Hyderabad : హైదరాబాద్ లో గన్ ఫైరింగ్.. బంగారం షాపులోకి చొరబడి తుపాకీతో బెదిరించి నగలన్నీ ఎత్తుకెళ్లారు

Hyderabad : ఈ మధ్య ఎక్కడ చూసినా గన్ కల్చర్ పెరిగిపోయింది. చాలామందిని గన్ తో బెదిరించడం చూశాం కదా. ముఖ్యంగా దుండగులు గన్ లను వాడి దొంగతనాలు చేయడం చూస్తుంటాం. తాజాగా బంగారం షాపులో దొంగలు సృష్టించిన హడావుడి హైదరాబాద్ లో కలకలం లేపింది. నగరంలోని నాగోల్ లో ఉన్న స్నేహపురి కాలనీలో ఈ ఘటన చోటు చేసుకుంది.

స్నేహపురి కాలనీలో ఉన్న ఓ బంగారం షాపులోకి చొరబడిన ఇద్దరు దుండగులు గన్ తో బంగారం యజమానిని బెదిరించారు. అయితే.. బంగారం షాపు యజమాని దుండగులతో పోరాడినట్టు తెలుస్తోంది. దీంతో దుండగులు కాల్పులు జరిపారు. దీంతో ఆ వ్యక్తికి తీవ్రగాయాలు అయినట్టు తెలుస్తోంది. అనంతరం షాపులోని బంగారం మొత్తాన్ని దుండగులు ఎత్తుకెళ్లారు.

Hyderabad : సీసీ కెమెరా ఆధారంగా దర్యాప్తు చేస్తున్న పోలీసులు

ఈ ఘటనపై సమాచారం అందుకున్న పోలీసులు వెంటనే ఘటనాస్థలానికి చేరుకున్నారు. వెంటనే ప్రాథమిక వివరాలను సేకరించారు. అక్కడ ఉన్న సీసీ కెమెరాలో రికార్డు అయిన దృశ్యాలను బేస్ చేసుకొని వివరాలను సేకరిస్తున్నారు. దుండగులు ఎవరు.. ఎక్కడికి పారిపోయారు. ఎలా పారిపోయారు.. వాళ్లకు గన్ ఎక్కడిది అనే అంశాలపై దర్యాప్తు కొనసాగిస్తున్నారు. అయితే.. ఒక్కసారిగా నాగోల్ లో కాల్పులు చోటు చేసుకోవడంతో నగరం ఉలిక్కిపడింది. ఈ ఘటనకు సంబంధించి మరిన్ని వివరాలు తెలియాల్సి ఉంది.

Breaking News 2

No bio available for this author.

Follow Us