Idli vs Dosa : ఇడ్లీ vs దోశ .. ఆరోగ్యానికి ఏది మంచిది? .. బరువు తగ్గాలనుకునే వారికి సరైన ఎంపిక ఏది?
ప్రధానాంశాలు:
Idli vs Dosa : ఇడ్లీ vs దోశ .. ఆరోగ్యానికి ఏది మంచిది? .. బరువు తగ్గాలనుకునే వారికి సరైన ఎంపిక ఏది?
ఆవిరి ఇడ్లీ : తక్కువ కేలరీలు, ఎక్కువ ఆరోగ్యం
Idli vs Dosa : దక్షిణాది భారతీయుల ఇళ్లలో ఉదయం బ్రేక్ఫాస్ట్ అంటే ముందుగా గుర్తుకు వచ్చేవి ఇడ్లీ, దోశ. రెండూ ఒకే పిండితో తయారైనా, తయారీ విధానం కారణంగా ఆరోగ్యంపై వీటి ప్రభావం మారిపోతుంది. ముఖ్యంగా ఆవిరిపై ఉడికించే ఇడ్లీని పోషకాహార నిపుణులు మరింత ఆరోగ్యకరమైన ఎంపికగా సూచిస్తున్నారు. ఇడ్లీ పూర్తిగా ఆవిరిపై ఉడికించడం వల్ల నూనె అవసరం ఉండదు. అందువల్ల ఇందులో కొవ్వు శాతం చాలా తక్కువగా ఉంటుంది. గుండె సమస్యలు ఉన్నవారికి, అధిక రక్తపోటు బాధపడుతున్నవారికి ఇది సురక్షితమైన అల్పాహారం. అలాగే పిండిని పులియబెట్టే ప్రక్రియలో సహజసిద్ధమైన ప్రోబయోటిక్స్ ఏర్పడతాయి. ఇవి జీర్ణక్రియను మెరుగుపరచడమే కాకుండా పేగుల్లోని మంచి బ్యాక్టీరియా పెరుగుదలకు సహాయపడతాయి. మధుమేహ రోగులకు కూడా ఇడ్లీ ఒక మంచి ఎంపికగా భావించవచ్చు. దోశతో పోలిస్తే ఇడ్లీలో గ్లైసెమిక్ ఇండెక్స్ తక్కువగా ఉండే అవకాశం ఉంది. దీని వల్ల రక్తంలో చక్కెర స్థాయిలు ఒక్కసారిగా పెరగకుండా నియంత్రణలో ఉండేలా చేస్తుంది. తేలికగా అరిగే గుణం కూడా ఇడ్లీకి అదనపు ప్రయోజనం.
Idli vs Dosa : ఇడ్లీ vs దోశ .. ఆరోగ్యానికి ఏది మంచిది? .. బరువు తగ్గాలనుకునే వారికి సరైన ఎంపిక ఏది?
దోశ : రుచి మాత్రమే కాదు .. శక్తి కూడా
చాలామంది దోశను కేవలం రుచికోసమే తింటారని భావిస్తారు. కానీ సరైన విధంగా తీసుకుంటే దోశ కూడా శక్తివంతమైన అల్పాహారమే. దోశ తిన్న తర్వాత కడుపు నిండిన అనుభూతి ఎక్కువసేపు ఉంటుంది. దీని వల్ల మధ్యాహ్నం వరకూ ఇతర స్నాక్స్ తినాలనే కోరిక తగ్గుతుంది. దోశలో క్యారెట్, ఉల్లిపాయలు, పనీర్, గ్రీన్ పీస్ వంటి పదార్థాలను ఫిల్లింగ్గా చేర్చుకోవచ్చు. దీంతో ఫైబర్, ప్రోటీన్ ఒకేసారి అందుతాయి. ఉదయం పనిఒత్తిడి ఎక్కువగా ఉండే వారు లేదా శారీరక శ్రమ చేసే వారికి దోశలోని కార్బోహైడ్రేట్లు తక్షణ శక్తిని అందిస్తాయి. అయితే దోశను తయారు చేసే సమయంలో వాడే నూనె లేదా నెయ్యి పరిమాణం ఎక్కువైతే కేలరీలు పెరిగే ప్రమాదం ఉంది. సాధారణంగా ఒక మీడియం దోశలో 120–150 కేలరీలు ఉంటాయి. ముఖ్యంగా క్రిస్పీగా చేయడానికి ఎక్కువ నూనె వాడితే కొవ్వు శాతం పెరుగుతుంది. అందువల్ల బరువు నియంత్రణలో ఉండాలనుకునేవారు దోశను మితంగా తీసుకోవడం మంచిది.
కేలరీలు, ప్రోటీన్, ఫైబర్ : వెయిట్ లాస్కు బెస్ట్ ఆప్షన్ ఏది?
బరువు తగ్గడంలో కేలరీల లెక్కలు కీలకం. ఇక్కడ ఇడ్లీ స్పష్టమైన ఆధిక్యం సాధిస్తుంది. ఒక మీడియం ఇడ్లీలో కేవలం 39–45 కేలరీలు మాత్రమే ఉంటాయి. నూనె లేకుండా ఆవిరిపై ఉడికించటం వల్ల అదనపు కొవ్వు చేరదు. ఒక దోశ తినే బదులు మూడు ఇడ్లీలు తిన్నా తక్కువ కేలరీలే తీసుకున్నట్లవుతుంది. ప్రోటీన్, ఫైబర్ అధికంగా ఉన్న ఆహారం తీసుకుంటే ఎక్కువసేపు ఆకలి వేయదు. సాధారణ దోశ కంటే పెసరట్టు ప్రోటీన్ ఎక్కువగా, కార్బోహైడ్రేట్లు తక్కువగా ఉంటుంది. వెయిట్ లాస్ డైట్లో ఇది మంచి ఎంపిక. అలాగే రాగులు, ఓట్స్తో తయారు చేసిన ఇడ్లీలో ఫైబర్, కాల్షియం అధికంగా ఉండి జీర్ణక్రియ మెరుగుపడటంతో పాటు పొట్ట చుట్టూ కొవ్వు తగ్గించడంలో సహాయపడతాయి. ఇక మీరు కఠినమైన డైట్లో ఉండి కేలరీలు తగ్గించుకోవాలనుకుంటే ఇడ్లీ ఉత్తమ ఎంపిక. అయితే దోశను పూర్తిగా మానాల్సిన అవసరం లేదు. నాన్-స్టిక్ పాన్లో తక్కువ నూనెతో కాల్చి, ప్రోటీన్ రిచ్ సాంబార్ లేదా పప్పుల చట్నీతో తీసుకుంటే అది కూడా సమతుల్యమైన అల్పాహారంగా మారుతుంది. ఆరోగ్యకరమైన ఎంపిక మీ లక్ష్యంపై ఆధారపడి ఉంటుంది.
Also read
