Viral Video : ఇది ఎన్నికల సీజన్. ప్రస్తుతం తెలంగాణతో సహా 5 రాష్ట్రాల్లో వచ్చే నెల ఎన్నికలు జరగబోతున్నాయి. ఈనేపథ్యంలో ఓ వీడియో ప్రస్తుతం సోషల్ మీడియాలో తెగ వైరల్ అవుతోంది. ఓ రైతు సాయం కోసం ఎమ్మెల్యే దగ్గరికి వెళ్తే ఆ ఎమ్మెల్యే ఆ రైతును చాలా హీనంగా చూస్తాడు. వీడేంటి.. వీడి అవతారం ఏంటి అన్నట్టుగా ఆ రైతు అతడిని చూస్తాడు. సాయం కోసం వచ్చిన రైతును తన్ని అవమానిస్తాడు ఆ ఎమ్మెల్యే. ఆ ఘటన ఎమ్మెల్యే ఇంట్లోని సీసీ కెమెరాలో రికార్డు అయింది. ఆ వీడియో ఎలా బయటికి వచ్చిందో తెలియదు కానీ.. ప్రస్తుతం ఆ వీడియో సోషల్ మీడియాలో తెగ వైరల్ అవుతోంది.

సాయం కోసం వచ్చిన ఒక రైతును అలా తన్ని అవమానిస్తారా? రైతు అంటే ఈ దేశానికే వెన్నెముక. అలాంటి రైతుపై ఇలా ప్రవర్తిస్తారా అంటూ నెటిజన్లు ఫైర్ అవుతున్నారు. ఆ వీడియో సోషల్ మీడియాలో తెగ చక్కర్లు కొడుతూ ఉండటంతో సాయం కోసం వచ్చిన రైతును తన్ని అవమానించిన ఆ ఎమ్మెల్యే ఎవరు అని నెటిజన్లు ఆరా తీస్తున్నారు. అయితే అది ఇక్కడి వీడియో కాదు. రాజస్థాన్ కు చెందిన వీడియో. కాంగ్రెస్ పార్టీకి చెందిన రాజేంద్ర సింగ్ అనే ఎమ్మెల్యే దగ్గరికి ఓ రైతు వస్తాడు. సాయం కోసం వచ్చి తనను అభ్యర్థిస్తాడు. దీంతో ఆ రైతుపై దురుసుగా ప్రవర్తించి నా ఇంట్లోకే వస్తావా? నీకు సాయం కావాలా అన్నట్టుగా ఆ ఎమ్మెల్యే చాలా దురుసుగా ప్రవర్తిస్తాడు. కాలితో తంతాడు.

#image_title

Viral Video : పాత వీడియో అయినా ఎన్నికల నేపథ్యంలో వైరల్

నిజానికి ఈ ఘటన 2021 లో జరిగింది. కానీ.. ప్రస్తుతం రాజస్థాన్ లో ఎన్నికలు ఉన్న నేపథ్యంలో ఈ వీడియో సోషల్ మీడియాలో చక్కర్లు కొడుతోంది. ఎలాంటి వ్యక్తిని ఎమ్మెల్యేగా ఎన్నుకోవాలో ప్రజలు తెలుసుకోవాలని చెప్పడానికి ఈ వీడియోనే ఉదాహరణ.

సాయం కోసం వచ్చిన రైతును తన్ని అవమానించిన కాంగ్రెస్ ఎమ్మెల్యే

రాజస్థాన్ – కాంగ్రెస్ పార్టీ ఎమ్మెల్యే రాజేంద్ర సింగ్ వద్దకు సాయం కోసం ఓ రైతు రాగా కాలుతో తన్ని అవమానించాడు. pic.twitter.com/ORBf98ghTV

— Telugu Scribe (@TeluguScribe) October 17, 2023

Follow Us

kranthi

ది తెలుగు న్యూస్‌లో డిజిటల్ కంటెంట్ ప్రొడ్యూసర్‌గా పని చేస్తున్నారు. ఇక్కడ తెలంగాణ , ఆంధ్ర‌ప్ర‌దేశ్‌, జాతీయ, అంతర్జాతీయ వ్యవహారాలకు సంబంధించిన తాజా వార్తలు, రాజకీయ వార్తలు, ప్ర‌త్యేక క‌థ‌నాలు, క్రీడా, హైల్త్‌, ఆధ్యాత్మికం, విద్యా ఉద్యోగం, సినిమా, బిజినెస్ సంబంధించిన వార్త‌లు రాస్తారు. గ‌తంలో ప్ర‌ముఖ తెలుగు మీడియా సంస్థ‌లో అనుభ‌వం కూడా ఉంది