటాడు. దేవుడి దగ్గర పెట్టిన పూలను తనతో పాటే తీసుకెళ్లడం చూస్తాడు రిషి. అసలు వసుధార ఎందుకు పూలు తీసుకుంది. ఒకరికి భార్యగా ఉన్న వ్యక్తి నాతో ఎందుకు మాట్లాడాలని అనుకుంటోంది. అది తప్పు కదా అని అనుకుంటాడు రిషి. మరోవైపు రిషి సార్ కు జరిగిన విషయాలు అన్నీ ఎప్పుడు చెప్పాలి. వెళ్లిన వ్యక్తి మళ్లీ ఎందుకు వచ్చారు. మళ్లీ వచ్చారంటే నా మీద ప్రేమ ఉన్నట్టే కదా అని అనుకొని.. పూల ఫోటో తీసి మాట్లాడాలి సార్ అంటూ వాట్సప్ మెసేజ్ పెడుతుంది రిషికి.

దీంతో రిషికి ఏ రిప్లయి ఇవ్వాలో అర్థం కాదు. ఇద్దరూ బయట ఉన్న చందమామను చూస్తూ మాట్లాడుకుంటారు. అసలు దూరం ఎందుకు అయ్యాం. వసుధార ఎందుకు ఇలా చేస్తోందో అర్థం కావడం లేదు అని అనుకుంటుంది.

ఇంతలో తన పూలు కింద పడబోతుంటే.. జీవితంలో నేను ఏదీ చేజారనివ్వను సార్. బంధమైనా.. ఏదైనా ఖచ్చితంగా చేజార్చుకోను అని అనుకుంటుంది. వసుధార నువ్వు ఎప్పటికీ అర్థం కాని ప్రశ్నగానే మిగిలిపోతావా అనుకుంటాడు.

రిషి సార్ మీరు ఎక్కడున్నారు సార్ అని అనుకుంటుంది. నేను ఎక్కడున్నానో ఏమైపోతున్నానో నాకే అర్థం కావడం లేదు అని అనుకుంటాడు రిషి. వసుధార పంపించిన ఫోటో చూస్తాడు రిషి. కట్ చేస్తే తెల్లవారుతుంది. కాలేజీకి వస్తుంది వసుధార. రిషి సార్ ఎక్కడున్నారు అని అంతా వెతుకుతుంది.

ఎప్పుడూ వాళ్లు కూర్చొనే ప్లేస్ కు వచ్చి కూర్చొంటుంది. అన్నీ గుర్తుకు తెచ్చుకుంటుంది. రిషి సార్ మీరు, నేను కలిసి నడిచింది.. మాట్లాడింది.. ప్రతి క్షణం నాకు ఒక మెమోరీగానే గుర్తింది. మీరు నన్ను ఎందుకు అర్థం చేసుకోవడం లేదు. అసలు మీరు ఎక్కడికి వెళ్లారు అని అనుకుంటుంది.

Guppedantha Manasu 20 Jan Today Episode : జగతి, మహీంద్రా ఎవ్వరూ లిఫ్ట్ చేయని వసుధార ఫోన్

ఈ వసుధారను ఒంటరిని చేస్తారా అని అనుకుంటుంది వసుధార. వెంటనే ఫోన్ చేస్తుంది రిషికి. కానీ.. రిషి ఫోన్ చూసుకోడు. దీంతో జగతి మేడమ్ కు ఫోన్ చేయనా అనుకుంటుంది. మేడమ్ కూడా నన్ను అర్థం చేసుకోవడం లేదు అనుకుంటుంది.

జగతి కూడా లిఫ్ట్ చేయదు. మహీంద్రాకు చేస్తుంది వసుధార. కానీ.. ఆయన కూడా లిఫ్ట్ చేయరు. రిషి సార్ మీరు లేని వసుధార ఎలా ఉంటుందని అనుకున్నారు. మీరు నాకు చెప్పకుండా ఎక్కడికి వెళ్లారు సార్. ఏ విషయం తెలియడం లేదు అని అనుకుంటుంది.

