Banana Peels : అరటి తొక్కే కదా అని తీసి పారేస్తున్నారా ?..ఇలా వాడితే ఎన్నో అద్భుతమైన ఉపయోగాలు..!
ప్రధానాంశాలు:
Banana Peels : అరటి తొక్కే కదా అని తీసి పారేస్తున్నారా ?..ఇలా వాడితే ఎన్నో అద్భుతమైన ఉపయోగాలు..!
Banana Peels: ప్రతిరోజూ వంట చేయడం అనేది ప్రతి ఇంట్లో సాధారణమే. అయితే రోజూ వాడే పాత్రలపై నూనె మొండి మరకలు, కాలిన నల్లటి పొరలు ఏర్పడటం కూడా అంతే సహజం. ఎంత సబ్బు, స్క్రబ్బర్ వాడినా కొన్ని మరకలు మాత్రం పోవు. ఇవి పాత్రల అందాన్ని మాత్రమే కాదు వంటగది శుభ్రతను కూడా దెబ్బతీస్తాయి. ఇలాంటి సమస్యకు పరిష్కారం మీ వంటగదిలోనే ఉందంటే నమ్మగలరా? సాధారణంగా చెత్తలో వేసే అరటి తొక్కలు పాత్రలు శుభ్రం చేయడంలో అద్భుతంగా పనిచేస్తాయి. ఖర్చు లేకుండా రసాయనాలు ఉపయోగించకుండా ఈ సమస్యను ఎలా పరిష్కరించుకోవచ్చో ఇప్పుడు తెలుసుకుందాం.
Banana Peels : అరటి తొక్కే కదా అని తీసి పారేస్తున్నారా ?..ఇలా వాడితే ఎన్నో అద్భుతమైన ఉపయోగాలు..!
Banana Peels: పాత్రలపై మొండి మరకలకు అరటి తొక్క పరిష్కారం
స్టీల్, అల్యూమినియం లేదా నాన్-స్టిక్ పాత్రలపై నూనె మరకలు పేరుకుపోయినప్పుడు అరటి తొక్కను ఉపయోగించవచ్చు. అరటి తొక్కలోని తెల్లటి లోపలి భాగంలో పొటాషియం సహజ నూనెలు సమృద్ధిగా ఉంటాయి. ఇవి పాత్రలపై అంటుకున్న మురికిని మెత్తగా చేసి తొలగించడంలో సహాయపడతాయి. చేయాల్సిందల్లా అరటి తొక్క లోపలి భాగాన్ని పాత్రపై ఉన్న మరకలపై బాగా రుద్దాలి. ఆ తర్వాత 10 నుంచి 15 నిమిషాల పాటు అలాగే ఉంచాలి. తరువాత తేలికపాటి స్క్రబ్బర్ లేదా స్పాంజ్తో శుభ్రం చేస్తే మరకలు సులభంగా పోతాయి. గట్టి మరకల కోసం అరటి తొక్కపై కొద్దిగా టూత్పేస్ట్ వేసి స్క్రబ్ చేస్తే మరింత మంచి ఫలితం కనిపిస్తుంది.
Banana Peels: వంటగదిని మెరిపించే సహజ మార్గం
అరటి తొక్కలు కేవలం పాత్రలకే కాదు వంటగదిలోని ఇతర వస్తువుల శుభ్రతకూ ఉపయోగపడతాయి. గ్యాస్ స్టవ్, సింక్ దగ్గర పేరుకునే నల్లటి మురికి, నూనె మరకలను కూడా అరటి తొక్కతో తుడవవచ్చు. ఇది మెటల్ ఉపరితలాలకు సహజ మెరుపును తీసుకువస్తుంది. ముఖ్యంగా రసాయన క్లీనర్లు వాడడం ఇష్టంలేని వారికి ఇది ఉత్తమ ప్రత్యామ్నాయం. అలాగే అరటి తొక్కలు వాడిన తర్వాత వచ్చే సహజ వాసన వంటగదిలో ఫ్రెష్ ఫీల్ను ఇస్తుంది. చెత్త తగ్గించడంతో పాటు పర్యావరణానికి మేలు చేసే అలవాటుగా కూడా ఇది మారుతుంది.
Banana Peels: మొక్కలకు సహజ ఎరువుగా అరటి తొక్కలు
వంటగదిలో ఉపయోగం పూర్తయ్యాక కూడా అరటి తొక్కల పని అయిపోదు. ఇవి మొక్కలకు అద్భుతమైన సహజ ఎరువులు. అరటి తొక్కల్లో పొటాషియం, భాస్వరం, కాల్షియం వంటి పోషకాలు పుష్కలంగా ఉంటాయి. తొక్కలను చిన్న ముక్కలుగా కోసి మొక్కల చుట్టూ మట్టిలో పాతిపెట్టవచ్చు. లేదా నీటిలో మరిగించి ఆ నీటిని చల్లార్చి మొక్కలకు పోస్తే అవి పచ్చగా ఆరోగ్యంగా పెరుగుతాయి. ఇలా చేయడం వల్ల మొక్కల పెరుగుదల మెరుగుపడడమే కాకుండా ఇంటి వ్యర్థాలను సద్వినియోగం చేసినట్టూ అవుతుంది. అరటి తొక్కలు అనవసరమైన వ్యర్థం కాదు. సరైన విధంగా వాడితే వంటగదిలో శుభ్రత నుంచి తోటలో పచ్చదనం వరకు ఎన్నో ప్రయోజనాలు అందిస్తాయి. చిన్న చిట్కా మీ రోజువారీ పనులను ఎంత సులభం చేస్తుందో ఇదే ఉదాహరణ.
Also read
