TS RTC : తెలంగాణ ఆర్టీసీ నూతన ఏడాది కానుకగా కీలక నిర్ణ‌యం తీసుకుంది. రాష్ట్రంలో 12 ఏళ్ల లోపు పిల్ల‌లంద‌రికీ టీఎస్ ఆర్టీసీ బ‌స్సుల‌లో శాశ్వతంగా ఉచిత ప్ర‌యాణం కలిపించే విధంగా చర్యలు తీసుకోనున్నట్లు ప్రకటించింది. ఈ మేరకు చర్యలు వేగవంతం చేస్తామని టీఎస్ ఆర్టీసీ చైర్మెన్ బాజిరెడ్డి గోవ‌ర్ధ‌న్ ప్ర‌క‌టించారు.

కాగా ముందుగా ఇప్ప‌టికే నూత‌న సంవ‌త్స‌రం సంద‌ర్భంగా ఈ రోజు మొత్తం 12 ఏళ్ల వ‌య‌స్సు ఉన్న‌వారు ఆర్టీసీ బ‌స్సులో ఉచితంగా ప్ర‌యాణించే అవకాశాన్ని కల్పించారు. ఇక ఈ నిర్ణయాన్ని శాశ్వతంగా అమలు పరుస్తామని తెలియజేయడంతో రాష్ట్ర ప్రజలంతా ఆనందం వ్యక్తం చేస్తున్నారు.

రాజధాని హైద‌రాబాద్ లోని బ‌స్ భ‌వ‌న్ లో కొత్త సంవ‌త్స‌రం వేడుక‌లను నిర్వ‌హించిన సందర్భంలో ఈ మేరకు ఆర్టీసీ చైర్మెన్ బాజిరెడ్డి గోవ‌ర్ధ‌న్ తో పాటు ఎండీ స‌జ్జ‌నార్ ఈ విషయాన్ని తెలిపారు. తాజా నిర్ణయంతో… టీఎస్ ఆర్టీసీ ఆక్యుపెన్సీ రేషియో కూడా పెర‌గ‌డానికి అవ‌కాశం ఉంటుంద‌ని సజ్జనార్ తెలిపారు.