నేను మిమ్మల్ని చూడాలి సార్. మీతో మాట్లాడాలి. ధరణి మేడమ్ కు ఫోన్ చేస్తే చెబుతుంది కదా అనుకుంటుంది. వెంటనే ధరణికి ఫోన్ చేస్తుంది. మేడమ్.. నేను వసుధారను మాట్లాడుతున్నాను. రిషి సార్ ఎక్కడున్నారో మీకు తెలుసా? అని అడుగుతుంది.

రిషి ఇంటికి రాలేదు. తను ఎక్కడికి వెళ్లారో ఎవ్వరికీ తెలియదు అంటుంది. అది కాదు వసుధార.. అలా ఎందుకు చేశావు అని అడుగుతుంది. దీంతో ఫోన్ కట్ చేస్తుంది వసుధార. డీబీఎస్టీ కాలేజీలో మొదటి సారి రిషి సార్ ను ఎక్కడ చూశానో అక్కడికే వెళ్లి చూస్తా అని అనుకుంటుంది వసుధార.

కట్ చేస్తే ఆ రూమ్ దగ్గరికి వెళ్లి డోర్ ఓపెన్ చేయబోతుంది. ఇంతలో రిషి కూడా అదే సమయానికి డోర్ ఓపెన్ చేయబోతాడు. ఒక్కసారిగా రిషి డోర్ తీస్తాడు. దీంతో వసుధార వెళ్లి అతడి ఒడిలో పడుతుంది.

మీరు ఇక్కడ ఉన్నారేంటి సార్ అని అడుగుతుంది. దీంతో ఇది కాలేజీ గెస్ట్ హౌస్. ఇక్కడ నీకేం పని అంటాడు. దీంతో నేను కాలేజీ ఎంప్లాయినే కదా అంటుంది. మీరు నాకు మాట్లాడటానికి టైమ్ ఇవ్వడం లేదు అంటుంది.

దీంతో ప్రతిక్షణం నీనుండి నేనే పారిపోతున్నాను అంటాడు రిషి. మాట్లాడటానికి ఏం లేదు వసుధార అంటాడు. ఇక్కడి నుంచి వెళ్లిపో అంటాడు. దీంతో ఈరోజు వెళ్లిపోవచ్చు. రేపు.. లేకపోతే ఎల్లుండి అయినా అంటుంది.

దీంతో మహీంద్రా సార్ కు మెసేజ్ చేస్తుంది. వాట్సప్ లో వాయిస్ మెసేజ్ చేస్తుంది. రిషి సార్ కాలేజీ గెస్ట్ హౌస్ లో ఉన్నారు. వచ్చి తీసుకెళ్లండి అని మెసేజ్ చేస్తుంది. దీంతో కోపంతో ఏం చేస్తున్నావు. నువ్వు వెళ్తావా.. లేక నేను వెళ్లనా అంటాడు.

దీంతో ఏం చేయాలో వసుధారకు అర్థం కాదు. బయటికి వచ్చేస్తుంది. ఇంతలో చక్రపాణి ఫోన్ చేస్తాడు. మీ అక్కడ మాధురి ఫోన్ చేసింది. ఆరోగ్యం బాగోలేదట. మీ అమ్మ తన దగ్గరికి వెళ్దాం అంటోంది అని చెబుతాడు.

అమ్మను మాధవి దగ్గరికి పంపించి నేను నీ దగ్గరికి వస్తానమ్మా. ఎందుకో నీ దగ్గరికి రావాలని ఉంది అంటాడు. దీంతో వసుధార ఏం మాట్లాడదు. మీరు వచ్చేయండి. నాకేం ఇబ్బంది లేదు అంటుంది వసుధార.

సరే ఉంటానమ్మా అంటాడు చక్రపాణి. రిషి కాలేజీలో ఉన్నాడని దేవయానికి చెబుతాడు మహీంద్రా. అక్కడికి వసుధార ఎందుకు వచ్చింది. అసలు ఏం జరిగింది అని అడుగుతుంది దేవయాని.

వసుధార వస్తే రిషి ఏం బాగుంటాడు అంటుంది దేవయాని. ఆ తర్వాత ఏం జరుగుతుందో తెలియాలంటే తరువాయిభాగంలో చూడాల్సిందే.

gatla

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది